ទីក្រុងហាណូយ បញ្ជាក់ពីការឆ្លងអូមីក្រុង ក្នុងសហគមន៍ ជាលើកដំបូង
ទីក្រុងហាណូយ ៖ អាជ្ញាធរបានប្រកាសកាលពីថ្ងៃពុធ ទី២៦ ខែមករា ឆ្នាំ២០២២នេះថា ទីក្រុងហាណូយបានកត់ត្រា ករណីឆ្លងក្នុងសហគមន៍ ជាដំបូង ជាមួយនឹងកូវីដ-១៩…
ទីក្រុងហាណូយ ៖ អាជ្ញាធរបានប្រកាសកាលពីថ្ងៃពុធ ទី២៦ ខែមករា ឆ្នាំ២០២២នេះថា ទីក្រុងហាណូយបានកត់ត្រា ករណីឆ្លងក្នុងសហគមន៍ ជាដំបូង ជាមួយនឹងកូវីដ-១៩…
ទីក្រុងហាណូយ ៖ អាជ្ញាធរបានប្រកាសកាលពីថ្ងៃពុធ ទី២៦ ខែមករា ឆ្នាំ២០២២នេះថា ទីក្រុងហាណូយបានកត់ត្រា ករណីឆ្លងក្នុងសហគមន៍ ជាដំបូង ជាមួយនឹងកូវីដ-១៩ បំប្លែងថ្មី ប្រភេទអូមីក្រុង នេះបើយោងតាមសារព័ត៌មាន Vnexpres ។
លោក Vu Cao Cuong អនុប្រធាននាយកដ្ឋានសុខាភិបាល ទីក្រុងហាណូយ បាននិយាយថា ករណីឆ្លងក្នុងសហគមន៍ ប្រភេទអូមីក្រុង ជាដំបូងនៅទីក្រុងនេះ គឺជាបុគ្គលិកសណ្ឋាគារ គាត់មានទំនាក់ទំនងជាមួយភ្ញៀវបរទេស ដែលចូលមកស្នាក់នៅ មានផ្ទុកមេរោគអូមីក្រុងនេះ ។
លោក Cuong បានបន្តថា បុគ្គលិកដទៃត្រូវបានដាក់ឲ្យនៅដាច់ដោយឡែកនៅក្នុងសណ្ឋាគារ នឹងមិនមានហានិភ័យ នៃការឆ្លងបន្ថែមទៀតនៅក្នុងសហគមន៍ នោះទេ ។
លោកបានបន្ថែមថា ឥឡូវនេះ ទីក្រុងហាណូយ បានកត់ត្រាការឆ្លង អូមីក្រុង នៅក្នុងសហគមន៍ហើយ ហានិភ័យនៃការឆ្លងរីករាលដាលបន្ថែមគឺអាចមានទៀត ។ មកទល់ពេលនេះ សម្រាប់ទីក្រុងហាណូយ បានកត់ត្រាករណីឆ្លងអូមីក្រុង ចំនួន ១៤ករណី ក្នុងនោះ ១៣ករណី ត្រូវបានរកឃើញជាករណីនាំចូល ។
វៀតណាម បានកត់ត្រាចំនួនអ្នកឆ្លងអូមីក្រុង ជាង១៦០ករណី នៅទូទាំងប្រទេស រួមទាំងរកឃើញ ករណីឆ្លងក្នុងសហគមន៍ ចំនួន ៥ករណី ដែលភ្ជាប់ទៅនឹងធ្វើដំណើរមកពីសហរដ្ឋអាមេរិក ចូលមកទីក្រុងហូជីមិញ ។
ជាង ៩៨ភាគរយ នៃប្រជាជនពេញវ័យរបស់ទីក្រុងហាណូយ បានទទួលការចាក់វ៉ាក់សាំងការពារជំងឺកូវីដ-១៩ យ៉ាងហោចណាស់ពីរដូស រួចហើយដែរ ៕
ចែករំលែកព័តមាននេះ