ខេត្តកណ្តាល ៖ ជនសង្ស័យម្នាក់ក្នុងចំណោមពីរនាក់ ត្រូវបាននគរបាលស្រុកមុខកំពូលធ្វើការឃាត់ខ្លួន បន្ទាប់ពីធ្វើសកម្មភាពលួចរទេះរុញ និងលួចទ្រព្យសម្បត្តិអ្នកដ៏ទៃជាច្រើនលើក ។ ហេតុការណ៌ឃាត់ខ្លួនធ្វើឡើង នៅថ្ងៃទី២០ ខែធ្នូ…
ខេត្តកណ្តាល ៖ ជនសង្ស័យម្នាក់ក្នុងចំណោមពីរនាក់ ត្រូវបាននគរបាលស្រុកមុខកំពូលធ្វើការឃាត់ខ្លួន បន្ទាប់ពីធ្វើសកម្មភាពលួចរទេះរុញ និងលួចទ្រព្យសម្បត្តិអ្នកដ៏ទៃជាច្រើនលើក ។
ហេតុការណ៌ឃាត់ខ្លួនធ្វើឡើង នៅថ្ងៃទី២០ ខែធ្នូ ឆ្នាំ២០២១ វេលាម៉ោង០១និង០០នាទីយប់ ចំណុចផ្ទះជនរងគ្រោះឈ្មោះ ប៉ុន ចាន់ធី ភូមិពាម ឃុំសំបួរមាស ស្រុកមុខកំពូល ខេត្តកណ្ដាល ។
នគរបាលស្រុកមុខកំពូលបានអោយដឹងថា ជនរងគ្រោះឈ្មោះ ប៉ុន ចាន់ធី ភេទប្រុស អាយុ៣៩ឆ្នាំ ជនជាតិខ្មែរ មុខរបរកសិករ មានទីលំនៅភូមិពាម ឃុំសំបួរមាស ស្រុកមុខកំពូល ខេត្តកណ្ដាល ។
ជនសង្ស័យទី១ ឈ្មោះ ទិត តុង ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្ដាល ។ ទី២ មិនស្គាល់អត្តសញ្ញាណ (គេចខ្លួន) ។
នគរបាលបានបញ្ជាក់ថា កន្លងមកជនសង្ស័យជាមុខសញ្ញាប្រើប្រាស់គ្រឿងញៀន ហើយធ្លាប់ជាប់ពន្ធធានាគារខេត្តកណ្ដាល កាលពីឆ្នាំ២០២០ ពីបទរំលោ.ភលើទំនុកចិត្ត (ខ្ចីម៉ូតូ) រយៈពេល៥ខែ ទើបដោះលែង ។
ក្រោយពីដោះលែងជនសង្ស័យ បានដើរធ្វើសកម្មភាពលួចទូរស័ព្ទ និងលុយ របស់កម្មករ នៅក្នុងបុរីអាម៉ូរីភូមិជ្រែមួយរយ ឃុំសំបួរមាស ចំនួន ៥ទៅ៦ លើក តែជនរងគ្រោះមិនបានមកដាក់ពាក្យបណ្ដឹង។ នៅថ្ងៃទី១៩ ខែធ្នូ ឆ្នាំ២០២១ វេលាម៉ោង១៦និង០០នាទី ជនសង្ស័យបានចេញពីផ្ទះភូមិជ្រែមួយរយ ឃុំសំបួរមាស ជាមួយឈ្មោះ រស់ ប្រុស គោលបំណងទៅដើរលេង នៅវិមានឈ្នះ ឈ្នះ មធ្យោបាយម៉ូតូម៉ាក ប៊ីត ពេលទៅដល់ឈ្មោះ រស់ ប្រុស បានទុកម៉ូតូផ្ញើគេ ហើយដើរលេងបែកគ្នា ចំណែកជនសង្ស័យបានជិះម៉ូតូឈ្នួល (កង់បី) មកលេងឆ្នោតកោសនៅព្រែកព្នៅ ។
បន្ទាប់មកទៅលេងល្បែងហ្គេម (បាញ់ត្រី) នៅគីឡូម៉ែត្រលេខ៩ ខណ្ឌឫស្សីកែវតែម្នាក់ឯង រហូតដល់ម៉ោង១២និង០០នាទីយប់ ជនសង្ស័យបានពឹងជនម្នាក់មិនស្គាល់ឈ្មោះ ដែលកំពុងលេងហ្គេម(បាញ់ត្រី) ជាមួយគ្នាអោយឌុបជូនខ្លួនត្រឡប់មកផ្ទះវិញ មធ្យោបាយម៉ូតូ គប់ជ្រុងកញ្ចាស់ ក្នុងពេលធ្វើដំណើរមកដល់ភូមិពាម ឃុំសំបួរមាស នៅវេលាម៉ោង០១និង០០នាទីយប់ ថ្ងៃទី២០ ខែធ្នូ ឆ្នាំ២០២១ បានឃើញរទេះរុញនៅមាត់ផ្លូវក្បែរជណ្ដើរផ្ទះជនរងគ្រោះ ពេលនោះជនសង្ស័យឈ្មោះ ទិត តុង បានអោយជនមិនស្គាល់ឈ្មោះឈប់ម៉ូតូ ហើយខ្លួនក៏បានចុះទៅយករទេះអូសនោះចេញបានប្រហែល៥ម៉ែត្រ ពេលនោះជនរងគ្រោះបានឃើញ ហើយស្រែកឆោឡោថា ៖ (ចោរៗ) ភ្លាមនោះប្រជាពលរដ្ឋ បាននាំគ្នាស្ទុះចេញមកចាប់ជនសង្ស័យតែម្ដង ចំណេកជនសង្ស័យម្នាក់ទៀត បានជិះម៉ូតូរត់គេចខ្លួនបាត់ ។
លុះដល់វេលាម៉ោង០២និង០០នាទីយប់ នាថ្ងៃដដែល ជនរងគ្រោះក៏បានទូរស័ព្ទរាយការណ៍មកសមត្ថកិច្ចប៉ុស្តិ៍នគរបាលរដ្ឋបាលសំបួរមាស ក្រោយពីទទួលព័ត៌មានរួចមក សមត្ថកិច្ចប៉ុស្ដិ៍ និងប្រជាការពារ បានទៅដល់កន្លែងកើតហេតុ ហើយបាននាំខ្លួនជនសង្ស័យ និងវត្ថុតាងមកប៉ុស្ដិ៍ ដើម្បីធ្វើការសាកសួរ ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួន និងបក្សពួកម្នាក់ទៀត មិនស្គាល់អត្តសញ្ញាណពិតជាបានធ្វើសកម្មភាពលួចរទេះរុញរបស់ជនរងគ្រោះ ឈ្មោះ ប៉ុន ចាន់ធី ពិតប្រាកដមែន ។ ចំពោះជនសង្ស័យត្រូវបានឃាត់ខ្លួនបណ្ដោះអាសន្ននៅអធិការរដ្ឋាននគរបាលស្រុកមុខកំពូល ៕
ចែករំលែកព័តមាននេះ