អារអណ្ដាតថ្វាយទេពធីតារហូតដល់ស្លា.ប់ខ្លួនឯង
តាមការលើកឡើងរបស់អាជ្ញាធរឥណ្ឌា គឺពិបាកអន្តរាគមន៍ចំពោះជំនឿអារអណ្ដាតថ្វាយទេពធីតាណាស់ ព្រោះប្រជាជនជឿលើទេពធីតានេះ ទេពធីតានោះរាប់ជំនាន់មកហើយ មិនងាយបេះចេញទេ ។
តាមការលើកឡើងរបស់អាជ្ញាធរឥណ្ឌា គឺពិបាកអន្តរាគមន៍ចំពោះជំនឿអារអណ្ដាតថ្វាយទេពធីតាណាស់ ព្រោះប្រជាជនជឿលើទេពធីតានេះ ទេពធីតានោះរាប់ជំនាន់មកហើយ មិនងាយបេះចេញទេ ។
អស់ជីវិតព្រោះតែជំនឿហួសហេតុ
ខែកុម្ភៈ២០១៦នេះ យុវជនឥណ្ឌាម្នាក់ឈ្មោះ Deepak Kol អាយុ២៨ឆ្នាំ ត្រូវហូរឈាមដល់ស្លាប់ដោយសារអារអណ្ដាតខ្លួនឯងថ្វាយទេពធីតា Durga ក្នុងសាសនាហិណ្ឌូ ។ ពេលឈាមហូរកាន់តែខ្លាំង អាជ្ញាធរមូលដ្ឋានប្រុងនាំ Deepak Kol ទៅមន្ទីរពេទ្យ តែលោកតា Sukhdeo ដែលជាឪពុករបស់គេ និងសាច់ញាតិរបស់គេច្រើននាក់បដិសេធមិនឱ្យយកទៅណាដាច់ខាត ហើយគិតតែនាំគ្នាសូត្រធម៌សុំឱ្យទេពធីតា Durga ជួយសង្គ្រោះរូបគេឱ្យដឹងខ្លួនឡើងវិញ ។
ក្រោយពេល Deepak Kol ស្លាប់ លោកតា Sukhdeo និយាយប្រាប់អ្នកកាសែតថា «ពួកខ្ញុំនាំគ្នាសូត្រធម៌រហូតដល់ម៉ោង៤ជិតភ្លឺ តែលុះឃើញថា រឿងនោះមិនអាចកើតឡើងបាន យើងខ្ញុំដឹងថា ទេពធីតា Durga ទុកកន្លែងមួយនៅឋានសួគ៌ឱ្យកូនប្រុសខ្ញុំបានទៅបម្រើព្រះនាងហើយ ។ កូនប្រុសខ្ញុំសំណាងណាស់បានទៅរស់នៅឋានសួគ៌បម្រើទេពធីតា Durga » ។
លោកតា Sukhdeo រស់នៅភូមិ Khar hata ក្នុងតំបន់ចុងកាត់មាត់ញកភាគខាងជើងប្រទេសឥណ្ឌា, ហើយ Deepak Kol ជាកូនច្បងរបស់គាត់ ក្នុងចំណោមកូនប្រុស២នាក់។ ថ្ងៃនោះ Deepak Kol បង្អត់អាហារខ្លួនឯងតាំងពីព្រឹកមក ដើម្បីរង់ចាំដល់ម៉ោងអារអណ្ដាតថ្វាយទេពធីតា Durga ។ ដោយហេតុហេវហត់ផង ណាមួយឈាមហូរចេញពីអណ្ដាតច្រើនផង គេទ្រាំបានមួយរយៈក៏ដួលសន្លប់បាត់ស្មារតី ។ ពេលឮអ្នកផងនិយាយថា Deepak Kol ស្លាប់មកពីឈាមហូរចេញពីអណ្ដាតច្រើនពេក លោកតា Sukhdeo តែងខឹងច្រឡោតគំហកវិញថា «កូនប្រុសខ្ញុំអត់ស្លាប់ទេ, ទេពធីតា Durga នាំឡើងឋានសួគ៌ឱ្យទៅបម្រើព្រះនាងនៅទីនោះ ។ ម៉េចនិយាយប៉ុណ្ណឹងហើយស្ដាប់មិនយល់ទៀតឬ?» ។
ករណីយុវជន Deepak Kol មិនមែនជាករណីថ្មីសម្រាប់បរិស័ទហិណ្ឌូឡើយ ។ ឆ្នាំណាក៏មានអ្នកសា្លប់ដោយសារអារអណ្ដាតថ្វាយទេពធីតា Durga ដែរ ។
សម្លាប់សត្វ ២៥០.០០០ ក្បាលថ្វាយទេពធីតា
សត្វ ២៥០.០០០ ក្បាលត្រូវតម្រៀបជាហ្វូង ហើយកាត់ក្បាលសម្លាប់ថ្វាយទេពធីតាក្នុងសាសនាហិណ្ឌូនៅប្រទេសនេប៉ាល់ ។ ពិធីសម្លាប់សត្វថ្វាយទេពធីតាបែបនេះ ជាពិធីបុណ្យដ៏ធំដែលត្រូវធ្វើ៥ឆ្នាំម្ដង ។ អាជ្ញាធរមូលដ្ឋានបានឱ្យដឹងថា ទេពធីតាដែលត្រូវសម្លាប់សត្វថ្វាយនេះ គឺទេពធីតាព្រះនាម Gadhimai ។ ដោយហេតុពិធីនេះត្រូវធ្វើ៥ឆ្នាំម្ដង ហេតុនេះប្រារព្ធនៅកន្លែងណា បរិស័ទហិណ្ឌូចូលរួមកុះករនៅកន្លែងនោះ ។ អ្នកចូលរួមទាំងអស់មិនមែនចូលរួមដោយគ្រាន់តែឈរមើលគេសម្លាប់សត្វទេ, ពួកគេតែងតែនាំតាមខ្លួនតាំងពីគោ ក្របី ពពែ សត្វព្រាប…ដើម្បីកាត់ក្បាលថ្វាយទេពធីតាសុំសេចក្ដីសុខ សេចក្ដីចម្រើនដែរ ។ ពិធីនេះប្រារព្ធម្ដងៗ មានរយៈពេល២ថ្ងៃ ។ ការចាប់ផ្ដើមក្នុងថ្ងៃដំបូងគេហៅថា Panchabali គឺសម្លាប់សត្វតែ៥ក្បាលសិន រួមមាន កណ្ដុរមួយក្បាល,ពពែមួយក្បាល,មាន់គកមួយក្បាល,ជ្រូកមួយក្បាល និងសត្វព្រាបមួយក្បាល ដោយសម្លាប់ពេលព្រះអាទិត្យផ្ដើមរះ ។ ក្រោយពេលសម្លាប់សត្វទាំង៥ក្បាលនោះហើយ គេចាប់ផ្ដើមប្រមូលសត្វឯទៀតឱ្យឈរតម្រៀបជាជួរ ហើយអ្នកជំនាញខាងសម្លាប់សត្វ២០០នាក់ ប្រើដៃទាំងពីរយារកាំបិតកាប់ពេញទំហឹង ធ្វើយ៉ាងណាឱ្យមួយកាំបិតសត្វដាច់កត្មិលប្រកាចងាប់ភ្លាម មិនឱ្យកាប់ដល់ពីរកាំបិតឡើយ ។ ពួកគេប្រើរយៈពេលតែប៉ុន្មានម៉ោងប៉ុណ្ណោះ សត្វរាប់សែនក្បាលដេកងាប់ពេញដី ។
លោក Yogendra Prasad Dulal ដែលជាមន្ត្រីមូលដ្ឋានម្នាក់ឱ្យដឹងថា ពេលប្រារព្ធពិធីដ៏ធំនេះម្ដងៗ គេមិនអាចដឹងពិតប្រាកដថា សត្វចំនួនប៉ុន្មានត្រូវសម្លាប់ទេ គ្រាន់តែដឹងជារួមថា ប្រហែល២០០.០០ក្បាល ឬ២៥០.០០ក្បាលប៉ុណ្ណោះ, ដូចយ៉ាងកាលពីឆ្នាំ២០០៩ ដែលគេប្រារព្ធពិធីសម្លាប់សត្វថ្វាយទេពធីតា គេប៉ាន់ប្រមាណថា សត្វប្រមាណ២៥០.០០០ក្បាលយ៉ាងតិចត្រូវសម្លាប់ ៕
ចែករំលែកព័តមាននេះ