បុរស២នាក់លួចបូមប្រេងពីត្រាក់ទ័រ សន្តិសុខស្រែក ផ្អើ.លដេញចាប់ផ្តុំផ្សារតាខ្មៅថ្មី
- កណ្តាល
ខេត្តកណ្តាល ៖ ជនសង្ស័យពីរនាក់បានធ្វើសកម្មភាពលួចបូមប្រេងម៉ាស៊ូតចេញពីត្រាក់ទ័រមួយគ្រឿងដែលទុកសម្រាប់ដឹកស
ខេត្តកណ្តាល ៖ ជនសង្ស័យពីរនាក់បានធ្វើសកម្មភាពលួចបូមប្រេងម៉ាស៊ូតចេញពីត្រាក់ទ័រមួយគ្រឿងដែលទុកសម្រាប់ដឹកសម្រាម នៅក្នុងផ្សារតាខ្មៅថ្មី ត្រូវបានសមត្ថកិច្ចក្រុងតាខ្មៅធ្វើការឃាត់ខ្លួនបានម្នាក់ និងម្នាក់ទៀតរត់គេចខ្លួន ។
ហេតយការណ៌ខាងលើនេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី២៨ ខែធ្នូ ឆ្នាំ២០២១ នៅចំណុចផ្សារតាខ្មៅថ្មី ភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល ។
នគរបាលបានអោយដឹងថា ជនរងគ្រោះឈ្មោះ ខាត់ សារិ ភេទប្រុស អាយុ៤៣ឆ្នាំ ទីលំនៅភូមិសង្កាត់ មុខរបរសន្តិសុខ ។ ដោយឡែកជនសង្ស័យ២នាក់ ក្នុងនោះម្នាក់ឈ្មោះគុយ វ៉ាន់ដេត ភេទប្រុស អាយុ២២ឆ្នាំ មុខរបរ មិនពិតប្រាកដ ស្នាក់នៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ត្រូវឃាត់ខ្លួន និងម្នាក់ទៀតឈ្មោះភក្រ័ ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ រត់គេចខ្លួនបាត់ (ជាមុខសញ្ញាទើបចេញពីពន្ធនាគារខេត្តកណ្តាលរយៈពេល៣ឆ្នាំ ពាក់ព័ន្ធករណីគ្រឿងញៀ.ន) ។
នគរបាលបន្ថែមទៀតថា មុនពេលកើតហេតុ មានជនសង្ស័យពីរនាក់បានជិះម៉ូតូមួយគ្រឿងមកឈប់នៅម្តុំចាក់សំរាមក្នុងផ្សារតាខ្មៅថ្មី បន្ទាប់មកជនសង្ស័យម្នាក់ឈ្មោះគុយ វ៉ាន់ដេត បានចុះមកលួចបូមប្រេងម៉ាស៊ូតចេញពីត្រាក់ទ័រមួយគ្រឿងដែលទុកសម្រាប់ដឹកសំរាម ហើយក៏ត្រូវសន្តិសុខផ្សារឃើញ ស្រែកថាចោរៗ បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចកំពុងល្បាតតាមផ្លូវ ដេញតាមចាប់ខ្លួនបានម្នាក់និងវត្ថុតាង យកមកសាកសួរនៅប៉ុស្តិ៍ដើមមៀនដើម្បីចាត់ការតាមនិតិវិធីតែម្តង។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួនិងបក្ខពួកម្នាក់ទៀតឈ្មោះភក្រ័ ពិតជាបានធ្វើសកម្មភាពលួចបូមប្រេងម៉ាស៊ូត ចេញពីត្រាក់ទ័ររបស់ជនរងគ្រោះប្រាកដមែន ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងតាមនីតិវិធី៕
ចែករំលែកព័តមាននេះ