សារព័ត៌មាន «China Daily» កាលពីពេល ថ្មីៗកន្លងមករបស់ចិនផ្សាយថា នាខែតុលា ឆ្នាំ២០១៥ លោកវ៉ាង អ្នកស្រុកហួនយ៉ាង ខេត្តហ៊ឺណាន សប្បាយរីករាយដោយបានរៀបការជាមួយគូស្នេហ៍ដែលស្គាល់គ្នាតាមហ្វេសប៊ុក។ នៅពេលពួកគេស្រឡាញ់គ្នាបានមួយរយៈ ខាងស្រីប្រាប់ថា ខ្លួនមានគភ៌ ធ្វើឱ្យលោកវ៉ាង ត្រេកអរយ៉ាងខ្លាំង រីឯក្រុមគ្រួសាររបស់គេក៏សប្បាយចិត្តដែរ និងរៀបចំកម្មវិធីអាពាហ៍ពិហាហ៍សម្រាប់ពួកគេ ។
ក្រោយពេលរៀបការបាន៣ថ្ងៃ ភាគីខាងស្រីបាត់ខ្លួនពីផ្ទះជាមួយសម្ភារ និងប្រាក់បណ្ណាការជាច្រើនម៉ឺនយាន់ ។ ទោះបីជាយ៉ាងណាក្តី ខាងក្រុមគ្រួសារ និងលោកវ៉ាងផ្ទាល់យល់ថា នាងមិនពេញចិត្តចំពោះប្តីរឿងអ្វីមួយទើបគេចខ្លួនបាត់ ដូច្នេះហើយមិនប្តឹងប៉ូលិសទេ ។
ស្របពេលជាមួយគ្នានោះ បុរសរស់នៅក្រុងរូចូវជាមួយលោកវ៉ាងដែរបានប្តឹងប៉ូលិសថា គេបានស្គាល់ស្ត្រីម្នាក់ឈ្មោះ «មៀវ មៀវមីន» តាមហ្វេសប៊ុស ដោយនាងប្រើវិធីសាស្ត្រគ្រប់បែបយ៉ាង ដើម្បីបោកបញ្ឆោតគេរហូតបានប្រាក់ប្រហែល ៣១.០០០យាន់ ឬ៥.០០០ដុល្លារ ។ ប៉ូលិសបានស៊ើបអង្កេតទើបស្គាល់នារីរូបនោះ និងណាត់ជួបនាងនៅហាងកាហ្វេអុីនធើរណែតមួយ ។
ពីដំបូងប៉ូលិសជួបរឿងចម្លែក ព្រោះអ្នកដែលទៅជួបតែងខ្លួនជាប្រុស ដោយក្នុងអត្តសញ្ញាណប័ណ្ណបញ្ជាក់ថា ឈ្មោះ «មៀវ សុងថៅ» អាយុ២៧ឆ្នាំ ។ នៅពេលប៉ូលិសចូលឆែកឆេរលំនៅឋានរបស់លោកមៀវ សុងថៅ ប្រទេះឃើញសំពត់ សក់់ ស្បែកជើងកែងចោត ឈុតក្នុងរបស់ស្ត្រី និងគ្រឿងសំអាងជាច្រើន ។
មៀវ សុងថៅ សារភាពថា រូបគេចូលចិត្តតែងខ្លួនជាស្រីតាំងពីនៅក្មេង និងមិនដឹងថា តើខ្លួនពេញចិត្តបុរស ឬស្ត្រីឱ្យប្រាកដទេ ? ប៉ុន្តែរូបគេចង់បានប្រាក់ ។
មៀវ សុងថៅ បញ្ជាក់ថា គេបានបោកបញ្ជោតធ្វើជាគូសេ្នហ៍របស់បុរសចំនួន១១នាក់ និងទទួលប្រាក់ជាច្រើនម៉ឺនយាន់ ហើយមានបុរសតែម្នាក់ប៉ុណ្ណោះដែលប្តឹងប៉ូលិស ។
ប៉ូលិសបានចាប់ខ្លួនមៀវ សុងថៅ ចាត់ការតាមច្បាប់ ។ មិនតែប៉ុណ្ណោះដាស់តឿនដល់បុរសទូទៅថា នៅមុនពេលរៀបការជាមួយនរណាម្នាក់ គួរត្រួតពិនិត្យឯកសារ ឬអត្តសញ្ញាណប័ណ្ណឱ្យបានច្បាស់លាស់ជាមុនសិន ៕
ចែករំលែកព័តមាននេះ