លោក Earl Charles Spencer បងប្រុស ម្ចាស់ក្សត្រីដាយអាណានៃចក្រភពអង់គ្លេសបានបើកក្រឡាបន្ទំរបស់ម្ចាស់ក្សត្រីនៅភូមិគ្រឹះ Althorpe ក្នុងទីក្រុងន័រថេមតុន ចក្រភពអង់គ្លេស សម្រាប់ជួលឱ្យអ្នកទេសចរ ។ ទីនោះគឺជាផ្ទះដែលម្ចាស់ក្សត្រីរស់នៅក្នុងវ័យកុមារ និងជាទីតាំងបញ្ចុះព្រះសពរបស់ម្ចាស់ក្សត្រីស្ថិតនៅបឹង Oval ។
អ្នកទេសចរមានឱកាសជួលបន្ទប់របស់ម្ចាស់ក្សត្រីសម្រាកក្នុងតម្លៃ៤០.០០០ដុល្លារក្នុងមួយយប់ ។ ប្រាក់ដែលទទួលបាននឹងយកទៅដាក់ចូលមូលនិធិសប្បុរសធម៌ Whole Chield International ។
របាយការណ៍បញ្ជាក់ថា ថ្លៃចូលសម្រាកសម្រាប់មនុស្ស២នាក់នៅក្នុងផ្ទះនោះមានតម្លៃចាប់ពី២៥.០០០ដល់៤០.០០០ដុល្លារ ប៉ុន្តែបើចង់ចូលសម្រាកជាក្រុមមិនលើសពី១៨នាក់ មានតម្លៃ២៥០.០០០ដុល្លារ ។
ភូមិគ្រឹះ Althorpe ស្ថិតនៅឆ្ងាយពីក្រុងឡុងដ៍ប្រហែល១២០គីឡូម៉ែត្រ នៅក្នុងបរិវេណផ្ទះនោះមានខ្យូសជាច្រើនខ្នង មានកសិដ្ឋាន មានទីធ្លាគ្របដណ្តប់ដោយដើមឈើ មានភូមិ តូចៗ និងមានទេសភាពដ៏ស្រស់ស្អាត ។ លើសពីនេះនៅមានទីកន្លែងដ៏ពេញនិយម ក្នុងការថតរូបអាពាហ៍ពិពាហ៍ប្រើជាកន្លែងថតខ្សែភាពយន្ត និងរៀបចំពិធី ផ្សេងៗ ។ ទីតាំងនោះលោក Earl Charles Spencer បានបើកធ្វើជាទីកន្លែងទេសចរណ៍ចាប់ពីឆ្នាំ១៩៩៨មក ក្រោយពីម្ចាស់ក្សត្រីសោយទិវង្គតនៅឆ្នាំ១៩៩៧ ។
លោក Spencer ថ្លែងថា ការបើកឱ្យជួលគឺជាគោលគំនិតរបស់ភរិយាលោកគឺលោកស្រី Countess Karen Spencer ជនជាតិអាមេរិកដែលត្រូវការរកប្រាក់ចូលក្នុងមូលនិធិសប្បុរសធម៌ ដែលបានបង្កើតឡើងនោះ ៕
ចែករំលែកព័តមាននេះ