AFP ផ្សាយថា កាលពីពេល ថ្មីៗកន្លងមក ស្ត្រីម្នាក់ពេលកំពុងធាក់កង់ក្នុងរដ្ឋ South Australia ត្រូវសត្វកង់ហ្គូរូលោតជាន់រូបនាងដើម្បីផ្លោះទៅកាន់ទីតាំងមួយទៀត ។ កង់ហ្គូរូបានជាន់ចំសុដន់ដែលច្នៃដាក់ជាតិស៊ីលីកូន បណ្តាលឱ្យបែករបួស ។
អ្នកស្រី Sharon Heinrich អាយុ៤៥ឆ្នាំ ដែលស្ថិតនៅលើបណ្តោយផ្លូវមួយក្នុងជ្រលងភ្នំ Clave Valley ជាមួយមិត្តភក្តិ ហើយចៃដន្យកង់ហ្គូរូឈ្មោះ Skip «លោតទៅជាន់គាត់តែម្តង។ ពីដំបូងអ្នកស្រី Sharon Heinrich គិតថា វាជាសត្វគួរឱ្យស្រឡាញ់ តែវាបែរជាធ្វើឱ្យអ្នកស្រីឈឺចាប់ទៅវិញ ។ កង់ហ្គូរូនោះលោតជាន់គាត់ ហើយក៏ផ្លោះបន្តទៅមិត្តភក្តិគាត់ដែលជិះកង់ក្បែរគ្នាបណ្តាលឱ្យដួល ។
អ្នកស្រី Heinrich និយាយថា «ខ្ញុំរងរបួសបែកសុដន់ដាក់ជាតិស៊ីលីកូន និងស្ពឹកដៃជើងខណៈមិត្តរបស់ខ្ញុំរងរបួសស្រាល» ។
អ្នកស្រី Sharon Heinrich ប្រាប់ ABC ថា «សុដន់របស់គាត់វះកាត់ដាក់សារធាតុស៊ីលីកូន ដែលលាយទឹកអំបិល តែទឹកអំបិលមិនបានជ្រាបចូលរាងកាយទេ ។ ស៊ីលីកូនបានឡើងរឹងបង្កឱ្យឈឺចាប់» ។ អ្នកស្រី Sharon Heinrich បានអំពាវនាវដល់អ្នកជិះកង់ដទៃទៀត ត្រូវប្រើផ្លូវនោះបន្ត ទោះបីជាគាត់រងរបួសដោយកង់ហ្គូរូក៏ដោយ ៕
ចែករំលែកព័តមាននេះ