ខេត្តបន្ទាយមានជ័យ ៖ សមត្ថកិច្ចចម្រុះថៃបានធ្វើការឃាត់ខ្លួនអាជីវករខ្មែរម្នាក់ដោយចោទប្រកាន់ពីបទលក់ស្បែកជើងល្មើសនិងកម្មសិទ្ធិបញ្ញា កើតឡើងស្ថិតនៅក្នុងផ្សារូងក្លឿ ស្រុកអារ័ញ្ញ ខេត្តស្រះកែវ ប្រទេសថៃ ។ តាមអាជីវករខ្មែរដួចគ្នាបានអោយដឹងថា សមត្ថកិច្ចចម្រុះថៃបានមកចុះចាប់ខ្លួនជាអាជីវករខ្មែរម្នាក់…
ខេត្តបន្ទាយមានជ័យ ៖ សមត្ថកិច្ចចម្រុះថៃបានធ្វើការឃាត់ខ្លួនអាជីវករខ្មែរម្នាក់ដោយចោទប្រកាន់ពីបទលក់ស្បែកជើងល្មើសនិងកម្មសិទ្ធិបញ្ញា កើតឡើងស្ថិតនៅក្នុងផ្សារូងក្លឿ ស្រុកអារ័ញ្ញ ខេត្តស្រះកែវ ប្រទេសថៃ ។
តាមអាជីវករខ្មែរដួចគ្នាបានអោយដឹងថា សមត្ថកិច្ចចម្រុះថៃបានមកចុះចាប់ខ្លួនជាអាជីវករខ្មែរម្នាក់ មានឈ្មោះ ធៀម ស៊ីម៉ា អាយុ៣២ឆ្នាំ លក់នៅផ្សារទេសបាល៣ អគារហ្វា បន្ទប់វេ១១៣ ដែលការឃាត់ខ្លួននៅថ្ងៃទី០៣ មករា ឆ្នាំ២០២២ ហើយត្រូវបានរឹបអូសយកស្បែកជើងចំនួន៣២៨គូ មានប្រភេទយីហោ«ណៃគី!ចំនួន៦០គួ ស្បែកជើងយីហោ «វ៉ាន់» ចំនួន២០៣គូ និងស្បែកជើងយីហោអេឌីដាសចំនួន១១៣គូរ ។
អាជីវករខ្មែរបានបញ្ជាក់ទៀតថា អាជ្ញាធរថៃបានចាប់ទំនិញអាជីវករខ្មែរដែលលក់ផ្សាររូងក្លឿក្នុងទឹកដីថៃជាច្រើនលើក និងច្រើនករណីមកហើយ ដែលចាប់ហើយតែងតែចោទប្រកាន់លក់ទំនិញល្មើសកម្មសិទ្ធិបញ្ញា ហើយចាប់ទាំងមនុស្សនិងទំនិញយកទៅនិងមានអាជីវករខ្មែរខ្លះធ្លាក់ខ្លួនក្រគ្មានលុយសងបំណុលគេ ព្រោះតែសមត្ថកិច្ចថៃចាប់នៅពេលលក់ទំនិញផ្សារររូងក្លឿ ប្រទេសថៃ ។
អាជីវករខ្មែរបានបញ្ជាក់និងឆ្ងល់ថា រាល់ទំនិញដែលនាំចូលពីប្រទេសកម្ពុជា ចូលទៅលក់ក្នុងផ្សារូងក្លឿ ប្រទេសថៃ ត្រូវឆ្លងកាត់មន្ត្រីគយភាគីថៃ ប្រចាំច្រកខ្លងលឹក ដែលឈមច្រកអន្តរជាតិប៉ោយប៉ែត ទើបអាចយកចូលមកលក់ផ្សាររូងក្លឿ ប្រទេសថៃ បាន។បើជាទំនិញដែលល្មើសកម្មសិទ្ធបញ្ញា ម្តេចមិនចាប់ច្រកទ្វារនាំចូល និងទំនិញខ្លះយកមកពីបាងកកប្រទេសថៃ បែរជាអោយចូលដល់ផ្សារលក់ហើយទើប និងចាប់ចោទប្រកាន់ល្មើសកម្មសិទ្ធិបញ្ញាទៅវិញ ដូចជារឿងអយុត្តិធម៌ពេកតូបជួលថៃលក់ខ្លះទិញតូបផ្សាររូងក្លឿលក់ទៀត ។
មន្ត្រីទំនាក់ទំនងព្រំដែនកម្ពុជា.ថៃបានប្រាប់ថា អាជីវករខ្មែរដែលលក់ទំនិញផ្សាររូងក្លឿប្រទេសថៃ ត្រូវបានសមត្ថកិច្ចចម្រុះថៃចាប់ខ្លួនម្នាក់ និងរឹបអូសស្បែកជើងជាង៣០០គូដែលចោទប្រកាន់ពីបទល្មើសកម្មសិទ្ធិបញ្ញាលក់តាមអនឡាញពិតប្រាកដ
មែន ។
ចែករំលែកព័តមាននេះ