ទ្រព្យសម្បតិមហាសេដ្ឋីពិភពលោកទាំង១០កើនឡើងទ្វេដង អំឡុងកូវីដរាតត្បាត
ពិភពលោក ៖ ទ្រព្យសម្បត្តិសរុបរបស់មហាសេដ្ឋីមានបំផុតទាំង១០របស់ពិភពលោកកើនឡើងទ្វេដង អំឡុងរយៈពេល២ឆ្នាំដំបូង
ពិភពលោក ៖ ទ្រព្យសម្បត្តិសរុបរបស់មហាសេដ្ឋីមានបំផុតទាំង១០របស់ពិភពលោកកើនឡើងទ្វេដង អំឡុងរយៈពេល២ឆ្នាំដំបូង
ពិភពលោក ៖ ទ្រព្យសម្បត្តិសរុបរបស់មហាសេដ្ឋីមានបំផុតទាំង១០របស់ពិភពលោកកើនឡើងទ្វេដង អំឡុងរយៈពេល២ឆ្នាំដំបូងនៃការផ្ទុះរាតត្បាតកូវីដ ១៩ ខណៈដែភាពក្រីក្រ និងវិសមភាពក្នុងពិភពលោកកើនឡើង។ នេះបើយោងតាមរបាយការរបស់អង្គការអន្តរជាតិ Oxfam។
អង្គការនេះនិយាយថា ទ្រព្យសម្បត្តិសរុបរបស់មហាសេដ្ឋីពិភពលោកទាំង ១០ហក់ឡើងពី ៧០០ពាន់លានទៅ ១,៥លានលានដុល្លារ ដោយកើនឡើងជាមធ្យម ១,៣ពាន់លានដុល្លារក្នុងមួយថ្ងៃ។
Oxfam ដែលមានបេសកកម្មផ្តោតលើការកាត់បន្ថយភាពក្រីក្រសកលលោក និយាយក្នុងរបាយការណ៍សង្ខេបថា ទ្រព្យសម្បត្តិរបស់មហាសេដ្ឋីទាំងនោះកើនឡើងអំឡុងមានការផ្ទុះរាតត្បាតវីរុសជាងការកើនឡើងកាលពី ១៤ឆ្នាំមុន នៅពេលសេដ្ឋកិច្ចពិភពលោកជួបវិបត្តិសេដ្ឋកិច្ចធ្ងន់ធ្ងរ។
អង្គការហៅវិសមភាព (ភាពមិនស្មើគ្នា) នេះថាជាអំពើហឹងក្សាសេដ្ឋកិច្ច និងបាននិយាយថា ភាពមិនស្មើគ្នាទាំងនេះបានចូលរួមចំណែកដល់ការស្លា.ប់របស់មនុស្ស ២១.០០០ជារៀងរាល់ថ្ងៃដោយសារការកង្វះលទ្ធភាពទទួលបានការថែទាំងសុខភាព អំពើហិ.ង្សាយេនឌ័រ ភាពអត់ឃ្លាន និងការប្រែប្រួលអាកាសធាតុ។
អង្គការសប្បុរសធម៌ខាងលើបន្តថា ការរាតត្បាតជំងឺបានធ្វើឲ្យមនុស្ស ១៦០លាននាក់ធ្លាក់ចូលក្នុងភាពក្រីក្រ ដោយជនជាតិដើមភាគតិចមិនមែនជនជាតិស្បែកស និងស្ត្រីទទួលរងផលប៉ះពាល់យ៉ាងខ្លាំង។
Oxfam បានជំរុញឲ្យមានកំណែទម្រង់ពន្ធដា ដើម្បីផ្តល់មូលនិធិដល់ការផលិតវ៉ាក់សាំង ព្រមទាំងការថែទាំងសុខភាព ការសម្របខ្លួននឹងអាកាសធាតុ និងការកាត់បន្ថយអំពើហិង្សា ដើម្បីសង្គ្រោះជីវិតមនុស្ស។
សូមបញ្ជាក់ថា បើតាមបញ្ជីឈ្មោះរបស់ទស្សនាវដ្តី Forbes កំពូលមមហាសេដ្ឋីមានបំផុតទាំង ១០របស់ពិភពលោក មានដូចជា៖លោក Elon Musk ស្ថាបនិករបស់ក្រុមហ៊ុនរថយន្តអគ្គិសនី Tesla, លោកJeff Bezos ស្ថាបនិករបស់ Amazon, លោកLarry Page និងលោក Sergey Brin សហស្ថាបនិករបស់ Google, លោក Mark Zuckerberg របស់ Facebook, លោក Bill Gates និងលោក Steve Ballmer របស់ Microsoft, លោក Larry Ellison អតីតនាយកប្រតិបត្តិរបស់ក្រុមហ៊ុន Oracle, លោកកំពូលអ្នកវិនិយោគទុនអាមេរិក Warren Buffet និងលោក Bernard Arnault ប្រធានក្រុមហ៊ុនផលិតផលប្រណិតបារាំង LVMH៕ (យោងតាមប្រភព៖ Bangkok Post)
ចែករំលែកព័តមាននេះ