ជំហានដំបូងឆ្ពោះទៅរកភាពជោគជ័យនៃកំណែទម្រង់ គឺត្រូវទទួលស្គាល់បញ្ហា
តើរាជរដ្ឋាភិបាលកម្ពុជានឹងជោគជ័យខ្លាំងចំពោះកំណែទម្រង់ ដើម្បីបម្រើផលប្រយោជន៍ប្រជាជនដែរឬទេ?
តើរាជរដ្ឋាភិបាលកម្ពុជានឹងជោគជ័យខ្លាំងចំពោះកំណែទម្រង់ ដើម្បីបម្រើផលប្រយោជន៍ប្រជាជនដែរឬទេ?
តើរាជរដ្ឋាភិបាលកម្ពុជានឹងជោគជ័យខ្លាំងចំពោះកំណែទម្រង់ ដើម្បីបម្រើផលប្រយោជន៍ប្រជាជនដែរឬទេ?
រហូតមកទល់ពេលនេះ កំណែទម្រង់បានចេញលទ្ធផលមួយចំនួន ដែលផ្តល់ប្រយោជន៍ដល់ប្រជាជន និងមន្ត្រីតូចតាច ដូចជាការដំឡើងប្រាក់ខែ និងការបើកប្រាក់ខែទៀងទាត់ ព្រមទាំងសេវាកម្មមួយចំនួន ក៏បានកែប្រែដែរ ។
ប៉ុន្តែទោះបីជាយ៉ាងណាក៏ដោយចុះ សំណួរនៅតែមានថា តើជោគជ័យនៃកំណែទម្រង់រហូតមកទល់ពេលនេះ នឹងអាចគ្រប់គ្រាន់ដើម្បីដណ្តើមការគាំទ្រពីអ្នកបោះឆ្នោតដែរឬទេ?
ដើម្បីកំណែទម្រង់បានជោគជ័យកាន់តែខ្លាំង វាចាំបាច់ណាស់ដែលគេត្រូវទទួលស្គាល់បញ្ហាទាំងអស់ និងភាពធ្ងន់ធ្ងររបស់វា ដែលនាំដល់ការមិនសប្បាយចិត្តរបស់ប្រជាជនពិសេសអ្នកក្រីក្រ ។ បញ្ហាប្រាក់ខែទាប បញ្ហាការចំណាយខ្ពស់នៅក្នុងជីវភាពរស់នៅ បញ្ហាដីធ្លី បញ្ហាពុករលួយ បញ្ហាសេវាកម្មសាធារណ:មិនសូវមានប្រសិទ្ធភាព ត្រូវបានគេយល់ថា ធ្វើឱ្យកំណើនសេដ្ឋកិច្ចប្រទេសកម្ពុជា ដែលមានជាមធ្យម៧ភាគរយ ក្នុងមួយឆ្នាំបានផ្តល់ផលតែមនុស្សមួយចំនួនតូចប៉ុណ្ណោះ ។
រដ្ឋាភិបាលត្រូវតែជោគជ័យខ្លាំង នៅក្នុងការដោះស្រាយបញ្ហាទាំងនេះ ដើម្បីអាចទាក់ទាញការគាំទ្ររបស់ប្រជាជនកម្ពុជា ។ ដូច្នេះ វានឹងតម្រូវអោយមានផែនការយុទ្ធសាស្ត្រលម្អិត និងការអនុវត្តជាក់ស្តែង ប្រកបដោយប្រសិទ្ធភាព ចំពោះបញ្ហាទាំងអស់នេះ ដើម្បីជាប្រយោជន៍ ដល់មនុស្សទាំងអស់ ។ នៅពេលដែលមានគោលដៅ និងពេលវេលាច្បាស់លាស់នៃការដោះស្រាយបញ្ហាទាំងអស់នេះហើយ ប្រជាជននឹងចាប់ផ្តើមមានការទុកចិត្តមកលើរដ្ឋាភិបាល និងគណបក្សកាន់អំណាច ។ ប៉ុន្តែបើសិនជាការដោះស្រាយបញ្ហាទាំងអស់នេះ បានទទួលផលតិចតួចវិញនោះ វាប្រហែលជានឹងធ្វើឱ្យមានការពិបាក នៅក្នុងការទាក់ទាញការគាំទ្រពីប្រជាជនកម្ពុជា ។
នៅក្នុងន័យនេះ វាមានសារសំខាន់ណាស់ ដែលរដ្ឋាភិបាលត្រូវទទួលស្គាល់រាល់បញ្ហាទាំងអស់ ដែលកើតមានហើយ បន្ទាប់មកដោះស្រាយបញ្ហាទាំងអស់នោះឱ្យអស់លទ្ធភាព ដើម្បីបានលទ្ធផលមួយ ដែលមានការពេញចិត្តពីប្រជាជន ៕
ចែករំលែកព័តមាននេះ