អេលីត ភក្ដី ណាត់គង់ សំបូរ សាកកណ្ដាប់ដៃគ្នាថ្ងៃសៅរ៍ចុងសប្ដាហ៍នេះ
- ភ្នំពេញ
រាជធានីភ្នំពេញ ៖ កីឡាករជើងខ្លាំងអេលីត ភក្ដី មកពីក្លិបនាយកដ្ឋានអង្គរក្ស បានណាត់កីឡាករគង់ សំបូរ ក្លិបគោព្រៃគុនខ្មែរ
រាជធានីភ្នំពេញ ៖ កីឡាករជើងខ្លាំងអេលីត ភក្ដី មកពីក្លិបនាយកដ្ឋានអង្គរក្ស បានណាត់កីឡាករគង់ សំបូរ ក្លិបគោព្រៃគុនខ្មែរ ប្រកួតគ្នានៅលើសង្វៀនស៊ីអិនស៊ី ថ្ងៃសៅរ៍ ទី២៩មករា ហើយក៏ជាការប្រកួតដណ្ដើមប្រាក់លានខារ៉ាបាវផងដែរ។
តាមពិតគូនេះអត់ដែលប៉ះគ្នាពីមុនមកនោះទេ គ្រាន់តែគេធ្លាប់ដឹងថា ពួកគេទាំងពីរសុទ្ធតែជាកំពូលអ្នកប្រដាល់ជើងខ្លាំងស្ទើរតែគ្មានគូប្រៀបដូចគ្នា និងមានផ្លែល្អម្យ៉ាងម្នាក់ ។ កីឡាករអេលីត ភក្ដីបើនិយាយពីផ្លែកែង និងជង្គង់វិញនោះ គឺល្អខ្លាំងណាស់ មិនត្រឹមតែអាចធ្វើការវាយចេញបានរហ័សនោះទេ ហើយក៏ធ្ងន់ណាស់ដែរ ។ ប៉ុន្តែអេលីត ភក្ដី អត់ហ៊ានមើលស្រាលគង់ សំបូរ នោះទេ ថ្វីត្បិតគង់ សំបូរ មិនពូកែស្នៀតកែងនិងជង្គង់មែន តែស្នៀតជើងនិងស្នៀតកណ្ដាប់ដៃវិញពិតជាមិនធម្មតាឡើយ ។ ចលនានៃការវាយចេញទាំងស្នៀតជើងនិងស្នៀតកណ្ដាប់ដៃគង់ សំបូរមិនសូវរហ័សរហួនក៏ពិតមែន មួយៗតែធ្ងន់ ។ មានគូប្រកួតជាច្រើននាក់រួចមកហើយដែលសន្លប់នៅក្រោមកណ្ដាប់ដៃគង់ សំបូរ ។ ទោះជាយ៉ាងណា សម្រាប់ការមកប៉ះអេលីត ភក្ដី លើកនេះគេក៏មិនអាចធ្វេសប្រហែសបានដែរ ។ ម្យ៉ាងវិញទៀតលើកនេះគឺជាការប្រកួតដណ្ដើមប្រាក់លានទាំងសងខាងសុទ្ធតែត្រៀមខ្លួនបានយ៉ាងល្អរួចមកហើយដូចគ្នា។
កីឡាករឡុង ពិសិដ្ឋ ក្លិបគោព្រៃគុនខ្មែរ ប៉ះជាមួយកីឡាករធន់ វិស្ណុ សមាគមកីឡាប្រដាល់កងយោធពលខេមរភូមិន្ទ ដែលជាគូប្រកួតប្រាក់លាននៅក្នុងសប្ដាហ៍នេះដែរ នោះពួកគេតាំងពីរក៏មិនដែលប៉ះគ្នាពីមុនមកដែរ។ម្យ៉ាងវិញទៀតគូនេះគេក៏មិនសូវដែលបានឃើញឡើងសង្វៀនញឹកញាប់នោះទៀត ។ ហើយសម្រាប់ការជូបគ្នាលើកនេះទៀតអត់មានអ្នកណាម្នាក់ហ៊ានធ្វើការប្រៀបធៀបទោលើល្បិចប្រកួតបែបណានោះទេ ។ គ្រាន់តែគេដឹងថាពួកគេសុទ្ធតែមានបំណងចង់ក្លាយជាម្ចាស់ប្រាក់លានដូចគ្នា។ ដូច្នេះមានរង់ចាំតាមដានការប្រកួតជាក់ស្ដែងតែប៉ុណ្ណោះថា អ្នកណានឹងក្លាយជាម្ចាស់ប្រាក់លានលើកនេះ។
ដោយឡែក សម្រាប់គូប្រកួតគុនខ្មែរប៉ះគុនខ្មែរ ក្នុងកម្មវិធីប្រកួតអ្នកតស៊ូគុនខ្មែរគោជល់ នៅថ្ងៃសៅរ៍ នេះដែរ សុទ្ធតែជាគូជក់ចិត្តទាំងអស់កីឡាករធន់ អៀងឡេង សមាគមកីឡាប្រដាល់កងយោធពលខេមរភូមិន្ទ ដែលទើបតែយកឈ្នះកីឡាករណង សាវ ក្លិនរាយតេជៈ កាលពីសប្ដាហ៍មុននោះត្រូវបានគេរៀបចំឱ្យជួបប្រកួតជាមួយកីឡាករយ៉ន ពិសី ក្លិបសាលវ័ន្តកីឡា កីឡាករគង់ ហូវ មកពីក្លិបគុហារព្រហ្មមានជ័យ ប៉ះជាមួយកីឡាករសេក គឹមរួន ក្លិបអង្គរមានជ័យខេត្តសៀមរាប ខណៈកីឡាកររិន សារ័ត្ន ក្លិបបញ្ជាការដ្ឋានកងទ័ពជើងទឹកប្រកួតជាមួយកីឡាករផាន់ គ្រាន់ ក្លិបពុទ្ធសេរីវង្សខណ្ឌពោធិសែនជ័យ ៕
ចែករំលែកព័តមាននេះ