បុរសជនជាតិថៃវ័យ ៣៨ឆ្នាំម្នាក់ ដែលប៉ូលិសកំពុងតាមប្រមាញ់ពីបទរត់ពន្ធមនុស្ស ត្រូវបានចាប់ខ្លួននៅថ្ងៃសៅរ៍នេះ ក្នុងប្រទេសថៃ ក្រោយពេលរត់គេខ្លួនទៅធ្វើការនៅម៉ាឡេស៊ីអស់រយៈពេលជិត ៧ឆ្នាំ។
ជនសង្ស័យនេះឈ្មោះ Chamsudin Tordin ជាប្រជាជនមកពីស្រុក Muang នៃខេត្ត Satun ប្រទេសថៃ។ គាត់ត្រូវបានតុលាការចេញដីការចាប់ខ្លួនកាលពីថ្ងៃទី ១៨ ខែឧសភា ឆ្នាំ ២០១៥ពីបទរត់ពន្ធជនជាតិភាគតិចរ៉ូហ៊ីងយ៉ា។
ជនសង្ស័យបានរត់គេចខ្លួនទៅធ្វើកម្មករនេសាទក្នុងប្រទេសម៉ាឡេស៊ី។ ប៉ុន្តែទីបំផុតគាត់ត្រូវបានប៉ូលីសថៃឃាត់ខ្លួននៅថ្ងៃនេះ ក្រោយពេលវិលត្រឡប់មកថៃវិញតាមច្រកអន្តោប្រវេសន៍ Sadao។ នេះបើយោងតាមការបញ្ជាក់របស់ប៉ូលីសអន្តោប្រវេសន៍។
បុរសរូបនេះត្រូវបានចោទប្រកាន់ពីបទពាក់ព័ន្ធនឹងការរត់ជនអន្តោប្រវេន៍រ៉ូហ៊ីងយ៉ាជាច្រើននាក់តាមច្រកព្រំដែនម៉ាឡេស៊ីថៃ ក្នុងខេត្ត Skongkhla និងខេត្ត Satun កាលពីប៉ុន្មានឆ្នាំមុន។
គាត់ប្រឈមនឹងការចោទប្រកាន់ ៤ករណីរួមមានការឃុបឃិតក្នុងការជួញដូរមនុស្សដោយរំលោ.ភបំពានលើមនុស្សអាយុក្រោម ១៥ឆ្នាំ ជួយអន្តោប្រវេសន៍ឆ្លងដែនចូលទឹកដីថៃដោយខុសច្បាប់ ឃុំខ្លួនមនុស្ស និងបំបិតសេរីភាព និងឃុបឃិតជាមួយក្រុមចាប់ជំរិតដើម្បីទាមទារយកប្រាក់លោះពីជនរងគ្រោះ៕ (យោងតាមប្រភព៖ Bangkok Post)
ចែករំលែកព័តមាននេះ