ខេត្តតាកែវ ៖ ដីលិចទឹករាប់សិបហិកតា ស្ថិតនៅក្នុងភូមិអញ្ចេក ឃុំត្នោត ស្រុកបាទី ត្រូវបានក្រុមអ្នកមានលុយយកបង្គោល
ថ្មរាប់ពាន់ដើមបោះកំណត់ព្រំយកធ្វើជាកម្មសិទ្ធិផ្ទាល់ខ្លួន ។ អ្នកស្រុករស់នៅក្នុងភូមិខាងលើបានបញ្ជាក់ថា ដីលិចទឹកនៅចំណុចកែងព្រំប្រទល់៣ស្រុក គឺស្រុកបាទីស្រុកសំរោង និងស្រុកព្រៃកប្បាស តែដីដែលក្រុមអ្នកមានបោះបង្គោលថ្មយកជា
កម្មសិទ្ធិ ស្ថិតនៅភូមិអញ្ចេក ឃុំត្នោត ស្រុកបាទី ហើយដីខាងលើនេះ ជាដីរបស់រដ្ឋសម្រាប់ដោះទឹកជំនន់នារដូវវស្សា ។
ពលរដ្ឋបានបន្តទៀតថា ដីខាងលើនេះ បើរដូវវស្សាគឺជាផ្លូវទឹកដ៏សំខាន់ក្នុងការជំលៀសទឹកជំនន់ជន់លិច តែបើរដូវប្រាំងវិញគឺពលរដ្ឋ ព្រោះស្រូវឬថែរក្សាស្មៅ ដើម្បីច្រូតកាត់ជាចំណីសត្វចិញ្ចឹមពុំមានជាកម្មសិទ្ធិរបស់អ្នកណាឡើយ តាំងពីដើមមកគឺដឹងតែម្យ៉ាងថាជាដីរដ្ឋ ។
ពលរដ្ឋបានបន្ថែមទៀតថា ១រយៈកន្លងមកនេះ ស្រាប់តែពួកគាត់បានឃើញលោកមេភូមិអញ្ចេកនាំក្រុមអ្នកមានលុយមកបោះបង្គោលថ្មរាប់ពាន់បង្គោលព័ទ្ធយកដីរដ្ឋរាប់សិបហិកតា ដោយគ្មានមូលហេតុហើយពួកគាត់បានត្រឹមតែឈរមើលគេដាំបង្គោលយកដីរដ្ឋតែប៉ុណ្ណោះនោះ ។
ពលរដ្ឋបានបន្តទៀតថា ក្នុងស្រុកបាទីទាំងមូលបានចុះបញ្ជីដីធ្លីជាប្រពន្ធ័រួចរាល់ហើយចំណែកដីនៅចំណុចគេបោះបង្គោលនេះ គឺខាងជំនាញភូមិបាលបានកាត់ឆ្វៀលកំណត់ទុកជាដីរបស់រដ្ឋជាប្រភេទដីលិចទឹក ដោយគ្មានជនណាអាចមករំលោភយកបានឡើយ ។
ពាក់ពន្ធ័ករណីខាងលើ លោកអ៊ុក សំបូរ មេឃុំត្នោតបានអោយដឹងថា ដីនៅចំណុចខាងលើ គឺពិតជាដីរដ្ឋពិតមែន ហើយលោកមិនបានដឹងថា មានគេបោះបង្គោលថ្មរំលោភយកនោះទេ ។ លោកមេឃុំបានបន្តទៀតថា ដីនេះលក់ទិញមិនបានទេ ហើយខាងជំនាញធនធានទឹកហេតុអីមិនចុះមកជួយមើលផង ព្រោះជាដីលិចទឹកក្រោមការគ្រប់គ្រង ដោយក្រសួងធនធានទឹកលោកមិនបានដឹងថា ខាងធនធានទឹគេមានឯកសារកាត់ឆ្វៀលប៉ុន្មានហិចតានោះទេ ។ លោកមេឃុំបានបញ្ជាក់ទៀតថា លោកនិងចុះទៅពិនិត្យបើពិតជាមានគេបោះបង្គោលព័ទ្ធយកមែន លោកនិងរាយការណ៍ជូនថ្នាក់លើដើម្បីសុំគោលការបន្ត។
ចែករំលែកព័តមាននេះ