បុរស២នាក់ដុតកំប៉ុងហ្គាសគប់ចូលមុខផ្ទះគេឆេះម៉ូតូកង់បី និងខូចខាតផ្ទះ៥ល្វែង
- ភ្នំពេញ
រាជធានីភ្នំពេញ ៖ ជនសង្ស័យមានគ្នា២នាក់ជិះម៉ូតូមួយគ្រឿងមិនចាំម៉ាកបានយកកំប៉ុងហ្គាសដុតហើយគុបចូលមុខផ្ទះឆាបឆេះ
រាជធានីភ្នំពេញ ៖ ជនសង្ស័យមានគ្នា២នាក់ជិះម៉ូតូមួយគ្រឿងមិនចាំម៉ាកបានយកកំប៉ុងហ្គាសដុតហើយគុបចូលមុខផ្ទះឆាបឆេះ
រាជធានីភ្នំពេញ ៖ ជនសង្ស័យមានគ្នា២នាក់ជិះម៉ូតូមួយគ្រឿងមិនចាំម៉ាកបានយកកំប៉ុងហ្គាសដុតហើយគុបចូលមុខផ្ទះឆាបឆេះម៉ូតូកង់បីឥណ្ឌាមួយគ្រឿងដែលចតនៅខាងមុខផ្ទះនោះ ហើយអណ្តាតភ្លើងបានឆាបឆេះរោលផ្ទះល្វែងដែលនៅជាប់ៗគ្នារងការខូចខាចផ្ទះចំនួន៥ល្វែង។
ហេតុការណ៍ខាងលើនេះបង្កការភ្ញាក់ផ្អើលបានកើតឡើងកាលពីវេលាម៉ោង១២និង១៥នាទីយប់រំលងអាធ្រាតឈានចូលថ្ងៃទី២៣ខែមករា ឆ្នាំ២០២២ នៅចំណុចផ្ទះចំនួន៥ល្វែងក្នុងបុរីពិភពថ្មីគំរោង២ តាមបណ្តោយផ្លូវលេខ02A ស្ថិតក្នុងសង្កាត់ពងទឹកខណ្ឌដង្កោ រាជធានីភ្នំពេញ ។
តាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុ គេឃើញមានជនសង្ស័យ២នាក់ជិះម៉ូតូមួយគ្រឿងមិនចាំម៉ាកបានយកកំប៉ុងហ្គាសមួយកំប៉ុងដុតហើយគប់ទៅចូលមុខផ្ទះលេខ៥១ និងផ្ទះលេខ៤៩ ដោយមានចតម៉ូតូកង់បីនៅមុខផ្ទះនោះ ហើយកំប៉ុងហ្គាលនោះខ្ទាតចូលក្នុងម៉ូតូកង់បីដែលប្រើហ្គាសផងនោះត្រូបានឆាបឆេះចេញអណ្តាតភ្លើងយ៉ាងសន្ធោសន្ធៅ បង្កអោយមានការភ្ញាក់ផ្អើលដល់បងប្អូនប្រជាពលរដ្ឋដែលរស់នៅក្បែរកន្លែងកើតហេតុ បាននាំគ្នាយកបំពុងពន្លត់អគ្គីភ័យជាច្រើនបំពុងមកពន្លត់ នៅតែមិនរលត់ ទើបរាយការណ៍ទៅក្រុមសន្តិសុខយាមក្នុងបុរី យករថយន្តដឹកទឹកមួយគ្រឿងនិងរឺម៉កដឹកទឹកមួយគ្រឿងទៀតដែលជារបស់បុរីមកជួយអន្តរាគមន៍ជួយបាញ់ពន្លត់អស់រយៈពេលកន្លះម៉ោង ទើបភ្លើងបានរលត់អស់ទៅវិញ។
តាមប្រភពដដែលបានបន្តថា ក្នុងករណីអគ្គីភ័យខាងលើនេះ បណ្តាលឱ្យរងការខូចខាតម៉ូតូកងបីមួយគ្រឿង និងឆាបឆេះរោលរងកាខូចខាតផ្ទះចំនួន៥ល្វែង តែមិនបណ្តាលឱ្យមនុស្សណាម្នាក់រងរបួសនោះឡើយ ។
ជុំវិញករណីខាងលើនេះដែរ គេមិនទាន់ដឹងពីមូលហេតុនៅឡើយទេ ។
ក្រោយកើតហេតុ គេឃើញមានសំបកកំប៉ុងហ្គាសមានស្នាមផ្ទុះរហែកនៅណុចមុខផ្ទះកើតហេតុ ហើយត្រូវបានសមត្ថកិច្ចប្រមូលយកទៅធ្វើជាវត្ថុតាង ដើម្បីស្រាវជ្រាវវែកមុខរកក្រុមជនសង្ស័យយកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ