ហេកឃ័រកូរ៉េខាងជើងលួចប្រាក់ឌីជីថលជិត៤០០លានដុល្លារ ពីវេទិការរូបិយប័ណ្ណមួយ
កូរ៉េខាងជើង ៖ ក្រុមហេកឃ័រ (Hacker) របស់កូរ៉េខាងជើងបានលួចប្រាក់ឌីជីថលតម្លៃជិត៤០០លានដុល្លារក្នុងការវា.យប្រហារ
កូរ៉េខាងជើង ៖ ក្រុមហេកឃ័រ (Hacker) របស់កូរ៉េខាងជើងបានលួចប្រាក់ឌីជីថលតម្លៃជិត៤០០លានដុល្លារក្នុងការវា.យប្រហារ
កូរ៉េខាងជើង ៖ ក្រុមហេកឃ័រ (Hacker) របស់កូរ៉េខាងជើងបានលួចប្រាក់ឌីជីថលតម្លៃជិត៤០០លានដុល្លារក្នុងការវា.យប្រហារយ៉ាងតិចចំនួន ៧លើកលើវេទិការរូបិយប័ណ្ណគ្រីបតូ (Cryptocurrency) កាលពីឆ្នាំមុន។
ការវា.យប្រហារនោះផ្តោតសំខាន់លើក្រុមហ៊ុនវិនិយោគទុន និងវេទិការអនឡាញសម្រាប់ទិញ និងលក់រូបិយប័ណ្ណគ្រីបតូ។
កូរ៉េខាងជើងតែងធ្វើការបដិសេធថាខ្លួនមិនពាក់ព័ន្ធនឹងការវា.យប្រហារទាំងនោះ។
ក្រុមហ៊ុនកត់ត្រា និងវិភាគប្រតិបត្តិការជួញដូរប្រាក់ឌីជីថលឈ្មោះ Chainalysis បាននិយាយក្នុងរបាយការណ៍ថា «ចាប់ពីឆ្នាំ ២០២០ ដល់ ២០២១ ចំនួននៃការហេកទាក់ទងនឹងកូរ៉េខាងជើងកើនឡើងពីចំនួន ៤ទៅ ៧ដង ហើយទឹកប្រាក់ដែលបានលួចពីការហេកទាំងនោះកើនឡើង ៤០ភាគរយ»។
ក្រុមហ៊ុននិយាយទៀតថា ក្រុមហេកឃ័របានប្រើប្រាស់បច្ចេកទេសជាច្រើនរួមមានការបោកបញ្ឆោត ការបោកយកកូដសម្ងាត់ និងតាមរយៈមេរោគដើម្បីលួចយកប្រាក់ពីកុង (Hot wallet) របស់អង្គការជាច្រើន និងបានផ្ទេរវាចូលទៅកាន់អាសយដ្ឋានដែលគ្រប់គ្រងដោយកូរ៉េខាងជើង។
កុង(Hot wallet) រូបបិយប័ណ្ណគ្រីបតូត្រូវបានភ្ជាប់ទៅបណ្តាញអ៊ីនធឺណេត និងបណ្តាញរបស់គ្រីបតូ ដូច្នេះវាងាយរងគ្រោះពីការហេកយ៉ាងខ្លាំង។ កុងនោះត្រូវបានគេប្រើប្រាស់ដើម្បីផ្ញើចេញ និងទទួលរូបិយប័ណ្ណគ្រីបតូ និងអនុញ្ញាតិឲ្យអ្នកប្រើប្រាស់ពិនិត្យមើលទឹកប្រាក់ (token) ដែលពួកគេមាន។
អ្នកជំនាញជាច្រើនបានណែនាំឲ្យផ្ទេររូបិយប័ណ្ណគ្រីបតូចំនួនច្រើនដែលមិនត្រូវការប្រើប្រាស់ទៅកាន់កុងសុវត្ថិភាព (Cold wallet) ដែលមិនភ្ជាប់នឹងអ៊ីនធឺណេត។
ក្រុមហ៊ុន Chainalysis និយាយថាការវា.យប្រហារជាច្រើនកាលពីឆ្នាំមុនទំនងជាធ្វើដោយ Lazarus Group ដែលជាក្រុមហេកឃ័រដែលត្រូវបានអាមេរិកដាក់ទណ្ឌកម្ម និងត្រូវបានគេជឿជាក់ថាគ្រប់គ្រងដោយការិយាល័យចារកម្មរបស់កូរ៉េខាងជើង។
ក្រុម Lazarus Group ធ្លាប់ត្រូវបានគេចោទប្រកាន់ពីបទពាក់ព័ន្ធនឹងការវា.យប្រហារលើបណ្តាញ WannaCry ដែលជាការវា.យប្រហារលើធនាគារអន្តរជាតិ និងគណនេយ្យរបស់អតិថិជន និងការវាយប្រហារតាមអ៊ីនធឺណេតលើក្រុមហ៊ុន Sony Pictures កាលពីឆ្នាំ ២០១៤៕ (យោងតាមប្រភព៖ BBC)
ចែករំលែកព័តមាននេះ