តុលាការសម្រេចហើយ ករណីចោរលួចយ៉ាងសកម្មម្នាក់
- កណ្តាល
លោក អឿង វណ្ណា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួនជនសង្ស័យជាមុខសញ្ញាលួច និងធ្លាប់ជាប់ពន្ធនាគារនោះ ត្រូវបានដាក់
លោក អឿង វណ្ណា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួនជនសង្ស័យជាមុខសញ្ញាលួច និងធ្លាប់ជាប់ពន្ធនាគារនោះ ត្រូវបានដាក់
ខេត្តកណ្តាល ៖ លោក អឿង វណ្ណា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួនជនសង្ស័យជាមុខសញ្ញាលួច និងធ្លាប់ជាប់ពន្ធនាគារនោះ ត្រូវបានដាក់ពន្ធនាគារបណ្តោះអាសន្ន ពីបទ «លួច» តាមមាត្រា៣៥៣ , ៣៥៦ នៃក្រមព្រហ្មទណ្ឌ ។ ដែលប្រព្រឹត្តនៅថ្ងៃទី០៥ ខែមករា ឆ្នាំ២០២២ វេលាម៉ោង១១និង៣០នាទី នៅចំណុចផ្ទះទុកចោលភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល។
ជនត្រូវចោទខាងលើឈ្មោះ កែវ យ៉ត ហៅម៉ៅ ភេទប្រុស អាយុ៣៥ឆ្នាំ ជនជាតិខ្មែរ ស្នាក់នៅម្តុំវាលខ្សាច់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរជាអ្នករើសអេតចាយ ។ ហើយជនសង្ស័យរូបនេះ ក៏ធ្លាប់ជាប់ពន្ធនាគារចំនួន១ឆ្នាំផងដែរ ពាក់ព័ន្ធនឹងករណីប៉ុនប៉ងលួច ។
បើតាមសមត្ថកិច្ចបានប្រាប់អោយដឹងថា កាលពីវេលាកើតហេតុខាងលើ ជនសង្ស័យបានដើរចូលទៅក្នុងដីឡូតិ៍ទំនេរ ដែលមានផ្ទះទុកចោលគ្មានមនុស្សនៅ បន្ទាប់មកបានលួចគាស់បានដែកចម្រឹងទ្វារ និងសន្លឹកទា្វរបាន៣ផ្ទាំង និងកំទេចដែកមួយចំនួនទៀត ហើយបានលីចេញមកក្រៅ ក៏បានជួបជាមួយនឹងកម្លាំងប៉ុស្តិ៍តាខ្មៅ ដែលកំពុងល្បាត ក៏បានហៅសាកសួរ រួចបញ្ជូនមកកាន់អធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធីតែម្តង ។
ហើយនៅចំពោះមុខសមត្ថកិច្ច ជនសង្ស័យក៏បានឆ្លើយថា ខ្លូនគាត់ពិតជាបានចូលទៅលួចដែកទ្វារនៅផ្ទះទុកចោលគ្មានមនុស្សនៅខាងលើនេះពិតប្រាកដមែន ដើម្បីយកទៅលក់អោយអេតចាយ ហើយយកលុយទិញបាយហូប ព្រោះអត់បាយ៣ថ្ងៃមកហើយ ។
ចែករំលែកព័តមាននេះ