តារាចម្រៀងនាង ពេជ្រ សោភា បានទៅកាន់មន្ទីរពេទ្យ ដើម្បីពិនិត្យ និងតាមដានអាការៈជំងឺចាស់របស់នាងដែលបានញាំញីអស់ជាច្រើនឆ្នាំមកនេះ ក្នុងពេលដែលតារារូបនេះ
រាជធានីភ្នំពេញ ៖ តារាចម្រៀងនាង ពេជ្រ សោភា បានទៅកាន់មន្ទីរពេទ្យ ដើម្បីពិនិត្យ និងតាមដានអាការៈជំងឺចាស់របស់នាងដែលបានញាំញីអស់ជាច្រើនឆ្នាំមកនេះ ក្នុងពេលដែលតារារូបនេះ ហាក់មិនបានសម្តែងការព្រួយបារម្ភច្រើនឡើយ ក្រោយការពិនិត្យពីក្រុមគ្រូពេទ្យនៅមន្ទីរពេទ្យឯកជនមួយកន្លែង ក្នុងរាជធានីភ្នំពេញ។
នៅថ្ងៃនេះ ពេជ្រ សោភា បានបង្ហាញរូបភាព ក្រោយការពិនិត្យសុខភាពនៅក្នុងមន្ទីរពេទ្យមួយដោយអមជាមួយនឹងសារថា ខ្ញុំមិនអីទេ មើលមុខខ្ញុំ ឃើញខ្ញុំសប្បាយចិត្តទេ ត្រូវចាំមនុស្សអាចរើសកើតបាន តែមិនអាចរើសថ្ងៃស្លា.ប់បានទេ ព្រោះមើលមិនដឹង ខ្ញុំរឹងមាំណាស់។
តាមរយៈសារដែលនាងបានបង្ហោះនេះ បានធ្វើអោយមហាជន ជាពិសេសបណ្តាអ្នកគាំទ្របាននាំគ្នាសម្តែងការព្រួយបារម្ភយ៉ាងខ្លាំង ក្នុងពេលដែលមិត្តភក្តិក្នុងសិល្បៈមួយចំនួនបានលើកទឹកចិត្តអោយនាងរឹងមាំ តស៊ូ និងថែរក្សាសុខភាពឲ្យបានល្អ។
យ៉ាងណា បើទោះបីជា ពេជ្រ សោភា មិនបានបញ្ជាក់ថា នាងកំពុងមានជំងឺអ្វីនោះ ប៉ុន្តែគណនេយ្យហ្វេសប៊ុកមួយបានធ្វើការខំមិននៅពីក្រោយរូបភាពដែលនាងបានបង្ហោះបានបញ្ជាក់ប្រាប់មហាជនថា តារាស្រីរូបនេះ មានជំងឺ ឈា.មសស៊ីឈា.មក្រហម ខណៈពេលដែលជំងឺនេះ បានញាំញីរូបនាងអស់ជាច្រើនឆ្នាំមកហើយ។
ជាការកត់សម្គាល់ កន្លងមក ពេជ្រ សោភា ផ្ទាល់ធ្លាប់បានសារភាពថា នាងកំពុងផ្ទុកជំងឺ ឈា.មសស៊ីឈា.មក្រហម ប្រាកដមែន ហើយជំងឺនេះបានផ្ទុកនៅក្នុងខ្លួននាងអស់រយៈពេលប្រមាណជាង១០ឆ្នាំមកហើយ ប៉ុន្តែកន្លងមក នាងមិនដើរបើកបង្ហាញឲ្យមហាជនបានដឹងនោះឡើយ។
គេនៅចាំបានថា កាលពីអំឡុងឆ្នាំ២០១៥ ពេជ្រ សោភា ធ្លាប់បានដួលសន្លប់ ហើយត្រូវបានក្រុមគ្រួសារដឹកយកទៅព្យាបាលនៅមន្ទីរពេទ្យ បន្ទាប់ពីនាងបានដើរលំហែកំសាន្តជាលក្ខណៈគ្រួសារនាខេត្តព្រះសីហនុ ដោយសារអាកាសធាតុក្តៅ ព្រមជាមួយនឹងភាពនាងមានភាពទន់ខ្សោយ។
កាលគ្រានោះ ពេជ្រ សោភា បានអះអាងប្រាប់បណ្តាញសារព័ត៌មាននៅក្នុងស្រុកមួយថា នាងមានជំងឺ ឈា.មសស៊ីឈា.មក្រហម និងខ្សោយបេះដូង ហើយខាងគ្រូពេទ្យបានបញ្ជាក់ប្រាប់នាងថា សរសៃបេះដូងតូចៗរបស់នាងខ្សោយ គឺត្រូវចាំបាច់ព្យាបាលឲ្យកាន់តែឆាប់ ហើយនៅក្នុងនោះពេទ្យប្រាប់ទៀតថា បើសិនជាឈា.មក្រហមខ្ញុំធ្លាក់ចុះ នៅសល់៤-៣ គឺអាចធ្វើឲ្យ គាំងបេះដូងផងដែរ។
ក្រោយពេលពើប្រទះនូវជំងឺខាងលើនេះ កន្លងមកមក ពេជ្រ សោភា ក៏ធ្លាប់បង្ហាញពីគម្រោងនៅក្នុងការចេញទៅព្យាបាលនៅក្រៅប្រទេសផងដែរ ដើម្បីចាក់បណ្តុះគ្រាប់ឈា.មឲ្យលឿន តាមពេលវេលា និងសុខភាពរបស់នាងជាក់ស្តែង ។
ទោះជាយ៉ាងណា ក្រោយពី ពេជ្រ សោភា បានបង្ហាញស្ថានភាពជំងឺរបស់នាងនាពេលនេះ មហាជន ជាពិសេសបណ្តាអ្នកគាំទ្រនាងជាច្រើនបាននាំគ្នាចូលរួមជូនពរ និងឲ្យនាងមានភាពរឹងមាំ ពុះពារនៅក្នុងការទប់ទល់ពីអាការៈជំងឺដែលនាងបានជួបប្រទះនាពេលនេះ៕
ចែករំលែកព័តមាននេះ