រាជធានីភ្នំពេញ ៖ ក្រុមហ៊ុនចំនួន៤មាន First Cambodia, Hengbao International, UnionPay International និង Verifone កាលពីព្រឹកថ្ងៃទី៨មិថុនានៅសណ្ឋាគារសូហ្វីតែលភ្នំពេញភូគីតាបានរៀបចំសិក្ខាសិលា បង្ហាញពីបច្ចេកវិទ្យាទំនើបសម្រាប់ធនាគារជាមធ្យោបាយទូទាត់ការចំណាយក្នុងគោលបំណងគាំទ្រតម្រូវការទីផ្សារនៅលើផ្នែក acquiring, issuance, personalizing card schemes មានស្ដង់ដារអន្ដរជាតិ។
លោក វិទូ ប៉ែន នាយកផ្នែកលក់ប្រចាំតំបន់ របស់ក្រុមហ៊ុន First Cambodia បានឲ្យដឹងថា៖ «យើងកំពុងធ្វើការយ៉ាងជិតស្និទ្ធជាមួយស្ថាប័ន ធនាគារ និងមីក្រូហិរញ្ញវត្ថុក្នុងការផ្តល់នូវដំណោះស្រាយពេញលេញសម្រាប់គម្រោងនីមួយៗ ។ យើងគាំទ្រការរៀបចំគម្រោងនានា និងប្រព័ន្ធទូទាត់សាច់ប្រាក់ដែលមានសុវត្ថិភាព ជាមួយដៃគូរបស់យើងដើម្បីធានាការអនុលោមតាមច្បាប់សន្តិសុខស្តង់ដារអន្តរជាតិ ជាពិសេសតម្រូវលើការផ្លាស់ប្តូរយ៉ាងឆាប់រហ័សរបស់វិស័យធនាគារ។ First Cambodia កំពុងបន្តពង្រឹងជំហររបស់ខ្លួននៅក្នុងទីផ្សារកម្ពុជាដោយធ្វើការជាមួយដៃគូជំនាញសំខាន់ៗ
ក្នុងការបញ្ចប់គម្រោងទៅតាមពេលវេលា មានគុណភាពខ្ពស់និងថវិកាសមរម្យ»។ លោក David Tang នាយកអភិវឌ្ឍន៍អាជីវកម្ម កាត ធនាគារ និង ដំណោះ ស្រាយ នៃក្រុមហ៊ុន Hengbao International Pte Ltd មានប្រសាសន៍ថា «Hengbao International មានសកម្មភាពនៅលើទីផ្សារកម្ពុជាសម្រាប់រយៈពេល៣ឆ្នាំមកហើយ និងបានចូលរួមនៅក្នុងគម្រោងជាច្រើននៃ firsts in the market។
បច្ចុប្បន្ននេះយើងកំពុងចូលរួមក្នុងគម្រោងផ្សេងៗទៀតដែលពាក់ព័ន្ធនឹងការច្នៃប្រឌិតថ្មីនៃ high end premium cards ប្រព័ន្ធប្រតិបត្តិការធនាគារចល័ត MPOS ។ យើងមានទំនុកចិត្តនៅក្នុងទីផ្សារនេះ និងរួមគ្នាជាមួយនឹងដៃគូរបស់យើង First Cambodia យើងជឿថាយើងអាច ផ្តល់ សេវាកម្មបានយ៉ាងល្អ សម្រាប់ទីផ្សារដែលកំពុងរីកចម្រើននេះ »។ លោក Grove Mohit នាយកផ្នែកគ្រប់គ្រងផលិតផលនៃក្រុមហ៊ុន Verifone ប្រចាំអាស៊ី មានប្រសាសន៍ថា «Verifone បានផ្លាស់ប្តូរប្រតិបត្តិការប្រចាំថ្ងៃ ទៅជាឱកាសសម្រាប់ពាណិជ្ជកម្មភ្ជាប់ទំនាក់ទំនងគ្នា។
យើងកំពុងភ្ជាប់ payment devices ទៅកាន់ cloud បញ្ចូលបទពិសោធន៍រវាង online ហើយនិង in-store shopping និងបង្កើតជំនាន់ក្រោយនៃការភ្ជាប់គ្នាលក្ខណ:ឌីជីថលរវាងពាណិជ្ជករ និងអតិថិជន។ យើងបានបង្កើតប្រវត្តិសាស្ត្រ 30 ឆ្នាំនៃប្រព័ន្ធសុវត្តិភាព ដែលទទួលការពេញចិត្តជាមួយ devices and terminals ប្រមាណ 29 លាននាក់បានដាក់នៅទូទាំងពិភពលោក»៕
ចែករំលែកព័តមាននេះ