ចូលវ័យ២៨ឆ្នាំ! ចាន់ វឌ្ឍនាកា បង្ហាញក្ដីបំណងមួយ ដឹងហើយចង់គាំង
- ភ្នំពេញ
រាជធានីភ្នំពេញ ៖ កាលពីថ្ងៃទី២៣ មករា ឆ្នាំ២០២២ កន្លងទៅ កីឡាករបាល់ទាត់ល្បីឈ្មោះ លោក ចាន់ វឌ្ឍនាកា គេសង្កេតឃើញ
រាជធានីភ្នំពេញ ៖ កាលពីថ្ងៃទី២៣ មករា ឆ្នាំ២០២២ កន្លងទៅ កីឡាករបាល់ទាត់ល្បីឈ្មោះ លោក ចាន់ វឌ្ឍនាកា គេសង្កេតឃើញ
រាជធានីភ្នំពេញ ៖ កាលពីថ្ងៃទី២៣ មករា ឆ្នាំ២០២២ កន្លងទៅ កីឡាករបាល់ទាត់ល្បីឈ្មោះ លោក ចាន់ វឌ្ឍនាកា គេសង្កេតឃើញនៅលើបណ្ដាញសង្គម មានអ្នកគាំទ្រ និងមិត្តរួមអាជីពជាច្រើននាក់បានជូនពរលោក បើទោះកីឡាកររូបនេះមិនបានបង្ហាញពីសកម្មភាពធ្វើខួបកំណើតគម្រប់អាយុ២៨ឆ្នាំ ដោយមានផ្លុំទៀនធំដុំ ដូចរាល់ឆ្នាំក្តី ។ ក្នុងនោះ កីឡាកររូបនេះក៏បានបង្ហោះសារអរគុណហ្វេនៗ អរគុណអ្នកម្ដាយ និងបង្ហាញពីក្ដីប្រាថ្នាធំមួយជាសាធារណៈផងដែរ ខណៈដែលក្ដីប្រាថ្នារបស់កីឡាកររូបនេះ គឺបានដឹងហើយ សុទ្ធតែចង់គាំងគ្រប់គ្នា។
ក្នុងចំណោមអ្នកជូនពរកីឡាកររូបនេះទាំងអស់ គេឃើញមានម្ចាស់គណនីជានារីក្មេងៗច្រើននាក់ជូនពរលោក ដោយអ្នកខ្លះមានទាំងបង្ហោះរូបជាមួយលោក ដើម្បីអបអរថ្ងៃខួបកំណើតដែលរូបលោកគម្រប់អាយុ២៨ឆ្នាំនោះផង។ អ្នកលេងបណ្តាញហ្វេសប៊ុកជានារីវ័យក្មេងមួយរូប បានជូនពរលោកថា «ជាមុនដំបូង សូមជូនពរបងអោយរកគ្រាប់បាល់ អោយបានច្រើន រីករាយថ្ងៃកំណើតរបស់កីឡាករ ក្លឹបបាល់ទាត់ ជម្រើសជាតិ កម្ពុជា ក៏ដូចជា ក្លឹបបាល់ទាត់ បឹងកេត អែហ្វស៊ី កីឡាករ ខ្សែរប្រយុទ្ធ ចាន់ វឌ្ឍនាកា តើបងប្អូនមានពាក្យពេចន៍ជូនពរអ្វីខ្លះសម្រាប់ កីឡាករយើង ក្នុងថ្ងៃខួបកំណើតនេះទេ…? រីករាយថ្ងៃចាប់កំណើត ថ្ងៃដ៏មានតម្លៃ ថ្ងៃដ៏មានន័យ ថ្ងៃដែលឃើញពិភពលោកទាំងមូលរបស់ បង វឌ្ឍនាកា ជាដំបូងសូមអរគុណលោកប៉ា និងអ្នកម៉ាក់របស់ បង វឌ្ឍនាកា ដែលបានផ្តល់ពេលវេលាដ៏មានតម្លៃមួយនេះមកអោយ !ហើយក៏សូមអរគុណដល់លោកគ្រូអ្នកគ្រូដែលបានបង្ហាត់បង្រៀន បង វឌ្ឍនាកា កន្លងមក!» ។
សារខាងលើនោះក៏បានបន្តថា «ហើយមួយវិញទៀតក៏សូមអរគុណដល់លោកគ្រូបង្វិក បាល់ដែលបានវឹកហាត់ដល់ បង វឌ្ឍនាកា !
ហើយក៏សូមអរគុណ បង វឌ្ឍនាកា ដែលខំប្រឹងប្រែង ! រីករាយថ្ងៃកំណើតណា បង វឌ្ឍនាកា សូមជូនពរ បង វឌ្ឍនាកា អោយជៀសផុតពីជម្ងឺដ៏កាចសាហាវផ្សេងៗ ទទួលបាន គ្រាប់បាល់ច្រើនៗនិងឈ្នះៗគ្រប់ការប្រកួត» ។ ក្នុងចំណោមសារជូនពរដ៏វែងអន្លាយនេះ ក៏មាននារីផ្សេងទៀតជូនពរលោក ដោយសារបង្កប់ន័យស៊ីជម្រៅផ្សេងទៀតផងដែរ។
ក្រឡេកមកមើលលើផេកផ្លូវការរបស់កីឡាកររូបនេះវិញ គឺលោកបានបង្ហោះរូបថតមួយសន្លឹកជាមួយម៉ាក់ប៉ា ហើយបង្ហោះពីបំណងប្រាថ្នាមួយនៅក្នុងឆ្នាំនេះថា «គុណម៉ែពុកសម្រាប់ថ្ងៃនេះ ខ្ញុំដឹងថាថ្ងៃនេះកាលពី28ឆ្នាំមុន ម្ដាយបានហូរឈាមច្រើនដើម្បីតែម្នាក់នេះ ហ៊ានលះបង់ជីវិតខ្លួនឯងដោយមិនគិត អរគុណប៉ា និងម៉ាក់ដែលមើលថែខ្ញុំរហូតដល់មានថ្ងៃនេះពិតជាអរគុណខ្លាំងណាស់ នឹងជាចុងក្រោយគ្មានអ្វីក្រៅពីការជូនពរអោយ(ម៉ាក់ប៉ា)ឆាប់បានកូនប្រសារទី២» ។
ជាមួយនឹងការបង្ហាញនូវក្ដីប្រាថ្នាខាងលើនេះ គេឃើញមានអ្នកខំមិន មិនតិចឡើយ ជូនពរអោយលោកឆាប់រកបាននារីជាទីស្រលាញ់ធ្វើជាកូនប្រសារទី២របស់ម៉ាក់ប៉ាលោកដូចការប្រកាស បន្ទាប់ពីម៉ាក់ប៉ាលោក ក៏ទើបតែមានកូនប្រសារតែម្នាក់នៅឡើយ ដោយនៅរង់ចាំលោកមានពិធីមង្គលការជាបន្ត។
ទន្ទឹមនឹងការជូនពរ ក៏មានហ្វេនៗរាប់មិនអស់ផងដែរ ដែល ចាន់ វឌ្ឍនាកា បែរជាជូនពរខ្លួនឯងអោយឆាប់មានប្រពន្ធ ដោយអ្នកទាំងនោះបញ្ចេញមតិថា បើមិនឃើញអាយដលជូនពរខ្លួនឯងបែបនឹង គឺពិតជាមិនដឹងឡើយ ព្រោះផ្អែកតាមស្ថានភាពគ្រួសារ រូបរាងសង្ហា និងផ្អែកតាមប្រជាប្រិយភាព គឺមិនសមអោយកីឡាកររូបនេះដល់ថ្នាក់ជូនពរខ្លួនឯងអោយឆាប់មានអ្នកស្រលាញ់បែបនេះឡើយ គឺគួរតែមាននារីៗជាច្រើនដែលចង់រៀបការជាមួយលោក។
បើទោះសំណេរសារដែលកីឡាកររូបនេះបានបង្ហោះ គឺមិនដឹងថា លោកសរសេរលេង ឬមែនទែន តែជារឿយៗលោកតែងតែបញ្ជាក់នៅលើបណ្ដាញសង្គមថា លោក Single ដែលស្ទើរមិនជឿនោះឡើយថា លោកទាំងសង្ហារ ទាំងល្បី និងជាកូនប្រុសក្នុងត្រកូលអ្នកមានផង បែរជាមានពេលនៅ Single ក្នុងនាមជាបុរសមិនមានស្នេហា។ អ្នកខ្លះជឿថា លោកអាចគ្រាន់តែ Drama លេងតែប៉ុណ្ណោះ ព្រោះបើទោះជាលោកបានបែកបាក់ស្នេហ៍ពីអតីតកីឡាការិនី ហែមថុន វិទិនី តែគេមិនជឿនោះឡើយថាលោកនៅទំនេរ ដោយសារតែលោកគឺជាបុរសសំបូរស្នេហ៍ម្នាក់។ ប៉ុន្តែការបង្ហោះសារពីបំណងប្រាថ្នារបស់លោកនៅថ្ងៃខួបកំណើត ក៏អាចថាលោកកំពុងចង់បាននារីណាម្នាក់ធ្វើអនាគត ហើយនៅរកមិនទាន់ឃើញពិតមែនផងដែរ។
អ្នកលេងហ្វេសប៊ុកច្រើនណាស់ សរសេសរសរបែបលេងសើចថា អាណិតអាយដលយើងណាស់ តោះជូនពរអោយអាយដលយើង ឆាប់មានប្រពន្ធម្នាក់មួយមក!! ទន្ទឹមនឹងការជូរជនពរបែបត្រូវចិត្តនេះ ចាន់ វឌ្ឍនាកា ក៏ឆ្លើយតបនៅក្នុង Comment ស្ទើរមិនសល់ម្នាក់ បង្ហាញនូវការអរគុណផងដែរ ដែលហាក់ចង់បង្ហាញថាលោកពិតជាចង់បានភរិយាមែន តែនៅរកមិនទាន់ឃើញ ៕
ចែករំលែកព័តមាននេះ