រដ្ឋអំណាចមួយសំណុំជាប់ចោទប្លន់ដីរាស្ត្រ កសិករ5គ្រួសារតវ៉ា
ខេត្តកំពង់ឆ្នាំង ៖ ប្រជាពលរដ្ឋក្រីក្រ៥គ្រួសាររស់នៅភូមិផ្សារត្រាច ឃុំលង្វែក ស្រុកកំពង់ត្រឡាច អះអាងថា ពួកគាត់បានក្លាយជា
ជនរងគ្រោះដោយសារមន្ត្រីមានអំណាច
ខេត្តកំពង់ឆ្នាំង ៖ ប្រជាពលរដ្ឋក្រីក្រ៥គ្រួសាររស់នៅភូមិផ្សារត្រាច ឃុំលង្វែក ស្រុកកំពង់ត្រឡាច អះអាងថា ពួកគាត់បានក្លាយជា
ជនរងគ្រោះដោយសារមន្ត្រីមានអំណាច
ខេត្តកំពង់ឆ្នាំង ៖ ប្រជាពលរដ្ឋក្រីក្រ៥គ្រួសាររស់នៅភូមិផ្សារត្រាច ឃុំលង្វែក ស្រុកកំពង់ត្រឡាច អះអាងថា ពួកគាត់បានក្លាយជា
ជនរងគ្រោះដោយសារមន្ត្រីមានអំណាចមួយក្រុមលួចធ្វើប័ណ្ណកម្មសិទ្ធ៥ប្លង់ ប្លន់យកដីលំនៅឋានរបស់ពួកគាត់ ដែលបានកាន់កាប់ជាង២០ឆ្នាំមកហើយ ។ ពួកគាត់អះអាងថា ក្រុមមន្ត្រីទាំងនោះ បានប្តឹងទាមទារយកដីពីពួកគាត់នៅតុលាការជាង១១ឆ្នាំហើយ ធ្វើឱ្យពួកគាត់ដែលជាជនរងគ្រោះ កាន់តែក្រីក្រឡើងៗ ព្រោះតែត្រូវចំណាយលុយឱ្យមេធាវី និងឡើងចុះៗនៅតុលាការមិនចេះចប់សោះ ។
នៅចុងសប្តាហ៍កន្លងទៅនេះ ពួកគាត់ទាំង៥គ្រួសារដែលមានសមាជិកជាង៤០នាក់ បាននាំគ្នាប្រមូលផ្តុំ នៅចំពោះមុខអ្នកសារព័ត៌មាន ដោយស្នើសុំឱ្យសម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត និងលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ មេត្តាជួយអន្តរាគមន៍ដោះស្រាយរឿងនេះជូនពួកគាត់ផង ព្រោះពួកគាត់កំពុងតែក្រីក្រៗទៅ ដោយសារតែរឿងគេរំលោភនេះ ។
ប្រជាពលរដ្ឋទាំងនេះរៀបរាប់ថា ពួកគាត់ទាំង៥គ្រួសារមាន ១-មៀច សឿន(ស្រី) ២-មៀច ស៊ីម(ស្រី) ៣-មៀច នៅ(ប្រុស) ៤-មៀច ចិន(ប្រុស) និង៥-មៀច រស់(ប្រុស)។ ចាប់តាំងពីឆ្នាំ១៩៧៩មក ពួកគាត់បានកាន់កាប់ធ្វើស្រែលើដីជាប់ថ្នល់ជាតិនេះ រហូតមក ។ លុះនៅថ្ងៃទី២៦ ខែមីនា ឆ្នាំ២០០៥ ស្រាប់តែមានត្រាក់ទ័រ១គ្រឿងមកឈូសដីស្រែ ពួកគាត់ក៏នាំគ្នាឃាត់ ហើយសួររកមុខអ្នកដែលឱ្យត្រាក់ទ័រឈូសដីនេះ ។ ខណៈនោះស្រាប់តែលេចមុខមន្ត្រី១ក្រុម ជាអ្នកមានអំណាចលើដីធ្លី ចេញមុខអះអាងថា ដីនេះជាដីពួកគេមានប័ណ្ណកម្មសិទ្ធិស្របច្បាប់ត្រឹមត្រូវ គឺរួមគ្នាលួចធ្វើប្លង់កម្មសិទ្ធិលើដីស្រែពួកគាត់ ។
មន្ត្រីមានអំណាចទាំងនោះគឺ ១-លោក នួន វ៉េត មេឃុំលង្វែក(ប័ណ្ណដីលេខR92823) ២-លោក ម៉ៅ សូត្រ មន្ត្រីកសិកម្មឃុំលង្វែក(ប័ណ្ណដីលេខ R92822) ៣-លោក យិន ពេញ មន្ត្រីភូមិបាលស្រុក ៤-លោក ខ្ចៅ ប៊ុនលី(កូនប្រសាលោក យិន ពេញ) និង៥-លោក កុយ ជ្រន ប្រធានភូមិបាលស្រុកកំពង់ត្រឡាច(ប័ណ្ណដីលេខR928221) ។ ក្រោយពេលឃាត់មិនឱ្យឈូសឆាយដីលើក្បាលស្រែពួកគាត់រួចមក ហើយដោយខ្លាចបាត់បង់ដីដែលបានកាន់តាំងពីឆ្នាំ១៩៧៩មក ពួកគាត់ក៏នាំគ្នាឈូសពង្រាបដីស្រែ និងសាងសង់លំនៅឋានរស់នៅលើដីនេះ តាមបណ្តោយផ្លូវជាតិមានទំហំ១២៥ម៉ែត្រគុណ និង៣៥ម៉ែត្រ រហូតមកដល់សព្វថ្ងៃ ដោយក្នុង១គ្រួសារៗកាន់កាប់ដីទំហំ៣៥ម៉ែត្រគុណនឹង២៥ម៉ែត្រ ។
ក្រោយមក ស្រាប់តែមន្ត្រីមានអំណាច និងបក្សពួកខាងលើនេះ បានប្តឹងពួកគាត់ទៅសាលាដំបូងខេត្តដោយចោទប្រកាន់ថា ពួកគាត់ជាអ្នករំលោភយកដីពួកគេទៅវិញ ។ រឿងនេះបានប្តឹងតទល់គ្នារហូតដល់តុលាការកំពូល ដែលគិតមកដល់ពេលនេះ មានរយៈពេល១១ឆ្នាំហើយមិនទាន់ចប់ទេ ធ្វើឱ្យពួកគាត់កាន់តែក្រទៅៗ។ ហេតុនេះ ទើបពួកគាត់ជួបជុំគ្នាសំពះគោរពស្នើសុំសម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត និងលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ មេត្តាជួយអន្តរាគមន៍ដោះស្រាយរឿងខាងលើនេះជូនពួកគាត់ជាជនក្រីក្រផង ។
តាមឯកសារបំភ្លឺរបស់លោក វ៉េត យន មេឃុំលង្វែក ជូនតំណាងអយ្យការអមសាលាដំបូងខេត្តកំពង់ឆ្នាំង ចុះថ្ងៃទី០២ ខែឧសភា ឆ្នាំ២០០៥ បញ្ជាក់ថា ប្រជាពលរដ្ឋខាងលើពិតជាបានកាន់កាប់ធ្វើស្រែតាំងពីឆ្នាំ១៩៧៩ ប្រាកដមែន ។ ចុះហេតុអ្វីពួកគាត់រស់នៅក្នុងភូមិសុំធ្វើប័ណ្ណកម្មសិទ្ធិមិនបាន តែបែរជាមន្ត្រីខាងលើដែលរស់នៅក្នុងភូមិផ្សេង ឃុំផ្សេងសោះ ធ្វើប័ណ្ណកម្មសិទ្ធិលើដីដែលពួកគាត់កាន់កាប់បានទៅវិញ មិនខុសលួចធ្វើប័ណ្ណលើដីដែលគេកាន់កាប់ ។
ជុំវិញបញ្ហានេះ លោក កុយ ជ្រន អតីតប្រធានភូមិបាលស្រុកកំពង់ត្រឡាច និងជាអ្នកមានឈ្មោះប្តឹងទាមទារដីពីប្រជាពលរដ្ឋទាំង៥គ្រួសារដែរ ដែលបច្ចុប្បន្នបានចូលនិវត្តន៍៤ឆ្នាំហើយ មិនអាចសុំការបំភ្លឺបានទេ ព្រោះទូរស័ព្ទមិនចូល និងម្យ៉ាងគាត់មានជំងឺទើបវះកាត់ហើយបាន៣ថ្ងៃប៉ុណ្ណោះ ។ ប៉ុន្តែលោក ហ៊ុន ច័ន្ទថូ អតីតអភិបាលស្រុកកំពង់ត្រឡាចជំនាន់នោះ និងបច្ចុប្បន្នជាប្រធានក្រុមប្រឹក្សាស្រុកកំពង់ត្រឡាច និយាយថា កាលដើមឡើយជាដីរបស់យាយសយ តា.ស ដីឪពុកម្តាយអ្នកខាងលើ ក្រោយមកគាត់ចែកឱ្យកូនៗទាំង៥នាក់ ។
ចំណែកការប្តឹងយកដីនោះ គឺប្តឹងយកដីពីយាយសយ តា.ស តែដល់គាត់ស្លាប់អស់ទៅតដល់កូន ។ កាលនោះគ្រួសារខាងលើ ពិតជាបានធ្វើស្រែកន្លែងនោះមែន ហើយក្រោយមកក៏មានលោកមេភូមិ លោកមេឃុំ និងមន្ត្រីសុរិយោដីទៅធ្វើប្លង់យកដីហ្នឹងអស់ទៅ ។ ហេតុនេះហើយប្រជាពលរដ្ឋដែលធ្លាប់កាន់កាប់ធ្វើស្រែនៅទីនោះធ្វើម៉េចគាត់ព្រម ។ ឥឡូវពួកគាត់ទាំង៥គ្រួសារ ធ្វើផ្ទះនៅលើដីនោះ ចំណែកសំណុំរឿងកំពុងស្ថិតក្នុងដៃតុលាការនៅឡើយ ។
ក្រុមអ្នកវិភាគយល់ឃើញថា មន្ត្រីមានអំណាចដែលជាប់ចោទសុទ្ធតែអាជ្ញាធរ មានមេឃុំ មេភូមិ មន្ត្រីកសិកម្ម មន្ត្រីភូមិបាល គឺគ្រប់មែកគ្រប់ធាង គ្រប់គ្រាន់អាចធ្វើប្លង់លួចយកដីគេបានយ៉ាងត្រឹមត្រូវ ដែលតុលាការងាយស្រួលណាស់ កាត់ឱ្យជនសង្ស័យជាចោរឈ្នះក្តី ៕
ចែករំលែកព័តមាននេះ