អាហារគឺជាផ្នែកមួយយ៉ាងសំខាន់ជួយបង្កើនដល់សមត្ថភាពផ្តល់កំណើតចំពោះបុរស-ស្ត្រីដែលចង់បានកូន ។ ក្រុមអ្នកជំនាញបាននិយាយថា មានអាហារមួយចំនួនដែលសម្បូរដោយសារធាតុចិញ្ចឹមអាចជួយបង្កើនឱកាសមានផ្ទៃពោះ ។ អាហារទាំងនោះមានដូចជា ៖
១-សាច់គ្មានខ្លាញ់ ៖ បណ្តាសាច់មាន់ សាច់ទា និងសាច់ជ្រូកគ្មានខ្លាញ់ផ្ទុកទៅដោយរ៉ែ ស័ង្កសី ដែក និងប្រូតេអុីនដែលមានសារសំខាន់ចំពោះរាងកាយស្ត្រី ។ ចូរទទួលទានសាច់ទាំងនេះក្នុងកម្រិតមួយសមរម្យ ។
២-គ្រាប់ផ្លែអាល់ម៉ុន ៖ ក្រៅពីមានរសជាតិឈ្ងុយមិនចាញ់គ្រាប់ស្វាយចន្ទី គ្រាប់អាល់ម៉ុនផ្ទុកទៅដោយវីតាមីន E ។ វាជួយការពារមេ ជីវិតឈ្មោលនិង DNA ពង ក៏ដូចជាជួយដល់សុខភាពមេជីវិតឈ្មោលផងដែរ ។ គ្រាប់អាល់ម៉ុនបច្ចុប្បន្នបានក្លាយទៅជាអាហារសម្រន់ផ្តល់អត្ថប្រយោជន៍ចំពោះសុខភាពសម្រាប់ស្ត្រីដែលមានគម្រោងយកកូន ។
៣-ងាវ ៖ បើទោះបីងាវជារឿយៗត្រូវបានគេចាត់ទុកថាជាថ្នាំសម្រើបតណ្ហា តែវាក៏ជាអាហារដែលផ្តល់អត្ថប្រយោជន៍ចំពោះអ្នកដែលចង់បានកូនផងដែរ ។ វាផ្ទុកទៅដោយរ៉ែ ស័ង្កសី វីតាមីន B12& វីតាមីន D ។ សម្រាប់ស្ត្រី វីតាមីន D សំខាន់ពីព្រោះវាអាចជួយសម្រួលដល់គ្លុយកូស ជួយឱ្យស្បូនរឹងមាំ ងាយស្រួលឆ្លងទន្លេ ។ ចំពោះរ៉ែស័ង្កសីផ្តល់អត្ថប្រយោជន៍ចំពោះបុរសដោយវាជួយធ្វើឱ្យល្អប្រសើរដល់គុណភាពទឹកកាម ។
៤-បណ្តាបន្លែស្លឹកពណ៌បៃតង ៖ បន្លែទាំងនេះសម្បូរទៅដោយសារធាតុចិញ្ចឹមមួយចំនួនដែលផ្តល់ផលល្អចំពោះសុខភាព ។ វីតាមីន A មានគុណប្រយោជន៍ជួយ Ovarian follicles អភិវឌ្ឍខ្លួន និងកែលំអគុណភាពវត្ថុរាវមាត់ស្បូន។
៥-ចេកទុំ ៖ ផ្លែចេកទុំជំនួយដល់ការរំលាយអាហារ កាត់បន្ថយការហើម ជួយឱ្យបណ្តាអ័រម៉ូនបំពេញមុខងាររបស់ខ្លួនបានទៀងទាត់និងត្រឹមត្រូវ ព្រមទាំងជួយលើកកម្លាំងចិត្តផងដែរ ។ វត្តមានដ៏លើសលប់នៃវីតាមីន B6 បានប្រែក្លាយចេកទុំជាផ្លែឈើដ៏មានគុណតម្លៃចំពោះសុខភាព ជាពិសេសសម្រាប់បណ្តាស្ត្រីនិងបុរសដែលចង់បានកូន ។
៦-ត្រីសូម៉ុងនិងគ្រាប់ធញ្ញជាតិ ៖ ដោយសារសម្បូរដោយអាស៊ីតខ្លាញ់និងរ៉ែសេលីញ៉ូមនាំឱ្យសូម៉ុងក្លាយជាអាហារមានប្រយោជន៍ចំពោះសមត្ថភាពផ្តល់កំណើត ។ ចំណែកឯគ្រាប់ធញ្ញជាតិមានដូចជា ស្រូវសាឡី ស្រូវអូក… ត្រូវបានគេស្គាល់ថាជាអាហារជំរុញដល់សមត្ថភាពផ្តល់កំណើត ។
ស្ត្រីមានគម្រោងយកកូនឬរក្សាកម្រិតស្ករក្នុងឈាមឱ្យបានថេរ ដ្បិតកម្រិតអាំងស៊ុយលីនខ្ពស់អាចរំខានដល់អ័រម៉ូនបន្តពូជ ។ ការទទួលទានគ្រាប់ធញ្ញជាតិដូចបានរៀបរាប់ខាងលើនឹងជួយរក្សាអាំងស៊ុយលីនក៏ដូចជា កម្រិតស្ករក្នុងឈាមនៅថេរ(មិនឡើងឬចុះ) ៕
ចែករំលែកព័តមាននេះ