«ព្រិលសិប្បនិម្មិត» កំពុងក្លាយជាបញ្ហាចោទសម្រាប់អូឡាំពិកទីក្រុងប៉េកាំង
ចិន ៖ ព្រិលសិប្បនិម្មិតដែលប្រើសម្រាប់ការប្រកួតកីឡាអូឡាំពិករដូវរងាទីក្រុងប៉េកាំងឆ្នាំ ២០២២ ដែលនឹងប្រព្រឹត្តទៅចាប់ពីថ្ងៃទី
ចិន ៖ ព្រិលសិប្បនិម្មិតដែលប្រើសម្រាប់ការប្រកួតកីឡាអូឡាំពិករដូវរងាទីក្រុងប៉េកាំងឆ្នាំ ២០២២ ដែលនឹងប្រព្រឹត្តទៅចាប់ពីថ្ងៃទី៤ ដល់ថ្ងៃទី២០ ខែកុម្ភៈ ខាងមុខនេះ កំពុងក្លាយជាបញ្ហាចោទបង្កើតជាសំណួរទាក់ទងនឹងបញ្ហាបរិស្ថាន ជាមួយបរិមាណទឹកច្រើនជាង២២២លានលីត្រ ដែលត្រូវការដើម្បីបង្កើតព្រិល។
ទីក្រុងប៉េកាំងឆ្នាំ ២០២២ នឹងក្លាយជាកីឡាអូឡាំពិករដូវរងាដំបូងគេ ដែលពឹងផ្អែកស្ទើរតែ ១០០% លើព្រិលសិប្បនិម្មិត។ របាយការណ៍របស់ Sport Ecology Group នៃសាកលវិទ្យាល័យ Loughborough banបង្ហាញពីគ្រោះថ្នាក់បរិស្ថាននៃព្រិលសិប្បនិម្មិត។ ហើយព្រិលសិប្បនិមិត្តមានសភាពរឹងជាងព្រិលធម្មជាតិ ដែលនឹងបង្កគ្រោះថ្នាក់ដល់អត្តពលិកផងដែរ។
គណៈកម្មាធិការទីក្រុងប៉េកាំងឆ្នាំ ២០២២ ប៉ាន់ប្រមាណថា វានឹងត្រូវការទឹកប្រមាណ២២២លានលីត្រ ដើម្បីអាចបង្កើតព្រិលសិប្បនិម្មិត ប៉ុន្តែទីក្រុងប៉េកាំងគឺជាទីក្រុងមួយក្នុងចំណោមទីក្រុងដែលខ្វះខាតទឹកច្រើនបំផុតក្នុងពិភពលោក។
ប្រទេសចិនបានសន្យាផ្តល់ការប្រកួតដែលហៅថា «បៃតង និងស្អាត» ដោយប្រើប្រាស់ថាមពលកកើតឡើងវិញ ១០០% ។ ការផលិតព្រិលសិប្បនិមិត្តអាចជាថាមពល និងការប្រើប្រាស់ទឹក ទោះបីជាប្រើថាមពលឡើងវិញក៏ដោយ ហើយជារឿយៗសារធាតុគីមី ឬសារធាតុបន្ថែមជីវសាស្ត្រត្រូវបានបន្ថែមដើម្បីបង្កើនគុណភាព និងការរលាយយឺត។ ខណៈទឹកដែលប្រើដោយសារធាតិគីមីអាចកាត់បន្ថយជីវចម្រុះ និងរំខានដល់ការលូតលាស់នៃរុក្ខជាតិ។
ក្រៅពីនេះ អ្នកជំនាញបានអះអាងថា អត្តពលិកនឹងមានហានិភ័យខ្ពស់ពេលប្រកួតប្រជែងលើព្រិលសិប្បនិម្មិត ដោយសារទំនោរបង្កើតផ្ទៃលឿន និងមានសភាពរឹងជាងព្រិលធម្មជាតិ ដែលអាចបណ្តាលឱ្យមានរបួសកាន់តែធ្ងន់ធ្ងរដល់អត្តពលិកនៅពេលធ្លាក់មកក្រោម៕ (ដកស្រង់ចេញពី BBC)
ចែករំលែកព័តមាននេះ