ខេត្តកណ្តាល ៖ ជនសង្ស័យម្នាក់ត្រូវបានសមត្ថកិច្ចប៉ុស្តិ៍កំពង់សំណាញ់ និងប្រជាការពារធ្វើការឃាត់ខ្លួន បន្ទាប់ពីធ្វើសកម្មភាពយកដបសាំងទៅដុតលើប្អូនថ្លៃរបស់ខ្លួន ដោយសារកំហឹងខឹងប្អូនថ្លៃមិនឲ្យតម្លៃខ្លួន ។ ហេតុការណ៌នេះ បានកើតឡើង នៅថ្ងៃទី០៥…
ខេត្តកណ្តាល ៖ ជនសង្ស័យម្នាក់ត្រូវបានសមត្ថកិច្ចប៉ុស្តិ៍កំពង់សំណាញ់ និងប្រជាការពារធ្វើការឃាត់ខ្លួន បន្ទាប់ពីធ្វើសកម្មភាពយកដបសាំងទៅដុតលើប្អូនថ្លៃរបស់ខ្លួន ដោយសារកំហឹងខឹងប្អូនថ្លៃមិនឲ្យតម្លៃខ្លួន ។
ហេតុការណ៌នេះ បានកើតឡើង នៅថ្ងៃទី០៥ ខែមករា ឆ្នាំ២០២២ វេលាម៉ោង២០និង២០នាទី ចំណុចមុខផ្ទះ ជនរងគ្រោះ ភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
នគរបាលបានប្រាប់អោយដឹងថា ជនរងគ្រោះឈ្មោះធី សំអូន ភេទប្រុស អាយុ៣៣ឆ្នាំ មានទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរជាងឈើ ។
ជនសង្ស័យឈ្មោះ ស្រេង ឃុន ភេទប្រុស អាយុ៣៤ឆ្នាំ មានទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរកម្មករ ។
នគរបាលបានបញ្ជាក់ថា នៅវេលាកើតហេតុខាងលើ ពេលដែលជនរងគ្រោះ និងក្រុមគ្រួសារ ព្រមទាំងបងប្អូនកំពុងតែឈរនិយាយគ្នាលេងនៅមុខផ្ទះ ពេលនោះស្រាប់តែជនសង្ស័យដែលត្រូវជាពូសាច់ថ្លៃ ដែលនៅផ្ទះជិតគ្នាបានដើរមកដោយមានកាន់ដបសាំងនៅនឹងដៃផង បាននិយាយថា ជនរងគ្រោះ និងបងប្អូនមិនដែលអោយតម្លៃខ្លួនទេ និងបាននិយាយគំរាមរកដុតសម្លា.ប់ជនរងគ្រោះ និងក្រុមគ្រួសារទៀតផង ទើបបណ្តាលអោយមានការឈ្លោះប្រកែកគ្នារហូតដល់ជនសង្ស័យយកដបសាំងដែលកាន់នៅដៃចាក់ជះទៅលើខ្លួនជនរងគ្រោះរួចយកដែកកេះដុត បណ្តាលអោយឆាបឆេះរលាកខ្លួនជនរងគ្រោះមួយចំហៀងខ្លួនខាងឆ្វេង និងខ្ទាតសាំងចំត្របកភ្នែកកូនតូចរបស់ជនរងគ្រោះផងដែរ ។
ភ្លាមនោះមេភូមិ និងប្រជាការពារបានឃាត់ខ្លួនជនសង្ស័យប្រគល់ជូននគរបាលប៉ុស្តិ៍កំពង់សំណាញ់ធ្វើការសាកសួរនៅប៉ុស្តិ៍ រួចបញ្ជូនបន្តមកកាន់អធិការដ្ឋាននគបាលក្រុងតាខ្មៅ ដើម្បីកសាងសំណុំរឿងតាមនីតិវិធីច្បាប់ ៕
ចែករំលែកព័តមាននេះ