ឪពុកម្តាយសិស្ស ព្រួយបារម្ភពីការរៀនសូត្រកូនៗរបស់ខ្លួន
ខេត្តប៉ៃលិន ៖ ឪពុកម្តាយសិស្សានុសិស្សជាច្រើននាក់ រស់នៅក្រុងប៉ៃលិន បាននិយាយថា សាលាបឋមសិក្សាអូរតាពុក ដែលជាអំណោយរបស់សម្តេចតេជោ ហ៊ុន សែន
ខេត្តប៉ៃលិន ៖ ឪពុកម្តាយសិស្សានុសិស្សជាច្រើននាក់ រស់នៅក្រុងប៉ៃលិន បាននិយាយថា សាលាបឋមសិក្សាអូរតាពុក ដែលជាអំណោយរបស់សម្តេចតេជោ ហ៊ុន សែន
ខេត្តប៉ៃលិន ៖ ឪពុកម្តាយសិស្សានុសិស្សជាច្រើននាក់ រស់នៅក្រុងប៉ៃលិន បាននិយាយថា សាលាបឋមសិក្សាអូរតាពុក ដែលជាអំណោយរបស់សម្តេចតេជោ ហ៊ុន សែន ស្ថិតនៅក្នុងភូមិអូរតាពុកក្រោម សង្កាត់ទួលល្វា ក្រុងប៉ៃលិន ដែលត្រូវបានខ្យល់កន្ត្រាក់ បុកប៉ើងកាលពីចុងខែមេសា ឆ្នាំ២០១៦ កន្លងទៅនេះ រហូតមកដល់បច្ចុប្បន្ន គេមិនទាន់ឃើញខាងអាជ្ញាធរ ឬមន្ទីរអប់រំយុវជន និងកីឡា ខេត្តប៉ៃលិន ធ្វើការជួសជុលនៅឡើយទេ ដោយពួកគាត់បារម្ភចំពោះការរៀនសូត្រកូនៗ របស់ខ្លួន ព្រោះរបើកដំបូលសាលានេះបានខូចខាតអស់រហូតដល់៤ខ្នងឯណោះ ។
សូមបញ្ជាក់ថា សាលាបឋមសិក្សាអូរតាពុក ត្រូវខ្យល់កន្ត្រាក់បុកប៉ើងដំបូលអស់ចំនួន ៤ខ្នងកាលពីវេលាម៉ោង១និង៣០នាទីរសៀល ថ្ងៃទី៣០ ខែមេសា ឆ្នាំ២០១៦ ខណៈសិស្សានុ សិស្សកំពុងរៀន តែសំណាងល្អអត់មាននរណាម្នាក់រងរបួសនោះឡើយ ។ ប្រជាពលរដ្ឋជាឪពុកម្តាយសិស្សបានរៀបរាប់ឱ្យដឹងថា កូនរបស់គាត់ពេលនេះកំពុងតែរៀននៅ សាលាដែលត្រូវខ្យល់កន្ត្រាក់បុកប៉ើងកាលពីពេលថ្មីៗកន្លងទៅ ដោយពួកគាត់រង់ចាំ មើលការជួសជុលរបស់អាជ្ញាធរខេត្ត ក៏ដូចជាខាងមន្ទីរអប់រំ យុវជននិងកីឡាខេត្ត អស់រយៈពេលជាច្រើនថ្ងៃមកហើយ ។
តែគេមិនទាន់ឃើញដំណើរការនៅឡើយទេ ព្រោះកូនគាត់មួយចំនួនរៀនថ្នាក់មតេ្តយ្យ ដោយកាលពីសាលាមិនទាន់របើកកូនគាត់រៀនជាមួយនឹងសិស្សផ្សេងទៀ តត្រឹមតែ៣៥នាក់ ក្នុង១ថ្នាក់ប៉ុណ្ណោះ ។ តែពេលនេះកូនគាត់ត្រូវរៀនជាមួយសិស្សថ្នាក់មត្តេយ្យមួយទៀតផ្គួបចូលគ្នាដែលមានចំនួន៣៥នាក់ទៀត ហើយសរុបទៅមានគ្នារហូតដល់៧០នាក់ ដែលជាការធ្វើឱ្យលំបាកទាំងសិស្ស និងលោកគ្រូអ្នកគ្រូដែលបង្រៀនយ៉ាងខ្លាំង ។ ពួកគាត់បញ្ជាក់ទៀតថា ពេលខ្លះដោយឃើញមានការលំបាកដោយពេលភ្លៀង ឬថ្ងៃក្តៅខ្លាំងសិស្សត្រូវប្រជ្រៀតគ្នារៀន ឬរៀនហាលក្តៅបន្តិចដែរ ។ ដូច្នេះបញ្ហានេះអាចប៉ះពាល់ ដល់ការរៀនសូត្ររបស់ពួកគេ បើសិនជាខាងមន្ទីរអប់រំនៅតែបណ្តែតបណ្តោយបែបនេះទៀត ។
ចំណែកអ្នកគ្រប់គ្រងសាលាបឋមសិក្សាអូរតាពុក អ្នកស្រី ហៀន ណារ៉ាន អាយុ៣២ឆ្នាំ ជានាយិកា បានរៀបរាប់ឱ្យដឹងថា សាលារៀននេះ មានចំនួន១៤ថ្នាក់ ចាប់ពីថ្នាក់ទី១ រហូតដល់ទី៦ ក្នុងនោះ មានសិស្សមតេ្តយ្យមានចំនួន២ថ្នាក់ ដោយបន្ទាប់ពីខ្យល់កន្ត្រាក់បុកប៉ើងដំបូលសាលារៀនមួយនេះរួចមក ខាងអ្នកស្រីបានរៀបចំសាលាឡើងឱ្យបានស្រួលបួលឡើងវិញហើយ គឺយកទីចាត់ការដាក់បង្រៀនបណ្តោះអាសន្នសិន ។ លោកស្រីបន្តទៀតថា ប៉ុន្តែមានការលំបាកចំពោះថ្នាក់មត្តេយ្យបន្តិច ព្រោះផ្គួបពីរថ្នាក់ចូលគ្នា ក្រៅពីនោះមានការរៀនសូត្រដូចធម្មតា ។ បន្ទាប់ពីខ្យល់កន្ត្រាក់បុកប៉ើងដំបូលអស់ចំនួន៤បន្ទប់ លោកស្រីបានដាក់ពាក្យស្នើសុំទៅខាង ការិយាល័យក្រុង ក្រោយមកក៏ឡើងទៅដល់ខាងមន្ទីរអប់រំរួចរាល់អស់ហើយ ដោយថ្នាក់លើកំពុងធ្វើលទ្ធកម្មដេញថ្លៃសាងសង់ ដោយត្រូវរៀបចំប្រក់ក្បឿងជំនួសស័ង្កសីវិញ ។
ពាក់ព័ន្ធទៅនឹងបញ្ហានេះលោក តង់ ធារ៉ា ប្រធានមន្ទីរអប់រំយុវជន និងកីឡាខេត្តប៉ៃលិន បានឱ្យដឹងដែរថា ខាងមន្ទីរកំពុងតែធ្វើលទ្ធកម្មដេញថ្លៃជាងសាងសង់ដំបូលសាលារៀនដែលត្រូវខ្យល់កន្ត្រាក់ប៉ើងអស់នេះឡើងវិញ រួមជាមួយនឹងដំបូលដែលនៅសេសសល់ ដោយខាងលោកមិនអាចជួសជុលដូចដើមវិញបានឡើយ ព្រោះដំបូលសាលានេះ ពីមុនធ្វើធ្នឹមអំពីឈើ និងប្រក់ដំបូលស័ង្កសី ។ លោកបន្តទៀតថា នៅពេលក្រោយ ត្រូវធ្វើធ្មឹមអំពីដែក ប្រក់ដំបូលហ្វ៊ីប្រូស៊ីម៉ង់ត៍វិញ ដើម្បីឱ្យជាប់បានយូរ ហើយប្រសិនណា ដេញថ្លៃថោកជាងគេ ខាងមន្ទីរនឹងជួលទៅជួសជុល ដោយគិតទៅចំណាយថវិកាអស់ប្រហែល១ម៉ឺនដុល្លាឯណោះ ទើបអាចធ្វើទៅរួចរាល់ ៕
ចែករំលែកព័តមាននេះ