អាជីវករលក់ទំនិញគ្រប់មុខម្នាក់ រស់នៅក្រុងសែនមនោរម្យ បានបង្ហាញពីគណនីបណ្តាញសង្គមហ្វេសប៊ុកមួយ ដែលបោកប្រា.ស់លុយអស់ចំនួនជាង១០លានរៀល បន្ទាប់ពីទទួលលុយរួច ម្ចាស់គណនីនោះក៏បាន
ខេត្តមណ្ឌលគិរី ៖ អាជីវករលក់ទំនិញគ្រប់មុខម្នាក់ រស់នៅក្រុងសែនមនោរម្យ បានបង្ហាញពីគណនីបណ្តាញសង្គមហ្វេសប៊ុកមួយ ដែលបោកប្រា.ស់លុយអស់ចំនួនជាង១០លានរៀល បន្ទាប់ពីទទួលលុយរួច ម្ចាស់គណនីនោះក៏បានបិទភ្លាមៗតែម្តង។
បើតាមប្រភពពីជនរងគ្រោះ និងជាម្ចាស់ហាងចែកចាយទំនិញ សុំមិនបញ្ចេញឈ្មោះបានអះអាងឱ្យដឹងថា «កាលពីចុងខែ១២ មានផេកឈ្មោះ Bro Hero បានបង្ហោះលក់ស្រាបៀរ ABC សាំងហ្គាពួរ ខ្ញុំក៏បានធ្វើការកុម្មង់ទិញយកមកទុកលក់ឆ្លងឆ្នាំចំនួន១០០កេស ស្មើនឹង ៣៦០០ដុល្លារ ។ ហើយម្ចាស់ផេកខាងលើនេះ ក៏បានឲ្យខ្ញុំវេរលុយមុន ទើបផ្ញើស្រាបៀឲ្យ ខ្ញុំក៏បានវេរលុយឲ្យអស់ចំនួន២៦០០ដុល្លារ បន្ទាប់ពីខ្ញុំវេរលុយរួចរាល់ហើយ ម្ចាស់ហ្វេសប៊ុកខាងលើនេះ មិនបានផ្ញើអីវ៉ាន់មកឱ្យខ្ញុំនោះទេ ថែមទាំងប្លុកខ្ញុំចោលទៀត ។
ជនរងគ្រោះបន្តថា ក្រោយមកខ្ញុំទាក់ទងក៏មិនបាន តាមលេខទូរស័ព្ទក៏ទាក់ទងមិនចូល ដូច្នេះនាងខ្ញុំក៏សូមសំណូមពរដល់បងប្អូនប្រជាពលរដ្ឋ អាជីវករទាំងអស់ មេត្តាកុំជឿផេកបោកប្រា.ស់នេះឲ្យសោះ និងសូមអាជ្ញាធរមានសមត្ថកិច្ចមេត្តាជួយស្រាវជ្រាវជនបោកប្រា.ស់រូបនេះយកមកផ្តន្ទាទោសតាមផ្លូវច្បាប់ផង»។
ជាការកត់សម្គាល់ ជុំវិញការទិញលក់ដូរទំនិញផ្សេងៗតាមបណ្តាញសង្គមនាពេលបច្ចុប្បន្ន បានក្លាយទៅជារឿងសាមញ្ញទូទៅសម្រាប់មនុស្សសម័យថ្មីនេះ ដែលអ្នកលក់ និងអ្នកទិញ អាចទំនាក់ទំនងគ្នា ជួញដូរយ៉ាងសេរី ដោយមិនចាំបាច់ជួបមុខគ្នាឡើយ។ ប៉ុន្តែភាពងាយស្រួលទាំងនេះ ក៏បានផ្តល់ផលអវិជ្ជមានជាច្រើនដែរ ដោយពេលខ្លះអ្នកលក់មិនបានទទួលផលប្រយោជន៍ពីអ្នកទិញ ឯពេលខ្លះទៀតអ្នកទិញទទួលបានរបស់មិនដូចចិត្តចង់បាន ជួនកាលចាញ់បោ.កជនក្លែងបន្លំខាតបង់លុយកាក់ក៏មានដែរ៕
ចែករំលែកព័តមាននេះ