ពិធីការិនីដ៏មានប្រជាប្រិយនាង កែវ ចាន់និមល បានសារភាព និងទទួលស្គាល់ថា ជីវិតជាប្តីប្រពន្ធរបស់នាង គឺមិនខុសពីគ្រួសារផ្សេងទៀតឡើយ ពោលគឺប្រៀបបានចាននៅក្នុងរាវ ក្រោយការចាប់ដៃគ្នាប្រមាណ១២ឆ្នាំមកនេះ
រាជធានីភ្នំពេញ ៖ ពិធីការិនីដ៏មានប្រជាប្រិយនាង កែវ ចាន់និមល បានសារភាព និងទទួលស្គាល់ថា ជីវិតជាប្តីប្រពន្ធរបស់នាង គឺមិនខុសពីគ្រួសារផ្សេងទៀតឡើយ ពោលគឺប្រៀបបានចាននៅក្នុងរាវ ក្រោយការចាប់ដៃគ្នាប្រមាណ១២ឆ្នាំមកនេះ។
យ៉ាងណា កែវ ចាន់នីមល បានលើកសរសើរស្វាមីខ្លួនថា ការឈ្លោះប្រកែកគ្នានោះ គឺគ្រាន់តែជាការកែលម្អគ្នាទៅវិញទៅមក ខណៈពេលស្វាមីរបស់នាងមិនធ្វើអោយនាងស្គាល់ពាក្យថាប្រចណ្ឌនោះឡើយ។
កែវ ចាន់និមល បានបង្ហោះសារតាមហ្វេសប៊ុកយ៉ាងដូច្នេះថា អ្នកណាថាប្តីប្រពន្ធពេលនៅជាមួយគ្នាកាន់តែយូរចិត្តគំនិតដូចគ្នា និងកាន់តែស្និតគ្នា? រឿងពិតគឺដូចចានក្នុងរាវ ដូចអណ្តាតនិងធ្មេញ កាន់តែចង់មានបាន គឺកាន់តែឆ្ងាយពីគ្នា តែយើងឈ្លោះប្រកែកគ្នាដោយសារតែចង់កែលម្អរគ្នា។
នាងបញ្ជាក់ថា យើងគ្មានពេលស្និតស្នាល ផ្អែមល្ហែមក៏ដោយសារតែយើងគិតពីអនាគតគ្រួសារ អរគុណដែលធ្វើអោយនារីម្នាក់នេះមិនដែលស្គាល់រសជាតិពាក្យថា ប្រចណ្ឌរីករាយថ្ងៃខួបអាពាពិពាហ៍ 12ឆ្នាំDaddy សូវ៉ាត សីលា។
ជាការកត់សម្គាល់ កែវ ចាន់និមល មិនត្រឹមតែជោគជ័យខ្លាំងនៅក្នុងការងារសិល្បៈនោះទេ តែនាងគឺជាតារាស្រីមួយរូប ដែលតែងតែបង្ហាញពីភាពជោគជ័យ ផ្អែមល្ហែម កក់ក្ដៅបំផុត ពីជីវិតគូទៀតផង។
ជារឿយៗ កែវ ចាន់និមល តែងតែបង្ហាញពីជីវិតគូដ៏មានសុភមង្គលនៅលើបណ្ដាញសង្គមហ្វេសប៊ុក ព្រមទាំងសរសេររៀបរាប់ពីរឿងរ៉ាវជីវិតគូរបស់ខ្លួន បង្ហាញទៅកាន់មហាជនផងដែរ។ បើទោះបីជា ពិធីការិនីរូបនេះ បានរៀបការកសាងគ្រួសារអស់រយៈពេលជាច្រើនឆ្នាំក៏ពិតមែន តែចំណងស្នេហ៍របស់នាងនៅតែមានភាពស្អិតល្មួត ប្រៀបដូចជាគូស្នេហ៍ថ្មោងថ្មីអ៊ីចឹង។
បើទោះបីធ្លាប់ជួបរឿងមិនល្អក្នុងរង្វង់គ្រួសារកន្លងមកក៏ដោយ ប៉ុន្តែ កែវ ចាន់និមល និងស្វាមី នៅតែអាចរក្សាបាននូវចំណងជីវិតជាប្តីប្រពន្ធនឹងគ្នាបានយ៉ាងរឹងមាំដដែល។ កន្លងមក កែវ ចាន់និមល ក៏ធ្លាប់លើកឡើងថា ទោះមនុស្សប្រុសម្នាក់នេះ(ស្វាមីនាង) មិនមានអ្វីច្រើន តែគាត់ក៏អាចឱ្យប្រពន្ធកូនរស់នៅដូចព្រះនាងរហូតមកដល់សព្វថ្ងៃ៕
ចែករំលែកព័តមាននេះ