រាជធានីភ្នំពេញ ៖ កម្លាំងកងរាជអាវុធហត្ថខណ្ឌដូនពេញ បានឃាត់ខ្លួនជនម្នាក់ពីបទប្រើប្រាស់អាវុធខ្លី (ប្រភេទបា.ញ់គ្រាប់កង់)គំរាមកម្លាំងសណ្តាប់ធ្នាប់សាលាខណ្ឌដូនពេញ ដែលមិនព្រមដោះលែងរថយន្តដឹកអីវ៉ាន់ទម្ងន់២,៥តោនរបស់ពួកគេ នៅមុខស្ថានីយប្រេងតេលា ផ្លូវជាតិលេខ៥ សង្កាត់ស្រះចក ខណ្ឌដូនពេញ កាលពីវេលាម៉ោង០៥ និង៤៥នាទីល្ងាចថ្ងៃទី២ មិថុនា ។
រាជធានីភ្នំពេញ ៖ កម្លាំងកងរាជអាវុធហត្ថខណ្ឌដូនពេញ បានឃាត់ខ្លួនជនម្នាក់ពីបទប្រើប្រាស់អាវុធខ្លី (ប្រភេទបាញ់គ្រាប់កង់)គំរាមកម្លាំងសណ្តាប់ធ្នាប់សាលាខណ្ឌដូនពេញ ដែលមិនព្រមដោះលែងរថយន្តដឹកអីវ៉ាន់ទម្ងន់២,៥តោនរបស់ពួកគេ នៅមុខស្ថានីយប្រេងតេលា ផ្លូវជាតិលេខ៥ សង្កាត់ស្រះចក ខណ្ឌដូនពេញ កាលពីវេលាម៉ោង០៥ និង៤៥នាទីល្ងាចថ្ងៃទី២ មិថុនា ។
មន្ត្រីអាវុធហត្ថខណ្ឌដូនពេញនិយាយថា ជននេះឈ្មោះ ឈុំ ពិឆៃ ភេទប្រុស អាយុ៣០ឆ្នាំ ជាអ្នកបើកបររថយន្ត ស្នាក់នៅផ្ទះលេខ៩១ ផ្លូវបេតុង ភូមិពងទឹក សង្កាត់ពងទឹក ខណ្ឌដង្កោ។ វត្ថុតាងដែលបានរឹបអូសមាន អាវុធខ្លី១ដើម ពណ៌ខ្មៅជាប្រភេទបាញ់គ្រាប់កង់ បង់១គ្មានគ្រាប់ ទូរស័ព្ទ២គ្រឿង កូនសោមួយចំនួន ដែកកេះ២ និងឧបករណ៍សម្រាប់សេពគ្រឿងញៀនមួយចំនួន ។
តាមប្រភពព័ត៌មានឱ្យដឹងថា មុនកើតហេតុ កម្លាំងសណ្តាប់ធ្នាប់ខណ្ឌដូនពេញបានចាប់ឃាត់រថយន្ត១គ្រឿង ម៉ាកហ៊ីយ៉ាន់ដាយ ពណ៌ខៀវ ប្រភេទ២,៥តោន ពាក់ផ្លាកលេខ ភ្នំពេញ ៣A៩១៩៨ ដែលបើកចូលក្រុងខុសម៉ោងកំណត់របស់សាលារាជធានី ។ គ្រាន់តែឃាត់រថយន្តនេះភ្លាម ស្រាប់តែជនខាងលើជិះម៉ូតូ១គ្រឿងម៉ាកអ៊ែប្ល៊ែត ជាមួយនឹងបក្យពួក២នាក់ទៀត មកអន្តរាគមន៍សុំឱ្យខាងសណ្តាប់ធ្នាប់ខណ្ឌដោះលែងរថយន្តរបស់ពួកគេ ។
ប៉ុន្តែខាងសណ្តាប់ធ្នាប់បដិសេធ ធ្វើឱ្យជននេះខឹងក៏លើកអាវសើយឡើងលើបញ្ចេញកាំភ្លើងដែលសៀតនៅចង្កេះ ហើយនិយាយខ្លាំងៗថា សុទ្ធតែគ្នាឯងទេ ចាំបាច់ធ្វើអ៊ីចឹងធ្វើអី ? ពួកឯងអាងស្បែកអី ? ក្រោយពីនិយាយចប់ ជននេះបានយកដៃកាន់កាំភ្លើងបម្រុងនឹងដក ក៏ត្រូវកម្លាំងសណ្តាប់ធ្នាប់ឈ្មោះ អ៊ុក គង្គា យកដៃទៅទប់ពីលើមិនឱ្យដក ដោយនិយាយបែបសម្រុះសម្រួលពន្យារពេល ដើម្បីឱ្យកម្លាំងកងរាជអាវុធហត្ថចុះអន្តរាគមន៍ ។
ពេលទទួលព័ត៌មាននេះភា្លម កម្លាំងល្បាតបានចុះដល់កន្លែងកើតហេតុ ឃាត់ខ្លួនជនសង្ស័យនិងវត្ថុតាងយកមកបញ្ជាការដ្ឋាន។ រីឯរថយន្តនិងអ្នកបើកបរប្រគល់ឱ្យសាលាខណ្ឌដូនពេញធ្វើការផាកពិន័យ ចំណែកបក្សពួក២នាក់ទៀត ដែលឌុបជនសង្ស័យមកបានគេចខ្លួនបាត់មុនពេលកងកម្លាំងទៅដល់ទៀត ។
ក្រោយពីត្រូវឃាត់ខ្លួន ជននេះឆ្លើយសារភាពថា រូបគេពិតជាបានប្រព្រឹត្តសកម្មភាពខាងលើ ដូចការចោទប្រកាន់របស់កម្លាំងសណ្តាប់ធ្នាប់ខណ្ឌប្រាកដមែន ៕
ចែករំលែកព័តមាននេះ