លោក ហ៊ា អ៊ុយ អ្នកមើលត្បូងមានបទពិសោធន៍ ២០ឆ្នាំនៅផ្សារប៉ាហ៊ី ខេត្តប៉ៃលិន មានការគាំទ្រទាំងខ្មែរ និងបរទេស
- ប៉ៃលិន
ខេត្តប៉ៃលិន ៖ អ្នកស្រី ថូ សុខុន ហៅ លីម ស៊ីម ជាអាជីវកម្មលក់ត្បូងម្នាក់នៅផ្សារប៉ាហ៊ី ខេត្តប៉ៃលិន…
ខេត្តប៉ៃលិន ៖ អ្នកស្រី ថូ សុខុន ហៅ លីម ស៊ីម ជាអាជីវកម្មលក់ត្បូងម្នាក់នៅផ្សារប៉ាហ៊ី ខេត្តប៉ៃលិន…
ខេត្តប៉ៃលិន ៖ អ្នកស្រី ថូ សុខុន ហៅ លីម ស៊ីម ជាអាជីវកម្មលក់ត្បូងម្នាក់នៅផ្សារប៉ាហ៊ី ខេត្តប៉ៃលិន និយាយថា ស្វាមីអ្នកស្រី ឈ្មោះ ហ៊ា អ៊ុយ ជាកុងសែត្បូងចំណានម្នាក់នៅក្នុងទឹកដីត្បូងពេជ្ររបស់កម្ពុជា ។ អ្នកស្រី សុខុន បានរៀបរាប់ឱ្យដឹងថា គ្រួសារអ្នកស្រីបានប្រកបមុខរបរលក់ដូរត្បូងក្នុងផ្សារប៉ាហ៊ី អស់រយ:ពេលជាង ២០ ឆ្នាំមកហើយ ដោយប្តីរបស់គាត់ជាអ្នកជំនាញខាងមើលគ្រាប់ត្បូង ។
ដោយសារលោក ហ៊ា អ៊ុយ មានបទពិសោធន៍មើលត្បូង និងមានភាពស្មោះត្រង់ចំពោះអតិថជន លោកមានម៉ូយមិនត្រឹមជាជនជាតិខ្មែរនោះទេ សូម្បីតែជនជាតិបរទេសបានមកទិញត្បូងពីកន្លែងលោកទៅលក់បន្តនៅប្រទេសគេដែរ ។ អ្នករកស៊ីត្បូងរូបនេះអះអាងថា ស្វាមីអ្នកស្រីអាចមើលដឹងថា ត្បូងសុទ្ធ ឬក្លែងក្លាយ និងអាចដឹងថា ត្បូងនោះជារបស់ជីករកបាននៅទឹកដីខេត្តប៉ៃលិន ឬយកពីខេត្តមណ្ឌលគីរី និងជាត្បូងដែលនាំមកពីប្រទេសអាហ្វ្រិក គឺគាត់មើលដឹងទាំងអស់ ។
បើយើងមិនចេះមើលគឺមិនដឹងថា ជារបស់មានប្រភពមកពីណា សុទ្ធ ឬមិនសុទ្ធនោះទេ របស់ក្លែងក្លាយបើយើងមិនចេះមិនដឹងមើលឃើញដូចតែគ្នា ។ វាស្រដៀងនឹងរបស់ពិត ។ អ្នកស្រី ថូ សុខុន ឱ្យដឹងថា បើសិនជាមិនចេះមើលទេ ហើយមមករកស៊ីត្បូងនោះអាចនឹងខាតបង់ ។ គឺខាតបង់ថវិកាអស់រាប់ម៉ឺនដុល្លារតែម្តង បើសិនជាឈ្មួញយករបស់មិនសុទ្ធមកលក់ឱ្យ ខណ:ពេលដែលយើងមិនចេះពិនិត្យមើលឱ្យបានច្បាស់លាស់ ។
ទោះបីខេត្តប៉ៃលិនមិនសម្បូរត្បូងដូចកាលពីដើម ហើយបច្ចុប្បន្នរបរជីកត្បូងសឹងតែគ្មានអ្នកប្រកបយ៉ាងណាក្តី តែពលរដ្ឋដែលបានទៅដល់ខេត្តប៉ៃលិន ពិសេសអ្នកទេសចរនោះតែងតែចងទិញត្បូងពីទឹកដីនេះមកប្រើប្រាស់ ។ អាជីវករត្បូងនៅផ្សារប៉ាហ៊ី ថាត្បូងមានច្រើនប្រភេទ មានត្បូងទទឹម ត្បូងកណ្តៀង ជាដើម ។
អ្នកស្រី ថូ សុខុន ដែលមានស្វាមីជាអ្នកជំនាញមើលត្បូងនោះនិយាយថា ត្បូងដែលលក់ដាច់ជាងគេបំផុត គឺត្បូងទទឹម (ពណ៌ក្រហម) និងត្បូងកណ្តៀង (ពណ៌ខៀវ) ។ នៅដើមសប្តាហ៍នេះ អ្នកស្រីលក់ដាច់អស់ខ្លះៗដែរ ព្រោះមានលោកជំទាវម្នាក់មកពីរាជធានីភ្នំពេញ ចូលមកទិញត្បូងក្នុងតូបរបស់គាត់អស់ជាង ២០០០ ដុល្លារ ។
អ្នកស្រីបញ្ជាក់ថា ស្វមីគាត់ គឺលោក ហ៊ា អ៊ុយ ភាគច្រើនបានទិញកំទេចត្បូងមកពីប្រទេសថៃ ដែលថៅកែធំៗបានជីកកកាយត្បូងប៉ៃលិនយកទៅប្រទេសគេកាលពីសម័យសង្គ្រាម ដោយទិញម្តងៗចំនួន ៣០ ទៅ ៥០ គីឡូក្រាម ហើយយកមកច្នៃ និងលក់ដូរឱ្យជនជាតិរុស្ស៊ី ដែលកាលពីពេលមិនទាន់ផ្ទុះជំងឺកូវីដ ១៩ អ្នកស្រីលក់ត្រឹមតែ ៣ ឆ្នាំ ទទួលបានចំណេញជាង ១០ ម៉ឺនដុល្លារឯណោះ ។
ស្វាមីខ្ញុំប្រកបរបរទទួលទានដោយភាពស្មោះត្រង់ មិនបោកប្រាស់អតិថិជនណានោះឡើយ ។ ដូច្នេះពេលអតិថិជន ពិសេសជនបរទេសសង្កេតឃើញត្បូងដែលគាត់លក់ដូរសុទ្ធល្អ គេមកទិញម្តងពី ៥ ទៅ ១០ គីឡូក្រាម យកទៅស្រុកគេមិនចាំបាច់កែច្នៃអ្វី នោះឡើយ ។ កាលពីប៉ុន្មានថ្ងៃមុន ប្តីខ្ញុំបានច្នៃត្បូងទុកលក់ឱ្យម៉ូយដែលកុម្ម៉ង់ទិញជាង ១ ម៉ឺនគ្រាប់ថែមទៀតដែរ ខណ:ជំងឺកូវីដ ១៩ មានការថយចុះទៅវិញ ៕
ចែករំលែកព័តមាននេះ