សម រង្ស៊ី ប្រកាសថាឆ្លងកូវីដ-១៩ ទោះចាក់វ៉ាក់សាំងបា ៣ដូសក្តី
រាជធានីភ្នំពេញ ៖ នៅមុននេះបន្តិច លោក សម រង្ស៊ី អ្នកនយោបាយចាស់វស្សានៃអតីតគណបក្សប្រឆាំងបានប្រកាសថា លោកបានឆ្លងកូវីដ-១៩ ទោះជាបានទទួលវ៉ាក់សាំង ៣ម្ជុល…
រាជធានីភ្នំពេញ ៖ នៅមុននេះបន្តិច លោក សម រង្ស៊ី អ្នកនយោបាយចាស់វស្សានៃអតីតគណបក្សប្រឆាំងបានប្រកាសថា លោកបានឆ្លងកូវីដ-១៩ ទោះជាបានទទួលវ៉ាក់សាំង ៣ម្ជុល…
រាជធានីភ្នំពេញ ៖ នៅមុននេះបន្តិច លោក សម រង្ស៊ី អ្នកនយោបាយចាស់វស្សានៃអតីតគណបក្សប្រឆាំងបានប្រកាសថា លោកបានឆ្លងកូវីដ-១៩ ទោះជាបានទទួលវ៉ាក់សាំង ៣ម្ជុល (AstraZeneca ពីរម្ជុល និង Pfizer មួយម្ជុល) ក្នុងឆ្នាំ២០២១ ។ នេះបើតាមការប្រកាសរបស់អតីតមេបក្សប្រឆាំងលើហ្វេសប៊ុករបស់លោក នារាត្រីថ្ងៃទី ៤ ខែមករា ឆ្នាំ ២០០២២ ។
យ៉ាងណាក៏ដោយ លោក សម រង្ស៊ី បានធ្វើតេស្ត ហើយទទួលបានលទ្ធផលវិជ្ជមាន (មានផ្ទុកមេរោគកូរ៉ូណាវីរុស) កាលពីថ្ងៃ ៣០ ធ្នូ ២០២១ ។ លោក សម រង្ស៊ី ពេលនោះ មានរោគសញ្ញាតិចតួច គ្រាន់តែក្អក និងឈឺបំពង់កបន្តិច រយៈពេល ២-៣ ថ្ងៃ ។ មកដល់ថ្ងៃ ០៤ មករា ២០២២ តេស្តមួយទៀត បង្ហាញលទ្ធផល អវិជ្ជមាន (អស់មានផ្ទុកមេរោគទៀតទេ) ។
នៅថ្ងៃ០៥ មករា ២០២២នេះ តេស្តមួយទៀត បង្ហាញលទ្ធផលអវិជ្ជមានដដែល មានន័យថា លោក សម រង្ស៊ី បានជាសះស្បើយពេញលេញហើយ ។
ក្នុងរយៈពេល ប៉ុន្មានខែចុងក្រោយនេះ នៅប្រទេសបារាំង និងនៅទូទាំងពិភពលោក មានមេរោគបំប្លែងខ្លួនឈ្មោះ អូមីក្រុង Omicron បានរាតត្បាតយ៉ាងខ្លាំង និងយ៉ាងលឿន ។ ក្នុងប្រទេសបារាំង មានអ្នកឈឺថ្មី ពី ២០ម៉ឺន ទៅ៣០ ម៉ឺននាក់ ក្នុងមួយថ្ងៃ ដោយសារមេរោគបំប្លែងថ្មី អូមីក្រុងនេះ ។ មេរោគបំលែងនេះ ឆ្លងឆាប់ តែមិននាំមកហានិភ័យធ្ងន់ធ្ងរទេ គឺឆាប់ឈឺ និងឆាប់ជាទៅវិញ ហើយអាចផ្តល់ភាពស៊ាំ (Immunity) ក្នុងរយៈពេលយូរអង្វែង ។
លោក សម រង្ស៊ី ដែលមានមនុស្សជាច្រើន នៅជុំវិញលោក បានឈឺដូចគ្នាដែរ តែបានជាសះស្បើយរួចអស់ហើយ ចង់ផ្តល់ព័ត៌មានទាំងអស់នេះ ដើម្បីជាករណីសិក្សា សម្រាប់អ្នកវិទ្យាសាស្ត្រ ៕
ចែករំលែកព័តមាននេះ