មកដឹងពីលទ្ធផលមេដាយមាស ការ៉ាតេដូ ប្រចាំឆ្នាំ២០២១ ដែលទើបបញ្ចប់!
- ភ្នំពេញ
ភ្នំពេញ៖ នៅទីបំផុត ការប្រកួតការ៉ាតេដូ ប្រចាំឆ្នាំ២០២១ ដែលបានលើកមកធ្វើ នៅដើមឆ្នាំ២០២២នេះ បានរកឃើញកីឡាករ កីឡាការិនី និងក្រុមខ្លាំងជាផ្លូវការហើយ។ កីឡាករមកពីក្លឹបកីឡាការ៉ាតេ…
ភ្នំពេញ៖ នៅទីបំផុត ការប្រកួតការ៉ាតេដូ ប្រចាំឆ្នាំ២០២១ ដែលបានលើកមកធ្វើ នៅដើមឆ្នាំ២០២២នេះ បានរកឃើញកីឡាករ កីឡាការិនី និងក្រុមខ្លាំងជាផ្លូវការហើយ។ កីឡាករមកពីក្លឹបកីឡាការ៉ាតេ…
ភ្នំពេញ៖ នៅទីបំផុត ការប្រកួតការ៉ាតេដូ ប្រចាំឆ្នាំ២០២១ ដែលបានលើកមកធ្វើ នៅដើមឆ្នាំ២០២២នេះ បានរកឃើញកីឡាករ កីឡាការិនី និងក្រុមខ្លាំងជាផ្លូវការហើយ។ កីឡាករមកពីក្លឹបកីឡាការ៉ាតេ ក្រសួងការពារជាតិ ទទួលបានចំណាត់ថ្នាក់លេខ១ ដោយដណ្តើមបានមេដាយច្រើនជាងគេ នៅក្នុងការប្រកួតកីឡាការ៉ាតេ ជ្រើសរើសជើងឯកថ្នាក់ជាតិ ប្រចាំឆ្នាំ២០២១ ដែលបានបិទបញ្ចប់ដោយជោគជ័យ នៅថ្ងៃទី១៦ ខែមករា ឆ្នាំ២០២២ នៅមជ្ឈមណ្ឌលហ្វឹកហាត់កីឡាការ៉ាតេ នៃសាកលវិទ្យាល័យភូមិន្ទភ្នំពេញ ក្រោមវត្តមានដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានសហព័ន្ធកីឡាការ៉ាតេកម្ពុជា។
យោងតាមលទ្ធផលបច្ចេកទេសរបស់មន្ត្រីសហព័ន្ធកីឡាការ៉ាតេកម្ពុជា បញ្ជាក់ថា ក្រសួងការពារជាតិ ដែលដណ្តើមបានចំណាត់ថ្នាក់លេខ១ រួមមាន មេដាយមាស១១ ប្រាក់៦ និងសំរឹទ្ធ៤។ ចំណាត់ថ្នាក់លេខ២ ក្រសួងមហាផ្ទៃ ទទួលបានមេដាយមាស៨ ប្រាក់២ និងសំរឹទ្ធ៦។ លេខ៣ ក្លឹបហនុមាន មេដាយមាស៤ ប្រាក់៧ និងសំរឹទ្ធ៨ ខណៈលេខ៤ ក្រសួងសេដ្ឋកិច្ច និងហិរញ្ញវត្ថុ ទទួលបានមេដាយមាស៤ ប្រាក់៤ និងសំរឹទ្ធ ១០គ្រឿង។
ក្រៅពី ៤ក្លឹប ដែលឈ្នះមេដាយច្រើនជាងគេនេះ ក៏មានក្លឹបជាច្រើនទៀត ដែលដណ្តើមបានមេដាយជាបន្តបន្ទាប់ ក្នុងចំណោមក្លឹបចូលរួមប្រកួត ចំនួន ២៤ក្លឹប សមាគម-សាលាគុន និងមណ្ឌលកីឡាការ៉ាតេ មកពីទូទាំងប្រទេស ដោយប្រកួតលើ ៣៤វិញ្ញាសា។
ឯកឧត្តម វ៉ាត់ ចំរើន អគ្គលេខាធិការសហព័ន្ធកីឡាការ៉ាតេកម្ពុជា បានលើកឡើងថា ព្រឹត្តិការណ៍នេះ មានអ្នកចូលរួមសរុបចំនួន ២២៧នាក់។ ចំពោះគណៈកម្មការរៀបចំមានចំនួន ៧៧នាក់ ដែលបានខិតខំរៀបចំការប្រកួតអស់រយៈពេល ៤ថ្ងៃ ដោយជំរុញឲ្យព្រឹត្តិការណ៍ជើងឯកថ្នាក់ជាតិ ប្រចាំឆ្នាំ២០២១នេះ បានដំណើរការដោយរលូន និងកាត់បន្ថយបញ្ហាបានជាង ៩០% បើប្រៀបធៀបនឹងព្រឹត្តិការណ៍ដូចគ្នា កាលពីឆ្នាំ២០២០ កន្លងទៅ។
ជាមួយគ្នានោះ ឯកឧត្តមអគ្គលេខាធិការ ក៏បានបង្ហាញនូវគោលដៅយុទ្ធសាស្ត្រការងារបន្តរបស់សហព័ន្ធចំនួន ៤ចំណុចសំខាន់ៗដែរ រួមមាន៖ ១. រៀបចំធ្វើជាម្ចាស់ផ្ទះការប្រកួតជើងឯកអាស៊ីអាគ្នេយ៍ (SEAKF Championship) លើកទី៩ ដែលជាលើកដំបូងសម្រាប់ការ៉ាតេកម្ពុជា ដោយគ្រោងនឹងធ្វើឡើងពីថ្ងៃទី១៤-២២ ខែមីនា ឆ្នាំ២០២២។ ២. ត្រៀមចូលរួម SEA Games លើកទី៣១ ចាប់ពីថ្ងៃទី១២-២៣ ខែឧសភា ឆ្នាំ២០២២ នៅទីក្រុងហាណូយ ប្រទេសវៀតណាម។ ៣. ត្រៀមចូលរួម ASIAN Games លើកទី១៩ ឆ្នាំ២០២២ ចាប់ពីថ្ងៃទី១០-២៥ ខែកញ្ញា ឆ្នាំ ២០២២ នៅទីក្រុង Hangzhou ប្រទេសចិន។ ៤. ត្រៀមទទួលរៀបចំធ្វើម្ចាស់ផ្ទះ ការប្រកួតកីឡា SEA Games 2023 លើកទី៣២ ចាប់ពីថ្ងៃទី៥-១៧ ខែឧសភា ឆ្នាំ២០២៣។
ឯកឧត្តម វ៉ាត់ ចំរើន មានប្រសាសន៍ថា ក្រោមម្លប់នៃសន្តិភាព និងការអភិវឌ្ឍ ពិសេសការដឹកនាំប្រកបដោយគតិបណ្ឌិត និងគុណធម៌ដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ បានធ្វើឲ្យវិស័យកីឡាការ៉ាតេ កែប្រែមុខមាត់ថ្មី ធ្វើអោយគុណផលកីឡាប្រែប្រួលរីកចម្រើនមួយកម្រិតតាមអនុសាសន៍ និងគោលការណ៍ណែនាំដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យប្រធានសហព័ន្ធ។
សមិទ្ធផលកន្លងមកបានការយកចិត្តទុកដាក់ខ្ពស់របស់ឯកឧត្តមអគ្គបណ្ឌិតសភាចារ្យ និងការតាមដានត្រួតពិនិត្យណែនាំផ្ទាល់របស់ឯកឧត្តមបណ្ឌិតសភាចារ្យ ជូ វិជិត្ត អនុប្រធានប្រចាំការ បានជំរុញឲ្យយន្តការ និងផែនការសកម្មភាពសហព័ន្ធ បោះជំហានទៅមុខ ក្រោមការជួយឧបត្ថម្ភគាំទ្រស្មារតី និងថវិកា ពីឯកឧត្តមអគ្គបណ្ឌិតសភាចារ្យផ្ទាល់ ពីគណៈកម្មាធិការជាតិ CAMSOC និងក្រសួងអប់រំ យុវជន និងកីឡា ក៏ដូចជាការចែករំលែកពីសប្បុរសជន និងសមាជិកគណៈកម្មាធិការប្រតិបត្តិសហព័ន្ធផងដែរ។
ដើម្បីតបស្នងសងគុណ ការយកចិត្តទុកដាក់ឧបត្ថម្ភគាំទ្រ និងការលះបង់ ឯកឧត្តមប្តេជ្ញាចិត្តខ្ពស់ ក្នុងការខិតខំប្រឹងប្រែងបន្តជំរុញសកម្មភាពការងារកីឡាការ៉ាតេ ឲ្យទទួលបានគុណផលកីឡាមុតស្រួច និងជ័យលាភី ជូនជាតិមាតុភូមិ ជាពិសេសគឺការសម្រួចគោលដៅឲ្យទទួលបានជោគជ័យ ការប្រកួតកីឡា ស៊ីហ្គេម ឆ្នាំ២០២៣ ក្នុងឋានៈកម្ពុជាធ្វើជាម្ចាស់ផ្ទះ៕
ចែករំលែកព័តមាននេះ