ខេត្តតាកែវ ៖ តើលោក អ៊ូច ភា អភិបាលខេត្តតាកែវ ក្នុងឋានៈលោកជាប្រធានគណៈបញ្ជាការឯភាពខេត្ត មានដែលគិតពីចំណាត់ការក្តៅដាក់ទៅឲ្យមន្ត្រីមូលដ្ឋានអនុវត្តវិធានការណ៍ទប់ស្កាត់បទល្មើសនានា ក៏ដូចជាអប់រំដល់ពលរដ្ឋឲ្យយល់ដឹងពីផ្នែកខ្លះនៃច្បាប់ដែរឬទេ? ខណៈដែលបទល្មើសគ្រឿងញៀនបង្ក្រាបមិនលស់ថ្ងៃ…
ខេត្តតាកែវ ៖ តើលោក អ៊ូច ភា អភិបាលខេត្តតាកែវ ក្នុងឋានៈលោកជាប្រធានគណៈបញ្ជាការឯភាពខេត្ត មានដែលគិតពីចំណាត់ការក្តៅដាក់ទៅឲ្យមន្ត្រីមូលដ្ឋានអនុវត្តវិធានការណ៍ទប់ស្កាត់បទល្មើសនានា ក៏ដូចជាអប់រំដល់ពលរដ្ឋឲ្យយល់ដឹងពីផ្នែកខ្លះនៃច្បាប់ដែរឬទេ? ខណៈដែលបទល្មើសគ្រឿងញៀនបង្ក្រាបមិនលស់ថ្ងៃ ល្បែងភ្នាល់តាមអនឡាញកើតមានសឹងគ្រប់ភូមិគ្រប់ស្រុកទៅហើយ ។
លើសពីបទល្មើសគ្រឿងញៀនដែលចាប់មិនល្មើសក្នុងមូលដ្ឋាន ពលរដ្ឋជាច្រើនក្នុងខេត្តតាកែវបានលើកឡើងថា ដំណាំកញ្ឆានៅស្រុកគិរីវង់ក៏នៅតែជាជំងឺមហារីករ៉ាំរ៉ៃ មិនអាចព្យាបាលបំបាត់បានដដែលជាច្រើនឆ្នាំមកហើយ បើទោះជាកន្លងមក ប៉ូលិស និងកម្លាំងកងរាជអាវុធហត្ថធ្លាប់ឡើងភ្នំកាប់បំផ្លាញជាបន្តបន្ទាប់យ៉ាងណាក៏ដោយ ។
តាមការបញ្ជាក់ពីប្រជាពលរដ្ឋមួយចំនួនធំនៅស្រុកគីរីវង់បានឲ្យដឹងថា អ្នកដែលដាំដំណាំកញ្ឆាបាននៅលើខ្នងភ្នំនៅមូលដ្ឋានស្រុកគីរីវង់ មិនមែនគ្រប់គ្នាចេះតែដាំបាននោះទេ គឺដាំបានតែអ្នកមានខ្សែក្រឡុះប៉ុណ្ណោះ ចឹងហើយបានជាបង្ក្រាបមិនចេះអស់។ ទាំងនេះ សឲ្យឃើញថា លោក អ៊ូច ភា អភិបាលខេត្តកែវ មិនមានសមត្ថភាពគ្រប់គ្រាន់ក្នុងការចាត់វិធានការណ៍ទប់ស្កាត់ការដាំដុះដំណាំកញ្ឆានៅស្រុកគីរីវង់ ដែលមានរាប់ឆ្នាំ រាប់ខែមកហើយនោះបានឡើយ ។
ជុំវិញករណីខាងលើ លោកយុគ សារ៉ាត់ អធិការនគរបាលស្រុកគីរីវង់បានអោយដឹងថា ដំណាំកញ្ឆាពិតជាបង្ក្រាបមិនទាន់អស់ទេ នៅសេសសល់ប្រហែល៣០ភាគរយទៀត ព្រោះអ្នកដាំបាននាំគ្នាទៅដាំនៅខេត្តផ្សេងអស់មួយចំនួនហើយ ។
ចែករំលែកព័តមាននេះ