គ្រូអាត សំរឹទ្ធ អំពាវនាវស្វែងរកការជួយឧបត្ថម្ភដើម្បីក្លិបបានដំណើរការហ្វឹកហាត់ឡើងវិញ
- ភ្នំពេញ
រាជធានីភ្នំពេញ ៖ ដោយបានមើលឃើញថា បច្ចុប្បន្នវិស័យកីឡាប្រដាល់សាកលកម្ពុជាកំពុងត្រូវបានយកចិត្តទុកដាក់យ៉ាងខ្លាំងពី
រាជធានីភ្នំពេញ ៖ ដោយបានមើលឃើញថា បច្ចុប្បន្នវិស័យកីឡាប្រដាល់សាកលកម្ពុជាកំពុងត្រូវបានយកចិត្តទុកដាក់យ៉ាងខ្លាំងពី
រាជធានីភ្នំពេញ ៖ ដោយបានមើលឃើញថា បច្ចុប្បន្នវិស័យកីឡាប្រដាល់សាកលកម្ពុជាកំពុងត្រូវបានយកចិត្តទុកដាក់យ៉ាងខ្លាំងពីសំណាក់ថ្នាក់ដឹកនាំសហព័ន្ឋកីឡាប្រដាល់សាកលកម្ពុជា ក៏ដូចជាក្រសួងអប់រំយុវជននិងកីឡា ព្រមទាំងគណៈកម្មាធិការជាតិកីឡាស៊ីហ្គេមឆ្នាំ២០២៣ទៀតផងនោះ លោកអាត សំរឹទ្ធ អតីតកីឡាករប្រដាល់សាកលជម្រើសជាតិទសវត្សឆ្នាំ៩០ និងជាគ្រូបង្ហាត់កីឡាប្រដាល់សាកលនៅក្នុងក្លិបអរុណរះ បានធ្វើការអំពាវយ៉ាងទទូចដល់សប្បុរសជនខ្មែរទាំងក្នុងនិងក្រៅប្រទេសដែលស្រឡាញ់វិស័យកីឡាប្រដាល់សាកល សូមចូលរួមជួយដល់រូបលោកផង មិនថាថវិកាឬសម្ភារៈនោះទេ ធ្វើយ៉ាងណាឱ្យតែក្លិបបានដំណើរសកម្មភាពហ្វឹកហាត់ឡើងវិញ។
លោកអាត សំរឹទ្ធ ដែលធ្លាប់មានស្នាដៃយ៉ាងធំធេងនៅក្នុងវិស័យកីឡាប្រដាល់សាកលកម្ពុជា បានឈានជើងចូលប្រឡូកនៅក្នុងវិស័យមួយនេះនៅឆ្នាំ១៩៩០ មកម្លេះ ប៉ុន្តែបច្ចប្បុន្នលោកគឺជាគ្រូបង្ហាត់កីឡាប្រដាល់សាកលនៅក្នុង ក្លិបអរុណរះ ដែលមានទីតាំងនៅស្រុកស្អាងខេតកណ្ដាល ហើយក្លិបមួយនេះមានក្មេងរាប់សិបនាក់មកធ្វើការហ្វឹកហាត់ជារៀងរាល់ថ្ងៃ ក្នុងនោះភាគច្រើនគឺជាក្មេងកំព្រារ ដែលត្រូវបានអង្គការអរុណរះយកមកចិញ្ចឹម ។ ប៉ុន្តែចាប់តាំងពីមានការរីរាលដាលជម្ងឺកូវីដ-១៩ខ្លាំងមក ក្លិបក៏ត្រូវបានបិទមួយរយៈ ដល់ពេលឥឡូវជម្ងឺដ៏កាចសាហា.វមួយនេះរាងធូរស្បើយបន្តិចទៅហើយដែរ ។ ដូច្នេះលោកមានបំណងចង់បើកក្លិបឱ្យបានដំណើរការហ្វឹកហាត់ឡើងវិញ តែសម្ភារៈហ្វឹកហាត់ដែលសប្បុរសជនបានជួយពីមុនមកនោះ ចាស់ៗអស់ហើយៗមានខ្លះក៏ត្រូវរហែកអស់ទៀត។
លោកអាត សំរឹទ្ធ ក៏ជាអតីតគ្រូបង្ហាត់ប្រដាល់សាកលជម្រើសជាតិមួយរូបដែរ លោកធ្លាប់បានបង្ហាត់ដល់កីឡាករ-កីឡាការិនីជម្រើសជាតិប្រហែលជា៨ឆ្នាំ ហើយរហូតមកដល់ឆ្នាំ២០១៦ លោកបានលាឈប់តែម្ដង ដោយលោកគិតថា មានកាហត់នឿយខ្លាំងណាស់ទៅហើយ ។ ប៉ុន្តែលោកនៅតែមានចិត្តស្រឡាញ់ចង់បណ្ដុះបណ្ដាលក្មេងដែលស្រឡាញ់វិស័យកីឡាប្រដាល់សាកល ធ្វើយ៉ាងណាឱ្យពួកគេក្លាយជាកីឡាករជម្រើសជាតិទៅថ្ងៃអនាគតប៉ុណ្ណោះ ។ ទោះជាយ៉ាងណា លោកនៅតែមានបំណងចង់ឱ្យសប្បុរសជនជួយគាំទ្រដល់វិស័យកីឡាប្រដាល់សាកលផង ដើម្បីជួយជម្រុញដល់វិស័យកីឡាប្រដាល់សាកលកម្ពុជាមានការអភិវឌ្ឍ រីកចម្រើនបានឆាប់រហ័សដូចបណ្ដាប្រទេសនៅក្នុងតំបន់អាស៊ានយើងនេះ។
គួរំលឹកផងដែរថា លោកអាត សំរឹទ្ធ ដែលជាអតីតកីឡាករប្រដាល់សាកលជម្រើសជាតិកម្ពុជាតាំងពីឆ្នាំ១៩៩០មកនោះ លោកធ្លាប់បានចេញទៅប្រកួតនៅលើឆាកអន្តរជាតិជាច្រើនលើកច្រើនសា និងធ្លាប់ទទួលបានចំណាត់ថ្នាក់ល្អៗ ធ្លាប់ដណ្ដើមបានមេដាយជាច្រើនគ្រឿងមកជូនជាតិថែមទៀត ដែលកាលណោះធ្វើឱ្យកេរ្តិ៍ឈ្មោះរបស់លោកមានភាពល្បីសុះសាយទូទាំងប្រទេសតែម្ដង។
រហូតមកទល់ពេលនេះទោះបីជាលោកបានការឈប់ពីគ្រូជម្រើសជាតិមែន តែលោកនៅតែបន្តសកម្មភាព ជាលក្ខណៈមនុស្សធមសម្រាប់ក្មេងៗស្រកក្រោយដដែល ដោយសាតែលោកធ្លាប់បានប្រឡូកវិស័យកីឡាប្រដាល់សាកតាំងពីក្មេង ដល់ពេលចាស់ទៅនៅតែមិនអាចបោះបង់ចោល ដោយការតស៊ូរបស់លោករហូតមកទល់ពេលនេះអត់មានសល់អ្វីបន្តិចក្នុងខ្លួនទាល់តែសោះ៕
ចែករំលែកព័តមាននេះ