ADផ្ទាំងផ្សព្វផ្សាយពាណិជ្ជកម្ម

Watford ក្លាយជាក្រុមដំបូងគេរដូវកាលនេះ បណ្តេញអ្នកចាត់ការដល់ទៅ២រូប

2 ឆ្នាំ មុន

២៥ ខែ មករា ឆ្នាំ ២០២២ ម៉ោង ១៣:៤៣

អង់គ្លេស ៖ ក្លិបបាល់ទាត់ Watford បានប្រកាសការបណ្តេញលោក Claudio Ranieri ចេញពីតំណែងអ្នកចាត់ការទូទៅក្រុមឈុតធំ

អង់គ្លេស ៖ ក្លិបបាល់ទាត់ Watford បានប្រកាសការបណ្តេញលោក Claudio Ranieri ចេញពីតំណែងអ្នកចាត់ការទូទៅក្រុមឈុតធំរបស់ខ្លួន បន្ទាប់ពីដឹកនាំបាន១៤ប្រកួតពោលគឺរយៈពេលជាង៣ខែតែប៉ុណ្ណោះ។

គួររំលឹកថា លោក Ranieri ត្រូវបានតែងតាំងជាអ្នកចាត់ការ Watford កាលពីខែតុលា ឆ្នាំ២០២១ ដើម្បីជំនួសកៅអីលោក Xisco Munoz ជនជាតិអេស្ប៉ាញ ដែលត្រូវក្លិបរហស្សនាមថា «ឪម៉ាល់» បណ្តេញចេញពីតំណែង។ ប៉ុន្តែវត្តមានរបស់បុរសជនជាតិអ៊ីតាលីវ័យ៧០ឆ្នាំរូបនេះ មិនអាចជួយស្តារក្រុមឱ្យល្អប្រសើរបានទេ ខណៈបច្ចុប្បន្នពួកគេនៅចំណាត់ថ្នាក់ទី១៩មាន១៤ពិន្ទុ គម្លាតត្រឹម២ពិន្ទុប៉ុណ្ណោះពីក្រុមបាតតារាង Burnley។