កម្មកររោងចក្រផលិតស្បែកជើង ១៦.០០០នាក់ បញ្ចប់កូដកម្ម ជុំវិញប្រាក់រង្វាន់ប្រចាំឆ្នាំនៅវៀតណាម
ទីក្រុងហាណូយ ៖ កម្មករប្រហែល ១៦,០០០នាក់ នៃរោងចក្រផលិតស្បែកជើង ដែលវិនិយោគដោយតៃវ៉ាន់ ឈ្មោះ Pou Chen Vietnam…
ទីក្រុងហាណូយ ៖ កម្មករប្រហែល ១៦,០០០នាក់ នៃរោងចក្រផលិតស្បែកជើង ដែលវិនិយោគដោយតៃវ៉ាន់ ឈ្មោះ Pou Chen Vietnam…
ទីក្រុងហាណូយ ៖ កម្មករប្រហែល ១៦,០០០នាក់ នៃរោងចក្រផលិតស្បែកជើង ដែលវិនិយោគដោយតៃវ៉ាន់ ឈ្មោះ Pou Chen Vietnam ដែលជាក្រុមហ៊ុនផលិតស្បែកជើងម៉ាក Nike បានត្រឡប់ចូលធ្វើការវិញហើយ បន្ទាប់ពីធ្វើកូដកម្ម អស់រយៈពេល ០៤ថ្ងៃ ជុំវិញប្រាក់រង្វាន់ Tet នេះបើយោងតាមសារព័ត៌មានរបស់វៀតណាមចេញផ្សាយនៅថ្ងៃទី១៤ ខែមករា ឆ្នាំ២០២២នេះ ។
លោក Nguyen Tan Phap ប្រធានសហជីពកម្មករ នៅ Pou Chen ដែលរោងចក្រមួយមានទីតាំងនៅក្នុងទីប្រជុំជន បៀនហូរ នៃខេត្តដុងណៃ បាននិយាយកាលពីថ្ងៃពុធ ទី១២ មករាថា កម្មករភាគច្រើន បានត្រឡប់ទៅកន្លែងធ្វើការរបស់ពួកគេវិញអស់ហើយ ដោយបញ្ចប់កូដកម្ម ។ យ៉ាងណា លោកមិនបានបញ្ជាក់លម្អិតទេ ។
កម្មករ បានធ្វើការតវ៉ា ចំពោះការសម្រេចចិត្តរបស់ក្រុមហ៊ុន ក្នុងការផ្តល់ប្រាក់រង្វាន់ Tet តិចជាងឆ្នាំមុនៗ សម្រាប់ពិធីបុណ្យចូលឆ្នាំ ដែលជាពិធីបុណ្យដ៏សំខាន់បំផុតនៅក្នុងប្រទេសវៀតណាម នៅដើមខែកុម្ភៈ នឹងទទួលបានប្រាក់រង្វាន់ប្រចាំឆ្នាំ ។
កម្មករម្នាក់ បាននិយាយថា ក្រុមហ៊ុនបានប្រកាសថា បុគ្គលិកដែលបានធ្វើការឲ្យក្រុមហ៊ុនពេញមួយឆ្នាំ ឬលើសពីនេះ នឹងទទួលបានប្រាក់រង្វាន់ Tet ពី១ខែ ទៅ១ខែកន្លះ នៃប្រាក់ខែគោល ប្រហែល ៥លានដុង ($217) ដល់ជិត ២០លានដុង ។ ប្រាក់រង្វាន់ខ្ពស់បំផុតក្នុងឆ្នាំ២០២១ គឺបានប្រាក់ ១.៨៧ខែ (ជិត២ខែ) ហើយកាលពីឆ្នាំមុន ២.២ខែ (២ខែជាង) ។ ជាមួយគ្នានេះ ហេតុអ្វី “ប្រាក់រង្វាន់ Tet ក្នុងឆ្នាំ២០២២ បានទាបជាងមុន ?” ។
ដោយពន្យល់ពីការធ្លាក់ចុះ នៃប្រាក់រង្វាន់ លោក Tsai Ming Jyh នាយកក្រុមហ៊ុន Pou Chen Vietnam បាននិយាយថា ដោយសារជំងឺរាតត្បាតកូវីដ-១៩ បានបង្ខំឲ្យរោងចក្របិទទ្វារ ដែលប៉ះពាល់ដល់ប្រាក់ចំណូល និងប្រាក់ចំណេញ ។ ទោះយ៉ាងណាក៏ដោយ ក្រុមហ៊ុន ក៏នៅតែផ្តល់ឲ្យកម្មករមួយផ្នែក នៃប្រាក់ខែរបស់ពួកគេ អស់រយៈពេលជិត ៣ខែ ក្នុងអំឡុងពេលបិទនោះ ។
លោកបានបន្ថែមថា ប្រាក់រង្វាន់ Tet ឆ្នាំនេះ ត្រូវបានពិភាក្សា ដោយក្រុមហ៊ុន និងសហជីព ។
Pou Chen Vietnam នៅតំបន់បៀនហូរ ដែលជាផ្នែកមួយ នៃក្រុមហ៊ុន Pou Chen របស់តៃវ៉ាន់ មានកម្មករប្រហែល ១៦,០០០នាក់ ។ ក្រុមហ៊ុន Pou Chen មានរោងចក្រ ចំនួន ០៧ ផ្សេងទៀត នៅក្នុងតំបន់មួយចំនួន នៅភាគខាងត្បូង ប្រទេសវៀតណាម ដែលមានកម្មករសរុបជាង ១៣០,០០០នាក់ ។ Pou Chen Vietnam គ្រោងនឹងផ្តល់ឲ្យកម្មករ ប្រមាណ(៥២.៨លានដុល្លារ) ជាប្រាក់រង្វាន់ Tet នៅឆ្នាំនេះ ៕
ចែករំលែកព័តមាននេះ