សេដរឿងប្រពន្ធរត់ចោល សុំគេចាក់ចម្រៀងឱ្យឮៗ បែរត្រូវគេវា.យ និងកា.ប់ទាំងឪពុក និងកូន
- ភ្នំពេញ
រាជធានីភ្នំពេញ ៖ បុរសជាអ្នករើសអេតចាយម្នាក់មានវិបត្តិ ព្រោះប្រពន្ធរត់ចោល ក៏ផឹកស្រាស្រវឹង លុះឮគេចាក់បទចម្រៀងចង់
រាជធានីភ្នំពេញ ៖ បុរសជាអ្នករើសអេតចាយម្នាក់មានវិបត្តិ ព្រោះប្រពន្ធរត់ចោល ក៏ផឹកស្រាស្រវឹង លុះឮគេចាក់បទចម្រៀងចង់ស្តាប់ ក៏បានប្រើកូនឱ្យទៅប្រាប់គេសុំចាក់បទចម្រៀងឱ្យឮជាងនេះបន្តិច បែរជាអ្នកចាក់បទចម្រៀងទះកំផ្លៀងកូនមួយដៃ ធ្វើឲ្យបុរសរូបនោះខឹងពេក ក៏បានទាញដងអំបោះទៅវា.យវិញ តែត្រូវគេដេញកា.ប់២កាំបិ.តបុ័ងតោ បណ្តាលឱ្យរងរបួសធ្ងន់ ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោង៦នឹង២០នាទីយប់ថ្ងៃទី១៣ ខែមករា ឆ្នាំ២០២២ នៅចំណុចផ្ទះជួលមួយកន្លែង ស្ថិតក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
បុរសរងគ្រោះជាអ្នករើសអេតចាយខាងលើមិនស្គាល់អត្តសញ្ញាណនោះទេ ។ ចំណែកជនសង្ស័យក៏មិនស្គាល់អត្តសញ្ញាណដែរ បានរត់គេចខ្លួនបាត់ ។
តាមប្រភពព័ត៌មានពីបុរសរងគ្រោះបានឱ្យដឹងថា មុនពេលកើតហេតុ គាត់មានវិបត្តិ ព្រោះប្រពន្ធរត់ចោល ហើយគាត់បានផឹកស្រាស្រវឹង ពេលនោះផ្ទះជួលនៅជាន់ខាងលើចាក់បទចម្រៀងឮតិច ចំណែករូបគាត់កំពុងសេដផងនោះ ចង់ស្តាប់ ក៏អោយកូនតូចរបស់គាត់ទៅប្រាប់សុំឱ្យគេបើកឱ្យឮបន្តិចមក ។ ខណៈពេលកូនតូចៗរបស់គាត់ចំនួន៣នាក់បានទៅប្រាប់ឱ្យគេបើកសំឡេងឱ្យឮ ដើម្បីអោយឪពុកស្តាប់ផងនោះ ក៏ស្រាប់តែត្រូវម្ចាស់ធុងបាសទះកំផ្លៀងកូនច្បងរបស់គាត់មួយដៃ ធ្វើឲ្យគាត់ខឹងខ្លាំងពេក បានយកដងអំបោះជ័រវា.យគេបន្តិច ក៏ស្រាប់តែម្ចាស់ដែលចាក់ធុងបាសខាងលើបានយកកាំបិ.តប៉័ងតោ មកកា.ប់គាត់ចំនួន២កាំបិ.តចំដៃខាងឆ្វេង បណ្តាលឲ្យរយះ ហើយជនបង្កខាងលើរត់គេចខ្លួនបាត់ស្រមោល ។
តាមប្រភពដដែលបានបន្តថា បន្ទាប់មករូបគាត់ត្រូវបានម៉ូតូកង់បីនៅជិតកន្លែងកើតហេតុបានដឹកមកដាក់ពាក្យបណ្ដឹងភ្លាមៗផងដែរ ។ ពេលមកដល់ប៉ុស្តិ៍នគរបាលរដ្ឋបាលសង្កាត់ចោមចៅទី៣ សមត្ថកិច្ចឃើញជនរងគ្រោះរបួសធ្ងន់ ទើបសមត្ថកិច្ចអោយជនរងគ្រោះទៅព្យាបាលនៅមន្ទីរបង្អែកពោធិ៍ចិនសិន រង់ចាំមកដាក់ពាក្យបណ្ដឹងតាមក្រោយ ។
ក្រោយពេលកើតហេតុ បន្ទាប់ពីបានព្យាបាលរួច ជនរងគ្រោះបានទៅដាក់ពាក្យបណ្ដឹងភ្លាមៗផងដែរ ដើម្បីអោយសមត្ថកិច្ចជួយតាមឃាត់ជនសង្ស័យខាងលើមកផ្តន្ទាទោសតាមច្បាប់ ៕
ចែករំលែកព័តមាននេះ