មន្ត្រីនគរបាលម្នាក់ និងអាជីវករម្នាក់យកកាំភ្លើ.ងបា.ញ់ឡើងលើ ផ្អើ.លមុខស្ថានីយប្រេង
- កណ្តាល
ខេត្តកណ្តាល ៖ ជនសង្ស័យ២នាក់ ក្នុងនោះមានម្នាក់ជាមន្ត្រីនគរបាល ត្រូវបាននគរបាលស្រុកល្វាឯមឃាត់ខ្លួន បន្ទាប់ពីធ្វើ
ខេត្តកណ្តាល ៖ ជនសង្ស័យ២នាក់ ក្នុងនោះមានម្នាក់ជាមន្ត្រីនគរបាល ត្រូវបាននគរបាលស្រុកល្វាឯមឃាត់ខ្លួន បន្ទាប់ពីធ្វើ
ខេត្តកណ្តាល ៖ ជនសង្ស័យ២នាក់ ក្នុងនោះមានម្នាក់ជាមន្ត្រីនគរបាល ត្រូវបាននគរបាលស្រុកល្វាឯមឃាត់ខ្លួន បន្ទាប់ពីធ្វើសកម្មភាពយកកាំភ្លើ.ងបា.ញ់ឡើងលើ ។
ហេតុការណ៌ខាងលើនេះបានកើតឡើងកាលពីវេលាម៉ោង១០និង៥០នាទីយប់ថ្ងៃទី៣១ ខែធ្នូ ឆ្នាំ២០២១ នៅចំណុចមុខស្ថានីយប្រេងមួយកន្លែង ស្ថិតក្នុងភូមិផ្លូវត្រី ឃុំថ្មគរ ស្រុកល្វាឯម ខេត្តកណ្តាល ។
នគរបាលស្រុកល្វាឯមបានអោយដឹងថា ជនសង្ស័យទាំង២នាក់ខាងលើរួមមាន ម្នាក់ឈ្មោះផាន់ ហ៊ុយហាក់ ភេទប្រុស អាយុ២៦ឆ្នាំ មុខរបរមន្ត្រីនគរបាល មានទីលំនៅផ្ទះលេខ៨២ ភូមិដំណាក់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ និងម្នាក់ទៀតឈ្មោះម៉ៅ ជីវិន ភេទប្រុស អាយុ៣២ឆ្នាំ មុខរបរអាជីវករ មានទីលំនៅផ្ទះលេខ២៩ ភូមិ៦ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
នគរបាលបញ្ជាក់ថា មុនពេលកើតហេតុ ជនសង្ស័យទាំងពីរនាក់បានធ្វើដំណើរតាមរថយន្តមួយគ្រឿងម៉ាក Lexus RX400h ពាក់ផ្លាកលេខ ភ្នំពេញ 2AB-5368 មានក្មេងរួមដំណើរចំនួនពីរនាក់មកពីកម្មវិធីឆ្លងឆ្នាំនៅចំណុចដីឡូតិ៍ភូមិព្រែករៃ ឃុំព្រែករៃ ស្រុកល្វាឯម ខេត្តកណ្ដាល ដោយឈ្មោះផាន់ ហ៊ុយហាក់ ជាអ្នកបើកបរ លុះពេលមកដល់ចំណុចកើតហេតុ ប្រជាពលរដ្ឋដែលជាម្ចាស់ស្ថាននីយប្រេងបានឃើញជនសង្ស័យបា.ញ់កាំភ្លើ.ងចំនួនពីរគ្រាប់ឡើងលើ ហើយក៏បានទូរស័ព្ទរាយការណ៍មកសមត្ថកិច្ច ក្រោយទទួលបានព័ត៌មាននេះភ្លាម សមត្ថកិច្ចនៃអធិការដ្ឋាននគរបាលស្រុកល្វាឯម បានដាក់កម្លាំងគ្រប់បណ្ដាប៉ុស្តិ៍តាមដងផ្លូវ ដើម្បីឃាត់រថយន្តមួយគ្រឿងរបស់ជនសង្ស័យ ។
នគរបាលបានបញ្ជាក់បន្តថា នៅពេលរថយន្តជនសង្ស័យមកដល់ចំណុចជិតស្ពានព្រែកដូនកឹម បានឃើញរថយន្តស៊ីរ៉ែនរបស់សមត្ថកិច្ចភ្លាម ក៏បត់រថយន្តត្រឡប់ក្រោយវិញបើកគេច សមត្ថកិច្ចក៏បានបើករថយន្ដដេញតាមរហូតមកដល់ចំណុចផ្លូវបេតុងក្នុងភូមិពាមតាឯកដល់ ផ្លូវទាល់ ទើបរថយន្តជនសង្ស័យមិនអាចបន្តទៅមុខរួចក៏ឈប់នៅទីនោះ ហើយសមត្ថកិច្ចបានត្រួតពិនិត្យក្នុងរថយន្តពុំឃើញអាវុ.ធឡើយ ហើយបាននាំជនសង្ស័យមកសាកសួរ ។ នៅចំពោះមុខសមត្ថកិច្ច ជនសង្ស័យឈ្មោះ ម៉ៅ ជីវិន បានសារភាពថា ខ្លួនពិតជាបានបា.ញ់កាំភ្លើ.ងខ្លីចំនួន២គ្រាប់ឡើងទៅលើ ចេញពីក្នុងឡានកំពុងបើកនៅចំណុចមុខស្ថានីយប្រេង ហើយអាវុ.ធខ្លីនេះជាអាវុធរបស់ខ្លួនគេផ្ទាល់ដែលបានទិញពីមនុស្សម្នាក់មិនស្គាល់ឈ្មោះ ហើយរថយន្តរបស់គេបានបើកសំដៅទៅកំពុងចម្លងអរិយក្សត្រ ។
ក្នុងពេលនៅដែលបានពិនិត្យជាតិអាកុលទៅលើជនសង្ស័យឈ្មោះ ផាន់ ហ៊ុយហាក់ ដែលជាអ្នកបើករថយន្ត មានជាតិអាកុលចំនួន 0.092Mg/L ។
បច្ចុប្បន្ន ជនសង្ស័យត្រូវបាននាំមកអធិការដ្ឋាននគរបាលស្រុកល្វាឯមបន្តចាត់ការតាមនីតិវិធី ៕
ចែករំលែកព័តមាននេះ