កាន់តែក្តៅ! កូរ៉េខាងជើងបន្តបា.ញ់សាកល្បងអាវុ.ធ ផ្គើននឹងការថ្កោលទោសអន្តរជាតិ
កូរ៉េខាងជើង ៖ កូរ៉េខាងជើងបានបា.ញ់មីស៊ីលផ្លោងរយៈចំងាយខ្លីចំនួន ២គ្រាប់នៅថ្ងៃព្រហស្បតិ៍ ទី២៧ ខែមករា នេះ បណ្តាលឲ្យ
កូរ៉េខាងជើង ៖ កូរ៉េខាងជើងបានបា.ញ់មីស៊ីលផ្លោងរយៈចំងាយខ្លីចំនួន ២គ្រាប់នៅថ្ងៃព្រហស្បតិ៍ ទី២៧ ខែមករា នេះ បណ្តាលឲ្យមានការថ្កោលទោសពីអាមេរិក។
នេះគឺជាការបា.ញ់សាកល្បងអាវុ.ធលើកទី ៦ហើយរបស់របបព្យុងយ៉ាងនៅក្នុងខែមករានេះ។
អគ្គសេនាធិការចម្រុះរបស់កូរ៉េខាងត្បូងបាននិយាយថា ខ្លួនបានឃើញការបា.ញ់មីស៊ីលផ្លោងចំនួន ២គ្រាប់នៅម៉ោងប្រហែល ៨ព្រឹកចេញពីទីក្រុង Hamhung ស្ថិតនៅឆ្នេរខាងកើតនៃប្រទេសកូរ៉េខាងជើង។ មីស៊ីលធ្វើដំណើរបានចំងាយ១៩០គីឡូម៉ែត្រ ក្នុងរយៈកម្ពស់ ២០គីឡូម៉ែត្រ។
ការបា.ញ់មីស៊ីលផ្លោងនេះកើតឡើងតែ ២ថ្ងៃប៉ុណ្ណោះ បន្ទាប់ពីប្រទេសផ្តាច់ការនេះបានបា.ញ់សាកល្បងគ្រូសមីស៊ីល (Cruise missile) ចូលក្នុងសមុទ្រភាគខាងកើតកាលពីថ្ងៃអង្គារកន្លងទៅនេះ បណ្តាលឲ្យមានភាពតានតឹងកាន់តែខ្លាំង។
គ្រូសមីស៊ីលដែលបា.ញ់ដោយកូរ៉េខាងជើងនេះ មិនត្រូវបានហាមឃាត់ដោយអង្គការសហប្រជាជាតិឡើយ ប៉ុន្តែរបបនេះផ្គើននឹងការថ្កោលទោសរបស់អន្តរជាតិដោយធ្វើការបា.ញ់មីស៊ីលផ្លោង និងមីស៊ីលលឿនជាងសំឡេងជាច្រើនដងក្នុងរយៈពេលថ្មីៗនេះ។
វាគឺជាការបា.ញ់សាកល្បងលើកទី ៦ហើយក្នុងខែមករា ឆ្នាំ ២០២២នេះ ខណៈដែលមេដឹកនាំកូរ៉េខាងជើងគីម ជុងអ៊ុន (Kim Jong-un) បានប្តេជ្ញាចិត្តពង្រឹងបច្ចេកវិទ្យាយោធារបស់ខ្លួន នៅពេលការចរចារជាមួយកូរ៉េខាងត្បូង និងអាមេរិកបានជាប់គាំង។
កូរ៉េខាងជើងបានប្រកាសកាលពីដើមខែនេះថា ខ្លួននឹងពង្រឹងសមត្ថភាពការពារខ្លួនប្រឆាំងនឹងសហរដ្ឋអាមេរិក និងពិចារណាបន្តអភិវឌ្ឍន៍អាវុ.ធនុយក្លេអ៊ែរ និងមីស៊ីលឆ្លងទ្វីប។
កាលពីពេលថ្មីៗនេះ អាមេរិកបានស្វែងរកការដាក់ទណ្ឌកម្មបន្ថែមទៅលើរបបព្យុងយ៉ាងនៅក្រុមប្រឹក្សាសន្តិសុខអង្គការសហប្រជាជាតិ ប៉ុន្តែត្រូវបានចិន និងរុស្សីរារាំង។
មហាអំណាចកុម្មុយនីស្តទាំងពីរបានជំរុញឲ្យក្រុមប្រឹក្សាសន្តិសុខដកបម្រាមនៃការនាំចេញរូបសំណាក គ្រឿងសមុទ្រ វាយនភណ្ឌរបស់កូរ៉េខាងជើង និងបង្កើនការនាំចូលប្រេង៕ (យោងតាមប្រភព៖ Reuters)
ចែករំលែកព័តមាននេះ