សម្តេចតេជោ ហ៊ុន សែន ត្រូវនគរបាលស្រុកស្រែអំបិលផាកពិន័យ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវនគរបាលស្រុកស្រែអំបិល ខេត្តកោះកុង ផាកពិន័យតាមច្បាប់ស្តីពីចរាចរណ៍ផ្លូវគោក ។
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវនគរបាលស្រុកស្រែអំបិល ខេត្តកោះកុង ផាកពិន័យតាមច្បាប់ស្តីពីចរាចរណ៍ផ្លូវគោក ។
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវនគរបាលស្រុកស្រែអំបិល ខេត្តកោះកុង ផាកពិន័យតាមច្បាប់ស្តីពីចរាចរណ៍ផ្លូវគោក ។ នេះបើយោងតាមហ្វេសប៊ុកផ្លូវការរបស់សម្តេចតេជោ បានសរសេរបង្ហោះកាលពីប៉ុន្មាននាទីមុននេះ ។
សម្តេចតេជោ ហ៊ុន សែន បានសរសេរបង្ហោះក្នុងហ្វេសប៊ុកផ្លូវការរបស់សម្តេចថា «ខ្ញុំបានដឹងជាមុនហើយថា បើទោះបីខ្ញុំសុំអភ័យទោសជាសាធារណៈហើយក៏ដោយ ក៏នគរបាលនៅតែផាកពិន័យខ្ញុំដដែល ព្រោះខ្ញុំបានសាងនូវកំហុសរួចស្រេចទៅហើយ ។ ម្យ៉ាងទៀត អភ័យឯកសិទ្ធិសភាដែលចែងក្នុងរដ្ឋធម្មនុញ្ញ និងច្បាប់ផ្សេងទៀតគ្មានមាត្រាណាមួយផ្តល់សិទ្ធិឱ្យសមាជិកសភា ឬនាយករដ្ឋមន្ត្រី រួចផុតពីការផាកពិន័យដោយនគរបាលចរាចរណ៍នោះដែរ នៅពេលដែលយើងបំពានច្បាប់ទាំងមិនពាក់មួកសុវត្ថិភាព និងទាំងទោចក្រយានយន្តគ្មានស្លាកលេខ» ។
នៅក្នុងហ្វេសប៊ុករបស់សម្តេចតេជោបានសរសេរទៀតថា «ខ្ញុំទទួលបង់ពិន័យសំរាប់ខ្លួនឯងផង និងសំរាប់ប្អូនម្ចាស់ម៉ូតូផង បើទោះបីជាម៉ូតូអត់ស្លាកលេខជាកំហុសរបស់ម្ចាស់ម៉ូតូក៏ដោយ ដើម្បីសម្រាលនូវការលំបាករបស់គាត់ និងទុកលទ្ធភាពឱ្យគាត់ទៅធ្វើផ្លាកលេខ» ។
ជាចុងបញ្ចប់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសរសេរបង្ហោះនៅក្នុងហ្វេសប៊ុករបស់សម្តេចថា «ខ្ញុំសូមកោតសរសើរដល់នគរបាលស្រុកស្រែអំបិលខេត្តកោះកុង ដែលអនុវត្តន៍ច្បាប់ដោយគ្មានការរើសអើង និងមិនខ្លាចអំណាចអ្នកធំរាប់ទាំងនាយករដ្ឋមន្ត្រីផង ។ ខ្ញុំសូមអំពាវនាវដល់អ្នកគាំទ្រខ្ញុំទាំងអស់កុំថ្នាំងថ្នាក់ជាមួយនគរបាលដែលផាកពិន័យខ្ញុំតែផ្ទុយទៅវិញត្រូវលើកទឹកចិត្ត និងយកធ្វើជាគំរូនៃការអនុវត្តន៌ច្បាប់» ៕
ចែករំលែកព័តមាននេះ