វាជារឿងចម្លែកមួយក្នុងវិស័យបច្ចេកវិទ្យាពោលគឺស្ថាបនិករបស់ក្រុមហ៊ុនបណ្តាញសង្គមយក្សហ្វេសប៊ុកលោក Mark Zuckerberg ត្រូវពួក Hackers ចូលលុកលុយ ។ ក្រុមនោះមានឈ្មោះថា Ourmine ដែលពួកគេមានអ្នកគាំទ្រលើបណ្តាញកម្សាន្តទីធ្វ័រច្រើនជាង៤.០០០នាក់ បានសារភាពថាជាអ្នកទទួលខុសត្រូវលើរឿងនេះ ។
ក្រុម Ourmine នេះបានសរសេរសារឌឺដងដាក់លោក Mark Zuckerberg ថា «យើងចង់ធ្វើតេស្តប្រព័ន្ធសុវត្ថិភាពរបស់លោក ។ មិនត្រឹមតែគណនីហ្វេសប៊ុករបស់ស្ថាបនិកវ័យក្មេងនេះទេដែលត្រូវពួក Hackers ចូលលុកលុយ ពោលគឺមានគណនីកម្សាន្តផ្សេងទៀតរបស់លោកដូចជា Instagram, Twitter, LinkedIn, និង Pinterest ។
កាលពីឆ្នាំមុនគេរាយការណ៍ថា ឈ្មោះអ្នកប្រើប្រាស់ និងលេខសម្ងាត់ចំនួន១១៧លានរបស់ LinkedIn ត្រូវបានលួចអស់រយៈពេល៤ឆ្នាំមុន ហើយត្រូវគេលក់បន្តលើគេហទំព័រងងឹតតម្លៃប្រហែល២.៣០០ដុល្លារ ។
នេះមិនមែនជាលើលទី១ទេ ដែលបណ្តាញសង្គមហ្វេសប៊ុកត្រូវគេឆាឆៅ ពោលគឺបណ្តាពួក Hackers ទូទាំងពិភពលោកធ្លាប់រំខានច្រើនដងមកហើយដោយធ្វើឱ្យរអាក់រអួលបណ្តាញសង្គមនេះ ៕
ចែករំលែកព័តមាននេះ