ព្រឹត្តិការណ៍ដណ្ដើមពាន AFF U23 ខណៈកម្ពុជាធ្វើជាម្ចាស់ផ្ទះបានចាប់ឆ្នោតចែកពូលរួចហើយ
- ភ្នំពេញ
រាជធានីភ្នំពេញ ៖ ការប្រកួតបាល់ទាត់ជើងឯកយុវជនអាស៊ីអាគ្នេយ៍ អាយុក្រោម២៣ឆ្នាំ AFF U23 Championship 2022 ដែល
រាជធានីភ្នំពេញ ៖ ការប្រកួតបាល់ទាត់ជើងឯកយុវជនអាស៊ីអាគ្នេយ៍ អាយុក្រោម២៣ឆ្នាំ AFF U23 Championship 2022 ដែលកម្ពុជា ទទួលធ្វើជាម្ចាស់ផ្ទះបានចាប់ឆ្នោតបែងចែកពូលប្រកួតរួចហើយ ដោយចែកចេញជា ៣ពូល ក្នុងនោះកម្ពុជា ស្ថិតក្នុងពូល A មាន៤ក្រុមរួមមានទីម័រខាងកើត ហ្វីលីពីន និងព្រុយណេ។
ចំណែកឯលទ្ធផល២ពូលផ្សេងទៀត សម្រាប់ពូលB មាន៤ក្រុម ដូចគ្នា រួមមានក្រុម U23 ឥណ្ឌូនេស៊ី ម៉ាឡេស៊ី មីយ៉ាន់ម៉ា និងឡាវ។ រីឯពូល C មានតែ ៣ក្រុមប៉ុណ្ណោះ គឺក្រុម U23 ថៃ វៀតណាម និងសិង្ហបុរី។
ការប្រកួតនេះ នឹងប្រើរូបមន្ដប្រកួតសន្សំពិន្ទុវិលជុំ ហើយក្រុមដែលមានពិន្ទុខ្ពស់ជាងគេ មានន័យថា ក្រុមលេខ១ នៃពូលនីមួយៗ រួមជាមួយក្រុមលេខ២ ល្អជាងគេប្រចាំពូលទាំងបី នឹងត្រូវឡើងទៅវគ្គពាក់កណ្ដាលផ្ដាច់ព្រ័ត្រ។
សម្រាប់ការប្រកួតពានរង្វាន់ AFF U23 Championship 2022 នឹងប្រព្រឹត្តទៅ ចាប់ពីថ្ងៃទី១៤ ដល់ថ្ងៃទី២៦ ខែកុម្ភៈ ឆ្នាំ២០២២ ខាងមុខ នៅរាជធានីភ្នំពេញ នៃប្រទេសកម្ពុជា ដោយប្រើប្រាស់ទីលានចំនួន២ រួមមាន ពហុកីឡដ្ឋានជាតិមរតកតេជោ និងកីឡដ្ឋានព្រីនស៍ ៕
ចែករំលែកព័តមាននេះ