រាជធានីភ្នំពេញ ៖ លោក សេង ហៀង ព្រះរាជអាជ្ញារងតំណាងអយ្យការអមសាលាដំបូងរាជធានីភ្នំពេញ នាព្រឹកថ្ងៃទី០៣ ខែមករា ឆ្នាំ២០២២ បាននឹងកំពុងបើកការស៊ើបសួរបុគ្គលិកផ្នែកនារីនៃក្រុមហ៊ុនណាហ្គាវើលចំនួន៦…
រាជធានីភ្នំពេញ ៖ លោក សេង ហៀង ព្រះរាជអាជ្ញារងតំណាងអយ្យការអមសាលាដំបូងរាជធានីភ្នំពេញ នាព្រឹកថ្ងៃទី០៣ ខែមករា ឆ្នាំ២០២២ បាននឹងកំពុងបើកការស៊ើបសួរបុគ្គលិកផ្នែកនារីនៃក្រុមហ៊ុនណាហ្គាវើលចំនួន៦ នាក់ ដែលជាប់ពាក់ព័ន្ធពីបទ.ញុះញង់ បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ។
ខណៈព្រះរាជអាជ្ញារងតំណាងអយ្យការអមសាលាដំបូងរាជធានីភ្នំពេញ គេសង្កេតឃើញមានអ្នកគាំទ្រមកជួបជុំគ្នាប្រមាណជាង១០នាក់ នៅមុខតុលាការផងដែរ ។
ជនជាប់សង្ស័យទាំង៦នាក់មាន រួមមាន ៖ ១.ឈ្មោះ ១ឈឹម សុខន ភេទស្រី អាយុ៤១ ឆ្នាំ មុខរបរ បុគ្គលិកក្រុមហ៊ុនណាហ្វាវើលស្នាក់នៅផ្ទះលេ៣៥z ផ្លូវលេខ៣៨៦ ភូមិ៨ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ។ ២.ឈ្មោះ វី សុវណ្ណឌី ភេទស្រី អាយុ៤១ ឆ្នាំ មុខរបរ បុគ្គលិកក្រុមហ៊ុនណាហ្គាវើល អាស័យដ្ឋានស្នាក់នៅភូមិ៩ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ ៣.ឈ្មោះ សុន ស្រីពេជ្រ ភេទស្រី អាយុ៣១ ឆ្នាំ មុខរបរ បុគ្គលិកក្រុមហ៊ុនណាហ្គាវើល ស្នាក់នៅផ្ទះលេខ១៧អឺ២ ផ្លូវលេខ១៤០ សង្កាត់មនោរម្យ ខណ្ឌ៧មករា រាជធានភ្នំពេញ ។ ៤.ឈ្មោះ ហៃ សុភាព ភេទស្រី អាយុ ៥៦ ឆ្នាំ មុខរបរ បុគ្គលិកក្រុមហ៊ុនណាហ្គាវើល ស្នាក់នៅផ្ទះលេខ៥២ ផ្លូវលេខ៥១BT សង្កាត់បឹងទំពុន ខណ្ឌមានជ័យ រាជធានីភ្នំពេញ ។ ៥.ឈ្មោះ ឃ្លាំង សុបិន្ទ ភេទស្រី អាយុ៤២ ឆ្នាំ មុខរបរ បុគ្គលិកណាហ្គាវើល ស្នាក់នៅផ្ទះលេខ០៨z សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ។ ៦.ឈ្មោះ ទូច សិរីមាស ភេទស្រី អាយុ៣០ ឆ្នាំ មុខរបរ បុគ្គលិក ក្រុមហ៊ុនណាហ្គាវើល ស្នាក់នៅផ្ទះលេខ០៤ ភូមិជម្ពូវ័ន សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ ។
សូមរម្លឹកថា សមត្ថកិច្ចប៉ូលីសបានចាប់ខ្លួនអ្នកតវ៉ាទាំង៩រូប កាលពីយប់ថ្ងៃទី៣១ធ្នូ ឆ្នាំ២០២១ ពាក់ព័ន្ធនឹងការចោទប្រកាន់ថាជា មេដឹកនាំបាតុកម្មខុសច្បាប់ តែយ៉ាងណាមិញ មានស្ត្រីតែ ៦នាក់ប៉ុណ្ណោះត្រូវបានបញ្ជូនទៅតុលាការ ដើម្បីអនុវត្តតាមនីតិវិធីច្បាប់បន្ត ខណៈ ៣នាក់ទៀត ត្រូវបានណែនាំអប់រំ ហើយដោះលែងវិញ ។
អ្នកនាំពាក្យនៃស្នងការដ្ឋាននគរបាលរាជធានីភ្នំពេញបានចេញសេចក្តីបំភ្លឺកាលពីថ្ងៃទី ១ ខែមករា ឆ្នាំ២០២២ ថា ការចាប់ខ្លួនមេដឹកនាំបាតុកម្មខុសច្បាប់ចំនួន ៩នាក់ កាលពីវេលាម៉ោង ១៩:០០នាទីយប់ ថ្ងៃទី៣១ ខែធ្នូ ឆ្នាំ២០២១ គឺអនុលោមទៅតាមមាត្រា ៤៩៤ និង ៤៩៥ នៃក្រមព្រហ្មទណ្ឌនៃព្រះរាជាណាចក្រកម្ពុជា ។
សមត្ថកិច្ចបានបញ្ជាក់ថា ការឃាត់ខ្លួនត្រូវបានធ្វើឡើងដោយសារតែពួកគេ «បានរៀបចំបាតុកម្មដោយខុសច្បាប់នៅមុខក្រុមហ៊ុន ណាហ្គាវើល ធ្វើឱ្យប៉ះពាល់ដល់សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម»៕
ចែករំលែកព័តមាននេះ