រាជធានីភ្នំពេញ ៖ រូបភាពរាងកាយ គឺជាវិធីដែលអ្នកគិត និងមានអារម្មណ៍អំពីរាងកាយរបស់អ្នក ។ ការបណ្តុះរូបភាពរាងកាយវិជ្ជមាន គឺមានសារៈសំខាន់សម្រាប់មនុស្សវ័យជំទង់ ព្រោះវាត្រូវបានផ្សារភ្ជាប់ជាមួយនឹងការធ្វើឱ្យប្រសើរឡើងនូវទំនុកចិត្តលើខ្លួនឯង ការជឿជាក់លើខ្លួនឯង និងការអភិវឌ្ឍន៍សង្គម ។
ផ្ទុយទៅវិញ រូបភាពរាងកាយអវិជ្ជមាន (រូបរាងអាក្រក់ ឬបាត់បង់កន្លែងណាមួយ) ត្រូវបានផ្សារភ្ជាប់ជាមួយនឹងបញ្ហាដូចជា ជំងឺធ្លាក់ទឹកចិត្ត ការថប់បារម្ភ និងបញ្ហានៃការញ៉ាំ ។ ការប្រឈមមុខនឹងការរិះគន់អំពីរូបរាងអាចបណ្តាលឱ្យកូនរបស់អ្នកមានបញ្ហារូបភាពនៃរាងកាយ ។ ខាងក្រោមនេះ គឺជាគន្លឹះមួយចំនួនអំពីរបៀបនិយាយទៅកាន់កូនរបស់អ្នក ដែលមានបញ្ហារូបរាងកាយ ៖
១. សរសើរនាង ៖ ចូរពន្យល់ពីអ្វីដែលអ្នកចូលចិត្តអំពីរូបគេ ។ បង្រៀនកូនឱ្យទទួលយកការសរសើរ ។ ព្យាយាមចៀសវាងការសរសើរដោយផ្អែកលើទម្ងន់ ។ ផ្ទុយទៅវិញ អ្នកអាចនិយាយថា «ពណ៌នោះមើលទៅស្រស់ស្អាត ឬស័ក្តិសមសម្រាប់កូន» ជាដើម ។ «ម៉ាក់ពិតជាចូលចិត្តរបៀបដែលកូនបង្ហាញថា កូនយកចិត្តទុកដាក់» ។
២. កុំមើលងាយខ្លួនឯង នៅចំពោះមុខកូន ៖ វាអាចប៉ះពាល់ដល់កូនរបស់អ្នកជាអវិជ្ជមាន ។ ចែករំលែកបទពិសោធន៍របស់អ្នកជាមួយកូន ។ អនុញ្ញាតឱ្យកូនដឹងពីរបៀបដែលអ្នកដោះស្រាយបញ្ហានានាជាមួយនឹងមតិកែលម្អអវិជ្ជមាន ។
៣. គាំទ្រកូន និងធ្វើឱ្យគេមានអារម្មណ៍សុខសុវត្ថិភាព ៖ ប្រសិនបើកូនរបស់អ្នកចាប់ផ្តើមចែករំលែកអារម្មណ៍ និងបទពិសោធន៍របស់គេ ចូរស្តាប់ពួកគេដោយអត់ធ្មត់ ហើយពិភាក្សាអំពីស្ថានភាពទាំងនោះ ។ កុំច្រាននាងចោល ប្រសិនបើគេព្យាយាមប្រាប់អ្នកពីរឿងអវិជ្ជមានដែលគេមានអារម្មណ៍ចំពោះខ្លួនឯង ។ វាជាការល្អក្នុងការចាប់ផ្តើមការសន្ទនាអំពីរូបភាពរាងកាយរបស់ពួកគេ ។
៤. ដឹកនាំដោយឧទាហរណ៍ ៖ បង្ហាញកូនរបស់អ្នកអំពីរបៀបរក្សាភាពវិជ្ជមានអំពីរាងកាយរបស់ពួកគេ ។
៥. លើកសំឡេងរបស់អ្នកប្រឆាំងនឹងការសម្លុត ៖ ការនិយាយលេងសើច និងការចំអក ហើយលើកទឹកចិត្តកូនធ្វើដូចគ្នា ។ បង្ហាញកូនរបស់អ្នកអំពីរបៀបទប់ស្កាត់សារអវិជ្ជ មាននៅលើប្រព័ន្ធផ្សព្វផ្សាយសង្គម និងបង្រៀនពួកគេអំពីរបៀបប្រើវា ដើម្បីផ្សព្វ ផ្សាយការយល់ដឹងអំពីបញ្ហារូបភាពរាងកាយ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនវ៉េស្ទឡាញន៍ និងសាលារៀនណត្ស ឡាញន៍ ផ្តល់ជូនសេវាកម្មអប់រំមត្តេយ្យភាសាខែ្មរ និងអង់គ្លេស ចំណេះទូទៅខ្មែរ ភាសាចិន និងភាសាអង់គ្លេស និងបន្តទទួលចុះឈ្មោះសិស្ស សម្រាប់កម្មវិធីចំណេះទូទៅខ្មែរ ទី ១ ដល់ ទី ១២ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែប ជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រងការសិក្សា និងអេបសាលារៀន ជូនដល់មាតាបិតាសិស្ស និងសិស្សានុសិស្ស ក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ