ស្ងាត់ៗដោះលែង លោក ស៊ឹង ប៊ុណ្ណា
រាជធានីភ្នំពេញ ៖ ប្រភពពីមន្ត្រីសាលាដំបូងរាជធានីភ្នំពេញបានឲ្យដឹងជំហានដំបូងថា អគ្គនាយកក្រុមហ៊ុន ប៊ុណ្ណា រៀលធីគ្រុប លោក ស៊ឹង ប៊ុណ្ណា ត្រូវបានតុលាការសម្រេចចេញដីកាឱ្យនៅ
រាជធានីភ្នំពេញ ៖ ប្រភពពីមន្ត្រីសាលាដំបូងរាជធានីភ្នំពេញបានឲ្យដឹងជំហានដំបូងថា អគ្គនាយកក្រុមហ៊ុន ប៊ុណ្ណា រៀលធីគ្រុប លោក ស៊ឹង ប៊ុណ្ណា ត្រូវបានតុលាការសម្រេចចេញដីកាឱ្យនៅ
រាជធានីភ្នំពេញ ៖ ប្រភពពីមន្ត្រីសាលាដំបូងរាជធានីភ្នំពេញបានឲ្យដឹងជំហានដំបូងថា អគ្គនាយកក្រុមហ៊ុន ប៊ុណ្ណា រៀលធីគ្រុប លោក ស៊ឹង ប៊ុណ្ណា ត្រូវបានតុលាការសម្រេចចេញដីកាឱ្យនៅក្រៅឃុំហើយនៅវេលាថ្ងៃត្រង់ថ្ងៃទី២៣ ខែមិថុនា ២០១៦ បន្ទាប់ពីជាប់ឃុំនៅពន្ធនាគារ PJ ជិតពីរសប្តាហ៍នោះរួចមក ។
ដោយឡែកប្រភពពីមន្ត្រីអនុរក្សពន្ឋនាគាររាជធានីភ្នំពេញនោះវិញក៏បានឲ្យដឹងដែរថា លោក ស៊ឹង ប៊ុណ្ណា ពិតជាត្រូវបានដោះលែងមែន ប៉ុន្តែមិនដឹងពីមូលហេតុនោះទេ ហើយថាពេលដើរចេញពីបន្ទប់ឃុំឃាំងឡើងរថយន្ត លោកស៊ឹង ប៊ុណ្ណា មិនបានថ្លែងអ្វីទៅកាន់អ្នកសារព័ត៌មាននោះទេ ដោយលោកគ្រាន់តែនិយាយថាឱ្យទៅសួរមេធាវីរបស់លោកទៅ ។
ជនត្រូវចោទលោក ស៊ឹង ប៊ុណ្ណា ត្រូវបានចៅក្រមស៊ើបសួរសាលាដំបូងរាជធានីភ្នំពេញ បានសម្រេចចេញដីកាឃុំខ្លួនបណ្តោះអាសន្នកាលពីល្ងាចថ្ងៃទី១០ ខែមិថុនា ឆ្នាំ២០១៦ ក្រោយតំណាងអយ្យការចោទប្រកាន់ពីបទ «មិនបំពេញកាតព្វកិច្ចចំពោះឧបករណ៍អាចជួញដូរបាន» យោងតាមមាត្រា២៣១ នៃច្បាប់ស្តីពី ឧបករណ៍អាចជួញដូរបាន និងប្រតិបត្តិការទូទាត់សងប្រាក់ ។
លោកអគ្គនាយកក្រុមហ៊ុន ប៊ុណ្ណា រៀលធីគ្រុប ដែលជាក្រុមហ៊ុនជំនាញខាងវាយតម្លៃអចលនទ្រព្យដ៏ល្បីនៅកម្ពុជា ត្រូវបានកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ ឃាត់ខ្លួននៅវេលាម៉ោង១០ព្រឹក ថ្ងៃទី១០ ខែមិថុនា ពាក់ព័ន្ធនឹងករណីចេញមូលប្បទានប័ត្រ(សែក)គ្មានសាច់ប្រាក់ចំនួន៤០ម៉ឺនដុល្លារអាមេរិក ទៅឱ្យដើមបណ្ដឹងលោកស្រី កែវ ហ៊ុន ៕
ចែករំលែកព័តមាននេះ