អាជ្ញាធរ និងគ្រួសារសប្បុរសជនរួមគ្នាចែកអំណោយដល់ពលរដ្ឋក្រីក្រ
- បន្ទាយមានជ័យ
ពលរដ្ឋក្រីក្រចំនួន៥០គ្រួសារ នៅក្នុងភូមិថ្មី ឃុំអូរស្រឡៅ ស្រុកម៉ាឡៃ បានទទួលអំណោយពីអាជ្ញាធរស្រុកម៉ាឡៃ និង
ខេត្តបន្ទាយមានជ័យ ៖ ពលរដ្ឋក្រីក្រចំនួន៥០គ្រួសារ នៅក្នុងភូមិថ្មី ឃុំអូរស្រឡៅ ស្រុកម៉ាឡៃ បានទទួលអំណោយពីអាជ្ញាធរស្រុកម៉ាឡៃ និងគ្រួសារសប្បុរសមួយជាអគ្គនាយកក្រុមហ៊ុន រដ្ឋារីវើកត្រេឌីង(ឯក) នៅព្រឹកថ្ងៃទី៧ ខែមករា ឆ្នាំ២០២២។
ពិធីចែកអំណោយដល់គ្រួសារក្រីក្រនេះ គេឃើញដឹកនាំដោយលោក ស្វាយ ជា អភិបាលនៃគណៈអភិបាលស្រុកម៉ាឡៃ, អាជ្ញាធរឃុំ និងភូមិ ជាពិសេសគ្រួសារសប្បុរស គឺលោក ស្រេង រដ្ឋាជាអគ្គនាយកក្រុមហ៊ុន និងភរិយា។ ហើយក្នុង១គ្រួសារៗទទួលបានអង្ករ១០គីឡូក្រាម, ទឹកសុទ្ធ១យួរ, សារ៉ុង១ និងថវិកាចំនួន២ម៉ឺនរៀលផងដែរ។
បើតាមលោក ប៉ុក គីមជំទប់ទី២ ឃុំអូរស្រឡៅ បានប្រាប់កោះសន្តិភាពថា គ្រួសារសប្បុរសមួយនេះ មិនត្រឹមតែបានចំណាយថវិការួមចំណែកកាត់បន្ថយភាពក្រីក្រដល់ពលរដ្ឋក្នុងមូលដ្ឋានប៉ុណ្ណោះទេ គឺគ្រួសារមួយនេះ កន្លងទៅថ្មីៗថែមទាំងបានជួយអភិវឌ្ឍន៍ផ្លូវក្នុងភូមិកើតហេតុ ១ខ្សែ ដោយចាក់ថ្មមិចប្រវែងជាង២០០ម៉ែត្រ ដែលពីមុនអ្នកភូមិតែងតែជួបការលំបាកក្នុងការធ្វើដំណើរឡើងមកផ្លូវជាតិទៀតផង។
លោក ស្វាយ ជា អភិបាលនៃគណៈអភិបាលស្រុកម៉ាឡៃ បានថ្លែងអំណរគុណដល់គ្រួសារសប្បុរសជនខាងលើ ដែលបានចំណាយថវិកាផ្ទាល់ខ្លួនរួមចំណែកជាមួយអាជ្ញាធរជួយជាអំណោយ និងផ្លូវ១ខ្សែសម្រួលដល់ការលំបាក ក៏ដូចជាកាត់បន្ថយភាពក្រីក្ររបស់រាជរដ្ឋាភិបាលដល់ប្រជាពលរដ្ឋនៅក្នុងមូលដ្ឋានរបស់លោក៕
ចែករំលែកព័តមាននេះ