គោយន្តកន្ត្រៃចតចោលលើទ្រូងផ្លូវ ស្ត្រីម្នាក់ជិះម៉ូតូមកបុកពីក្រោយពេញទំហឹង
- បន្ទាយមានជ័យ
ស្ត្រីចំណាស់វ័យ៦៧ឆ្នាំម្នាក់ ជួបគ្រោះថ្នាក់ចរាចរណ៍ ដោយជិះម៉ូតូបុកគូថជាមួយរ៉ឺម៉ក់គោយន្តកន្ត្រៃ ដែលចតចោល បណ្តាលឲ្យ
ស្ត្រីចំណាស់វ័យ៦៧ឆ្នាំម្នាក់ ជួបគ្រោះថ្នាក់ចរាចរណ៍ ដោយជិះម៉ូតូបុកគូថជាមួយរ៉ឺម៉ក់គោយន្តកន្ត្រៃ ដែលចតចោល បណ្តាលឲ្យ
ខេត្តបន្ទាយមានជ័យ ៖ ស្ត្រីចំណាស់វ័យ៦៧ឆ្នាំម្នាក់ ជួបគ្រោះថ្នាក់ចរាចរណ៍ ដោយជិះម៉ូតូបុកគូថជាមួយរ៉ឺម៉ក់គោយន្តកន្ត្រៃ ដែលចតចោល បណ្តាលឲ្យរងរបួសធ្ងន់ បាក់ជើងម្ខាង និងក្បាល។ ហេតុការណ៍នេះ បានកើតឡើងកាលពីម៉ោងជាង៥ល្ងាច ថ្ងៃទី៥ ខែមករា ឆ្នាំ២០២២ នៅលើដងផ្លូវជាតិលេខ៥៨ ស្ថិតក្នុងភូមិថ្មរមៀលលិច ឃុំបន្ទាយឆ្មារ ស្រុកថ្មពួក។
ជនរងគ្រោះក្នុងហេតុការណ៍ខាងលើនេះមានឈ្មោះ ឆេង បុប្ផា មានទីលំនៅក្នុងភូមិ-ឃុំកើតហេតុខាងលើ។
បើតាមប្រភពព័ត៌មានបានឱ្យដឹងថាថា មុនកើតហេតុ ជនរងគ្រោះបានបើកបរម៉ូតូម៉ាកសង់សេ១២៥ ពណ៌ខ្មៅ ស៊េរីឆ្នាំ២០០៩ ពីទិសខាងលិចទៅទិសខាងកើត លុះមកដល់ចំណុចកើតហេតុ មិនដឹងជាយ៉ាងម៉េច ស្រាប់តែទៅបុកគូថរ៉ឺម៉ក់គោយន្តកន្ត្រៃ ដែលចតទុកចោលលើទ្រូងផ្លូវ បណ្តាលឲ្យរងរបួសធ្ងន់តែម្តង។
ប្រភពដដែលបន្តថា នៅចំណុចកើតហេតុនោះ គេឃើញមានគោយន្តកន្ត្រៃបានចតជា២ជួរដែលរ៉ឺម៉កគោយន្តកន្ត្រៃជាប់ពាក់ព័ន្ធនឹងគ្រោះថ្នាក់ខាងលើនេះ មិនត្រឹមតែមិនបានចតតាមចិញ្ចើមផ្លូវទេ ថែមទាំងចតនៅលើទ្រូងផ្លូវឈានចូលដល់ខាងផ្លូវរថយន្តទៀតផង។
ក្រោយពេលកើតហេតុ កម្លាំងនគរបាលព្រំដែនគោកលេខ៨០៧ ប៉ុស្តិ៍ក្រឡចាស់ ដែលនៅជិតនោះ បានចុះដល់កន្លែងកើតហេតុ ជួយអន្តរាគមន៍ហៅរថយន្តសង្គ្រោះដឹកជនរងគ្រោះទៅកាន់មន្ទីរពេទ្យភ្លាមៗ និងយកវត្ថុតាងពាក់ព័ន្ធម៉ូតូ និងរ៉ឺម៉ក់គោយន្តកន្ត្រៃ ទៅរក្សាទុកនៅប៉ុស្តិ៍ដើម្បីប្រគល់ឲ្យជំនាញចាត់ចែងបន្ត។
បើតាមនគរបាលព្រំដែនគោកប៉ុស្តិ័ក្រឡចាស់ បានប្រាប់ថា ភាគីរ៉ឺម៉ក់គោយន្តកន្ត្រៃ ពាក់ព័ន្ធនេះ គឺជាអ្នករស់នៅក្នុងឃុំ និងស្រុកបន្ទាយអំពិល ខេត្តឧត្តរមានជ័យ ហើយថា ម្ចាស់គោយន្តនេះបានចតចោល ហើយរវល់តែនាំគ្នាទៅផឹកស្រានៅតូបអ្នកលក់ចាប់ហួយជិតនោះ។
ប្រភពដដែលបន្តថា ក្រោយកើតហេតុ គឺមានបុរសម្នាក់ស្លៀកពាក់ស៊ីវិល ដោយសង្ស័យស្រវឹងស្រាផងនោះ បានចុះពីរថយន្ត១គ្រឿងមិនស្គាល់ ម៉ាកពាក់ស្លាកលេខខេមរភូមិន្ទ មកនិយាយវែកញែកទំនងជាចង់ជួយអន្តរាគមន៍ ដោយថារ៉ឺម៉ក់គោយន្តកន្ត្រៃខាងលើមិនបានខុស ដោយធ្វើដូចខ្លួនជាសមត្ថកិច្ចជំនាញអ៊ីចឹង។
តាមប្រពពីមន្ត្រីជំនាញម្នាក់សុំមិនបញ្ចេញឈ្មោះប្រាប់កោះសន្តិភាពថា បើតាមមាត្រាលេខ៨៣ នៃច្បាប់ចរាចរណ៍ផ្លូវគោក ទ្រូងផ្លូវ គឺសម្រាប់មធ្យោបាយយានយន្តធ្វើដំណើរ បើចតដោយសារយានយន្តខូច គឺត្រូវដាក់សញ្ញាណាមួយពីចម្ងាយដើម្បីជាដំណឹង តែបើចតយានយន្តលើទ្រូងផ្លូវគ្មានសញ្ញាចរាចរណ៍ និងបង្កឲ្យមានរបួសដល់អ្នកដទៃ នឹងជាប់បណ្តឹងរដ្ឋបវេណ្ណី ហើយបើអ្នករងគ្រោះអសមត្ថភាពធ្វើការងារ ឬសម្រាកព្យាបាលលើសពី៨ថ្ងៃនោះ នឹងជាប់បណ្តឹងអាជ្ញា អាចទទួលនៅការផាកពិន័យ ឬទទួលទោសទណ្ឌតាមផ្លូវច្បាប់ទៀតផង៕
ចែករំលែកព័តមាននេះ