គ្រាន់តែហក់ចូលមកដល់ឆ្នាំថ្មីមកភ្លាម តារាចម្រៀងកំពូលមានស្ទាយអត់ចាញ់បវរកញ្ញាទេ mommy កញ្ញា (អ្នកនាង ឱក សុគន្ធកញ្ញា)។ តារាលំដាប់រូបនេះ មិនត្រឹមតែឆ្នើមខាងច្រៀងនោះទេ រីឯ
រាជធានីភ្នំពេញ ៖ គ្រាន់តែហក់ចូលមកដល់ឆ្នាំថ្មីមកភ្លាម តារាចម្រៀងកំពូលមានស្ទាយអត់ចាញ់បវរកញ្ញាទេ mommy កញ្ញា (អ្នកនាង ឱក សុគន្ធកញ្ញា)។ តារាលំដាប់រូបនេះ មិនត្រឹមតែឆ្នើមខាងច្រៀងនោះទេ រីឯសញ្ញាបង្ហាញតិចនិចបែបសិល្បៈផ្សេងៗ ក៏ឃើញថា មិនអោយចាញ់គេឡើយ។ មួយ Style ៗ ដែលរំលេចចេញមកឃើញថា ពិតជាប្លែកណាស់។ បើមើលលើផ្នែកសម្រស់វិញ កូន១មែន តែរក្សាបានរូបឆោមផូរផង់ល្អដដែល។
អ្នកនាងឱក សុគន្ឋកញ្ញា ជាតារាលំដាប់លេខរៀងទី១ ប្រចាំផលិតកម្មហង្សមាស ដោយរមែងលេចចេញនូវស្ទីលប្លែកៗក្នុងសិល្បៈ ហើយមានការគាំទ្រខ្លាំង។ នាងឈរលំដាប់កំពូល ហើយជឿថា សមត្ថភាពដែលកញ្ញាមាននេះ អាចទប់ជាប់នូវប្រជាប្រិយភាពដែលមានបាន យូរតទៅទៀត ឬយ៉ាងណា។
ទោះជាតារាចម្រៀងដ៏មានឥទ្ធិពលជាងគេនៅហង្សមាសក្ដី ប៉ុន្ដែនាងមិនប្រាកដថានឹងរក្សាតំណែងជាអ្នកចម្រៀងស្រីជួរមុខនៅផលិតកម្មរបស់បងថ្លៃនាងតទៅទៀតបានឡើយ ព្រោះថា មិនទាន់មានបទផ្ទុះជាច្រើនខែមកហើយ។ ប៉ុន្ដែកន្លងមក អ្នកជំនាញសិល្បៈលោក គួច ខេវិន និង មិញ សុធីវណ្ណ ធ្លាប់និយាយស្របគ្នាថា ដាច់ខាតហង្សមាសនឹងមិនបណ្ដោយឲ្យសុគន្ធកញ្ញា ធ្លាក់ចុះនោះទេ។
តែនៅឆ្នាំ២០២១នេះ គេកត់សម្គាល់ថា មិនមែន សុគន្ធកញ្ញា ម្នាក់ទេ ដែលចុះខ្សោយសន្ទុះ ព្រោះតារាកូន១មួយចំនួនទៀតដូចជា សួស វីសា, ពេជ្រ សូលីកា និងតារាសម្ដែង ឌុច លីដា និង នៅ សុនិតា ជាដើម ក្រោយពីមានប្ដី និងកូនមក ពួកគេស្ងាត់ដូចគ្នាទាំងអស់។
យ៉ាងណា សុគន្ធកញ្ញា នៅមានសង្ឃឹមអាចស្ដារមុខមាត់ឡើងវិញបាន ប្រសិនបើនាងចាប់ដៃជាមួយលោកខេមរៈ សិរីមន្ដ ថតភាពយន្ដថ្មីដំបូងបំផុតឲ្យហង្សមាសនោះ ច្បាស់ជាទស្សនិក ជនងាកមកចាប់អារម្មណ៍នាងម្ដងទៀតជាមិនខាន។ ហើយអ្វីដែលធ្វើឲ្យ សុគន្ធកញ្ញា មិនសូវបារម្ភថា នាងមិនអាចស្ដារកេរ្ដិ៍ឈ្មោះឡើងខ្លាំងដូចមុនវិញបាននោះ ព្រោះស្វាមីរបស់នាងលោក អ៊ឹង សុខលី បានត្រៀមឲ្យនាងចេញមុខកម្មវិធីប្រលងចម្រៀងធំៗដល់ទៅ៤ផ្សេងគ្នានៅរដូវកាលថ្មី ក្នុងឋានៈជាគណៈកម្មារការ និងគ្រូបង្វឹកនោះ គឺThe Voice Cambodia ,The Voice Kids Cambodia ,Cambo dian Idol និងX Factor Cambodia ។
ហើយនៅពេល សុគន្ធកញ្ញា លេចមុខតាមកម្មវិធីខាងលើនេះវិញ គេជឿថា ទោះជានាងលែងមានបទផ្ទុះ ក៏អាចទប់លំនឹងបានដែរ ព្រោះថា ពេលនេះដៃគូចម្រៀងដែលជាគូប្រជែងដ៏ស្វិតស្វាញបំផុតរបស់នាងរយៈពេលជាង១០ឆ្នាំមកនេះ គឺមាស សុខសោភា ក៏គ្មានបទផ្ទុះដូចគ្នា៕
ចែករំលែកព័តមាននេះ