Afcon 2021៖ អ្នកស្លា.ប់ដោយរត់ជាន់គ្នាកើនឡើង ខណៈប្រកួតបន្ទាប់ត្រូវប្តូរទីតាំង
កាម៉េរូន ៖ ការប្រកួតវគ្គ៨ក្រុមចុងក្រោយពានរង្វាន់ Africa Cup of Nations 2021 (Afcon 2021) ដែលនឹងត្រូវធ្វើឡើងនៅកីឡ
កាម៉េរូន ៖ ការប្រកួតវគ្គ៨ក្រុមចុងក្រោយពានរង្វាន់ Africa Cup of Nations 2021 (Afcon 2021) ដែលនឹងត្រូវធ្វើឡើងនៅកីឡដ្ឋាន Olembe នៅថ្ងៃទី៣០ ខែមករា នឹងត្រូវប្តូរទៅធ្វើនៅកីឡដ្ឋាន Ahmadou Ahidjo ជំនួសវិញ ខណៈអ្នកស្លា.ប់ដោយរត់ជាន់គ្នាក្រៅកីឡដ្ឋានកាលពីថ្ងៃទី២៤ ខែមករា កើនដល់៨នាក់។ គួររំលឹកថា Africa Cup of Nations ៖ រត់ជាន់គ្នានៅក្រៅកីឡដ្ឋាន ស្លា.ប់ និងរបួសច្រើននាក់
យ៉ាងហោចណាស់មនុស្ស៨នាក់បានស្លា.ប់ និង៣៨នាក់រងរបួស ក្នុងហេតុការណ៍រត់ជាន់គ្នានៅក្រៅកីឡដ្ឋាន Olembe ក្នុងរដ្ឋធានី Yaounde សម្រាប់ជំនួបវគ្គ១៦ក្រុម ដែលម្ចាស់ផ្ទះកាមេរ៉ូនយកឈ្នះលើកូម័រលទ្ធផល ២-១ កាលពីថ្ងៃទី២៤ ខែមករា កន្លងទៅ។ ក្នុងនោះកុមារ២នាក់ ស្ថិតក្នុងចំណោមអ្នកស្លា.ប់ ហើយមនុស្ស៧នាក់របួសធ្ងន់ធ្ងរក្នុងហេតុការណ៍នេះ។
សហព័ន្ធបាល់ទាត់ទ្វីបអាហ្វ្រិក (CAF) និងសហព័ន្ធបាល់ទាត់ពិភពលោក (FIFA) បានចូលរួមរំលែកទុក្ខដល់គ្រួសាររងគ្រោះ។ ហើយរាល់ការប្រកួតបន្តសម្រាប់ឆ្នាំនេះ នឹងត្រូវស្មិងស្មាធិ៍១នាទីដើម្បីជាការរំលែកទុក្ខ។
អំឡុងពេលចុះសួរសុខទុក្ខអ្នករងរបួសនៅមន្ទីរពេទ្យ លោក Patrice Motsepe ប្រធាន CAF បានសម្តែងការសោកស្តាយ ហើយលោកបញ្ជាក់ថា CAF រួមជាមួយគណៈកម្មាធិការរៀបចំក្នុងតំបន់ និងរដ្ឋាភិបាលកាម៉េរូន ត្រូវតែទទួលខុសត្រូវចំពោះឧបទ្ទវហេតុនេះ។
កីឡដ្ឋាន Olembe ដែលទើបសាងសង់ឡើងដើម្បីធ្វើជាម្ចាស់ផ្ទះការប្រកួត Africa Cup of Nations 2021 មានសមត្ថភាពផ្ទុកអ្នកទស្សនា៦ម៉ឺននាក់ ប៉ុន្តែដោយសារការរឹតបន្តឹងបង្ការកូវីដ-១៩ អាជ្ញាធរអនុញ្ញាតឱ្យផ្ទុកត្រឹម ៨០% ប៉ុណ្ណោះ។ ទោះយ៉ាងណាមន្ត្រីការប្រកួតបានបញ្ជាក់ថា មនុស្សប្រហែលជាង ៥ម៉ឺននាក់បានព្យាយាមសម្រុកចូលដើម្បីទស្សនាការប្រកួត។ កីឡដ្ឋាននេះ បានរៀបចំពិធីបើក ហើយគ្រោងនឹងទទួលរៀបចំការប្រកួតវគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រនៅថ្ងៃទី៦ ខែកុម្ភះ៕ (ដកស្រង់ចេញពី BBC)
ចែករំលែកព័តមាននេះ