ខេត្តបន្ទាយមានជ័យ ៖ បែកធ្លាយករណីលោកឧត្តមសេនីយ៍ ទោ ភ្លន់ តារា មេបញ្ជាការរងយោធភូមិភាគទី៥ល្បីឈ្មោះយូរហើយ រឿងរំលោភដីរដ្ឋ ដីអង្គភាព រំលោភយកថ្មភ្នំ ប៉ុន្តែបុគ្គលនេះ មិនដឹងជាមានខ្សែទុយោប៉ុណ្ណាទេ ការស្រាវជ្រាវ ស៊ើបអង្កេតតែងបាត់ឈឹងស្ងាត់រហូត ។ ដល់ម៉ោងនេះ មិនធម្មតាទេ ក្រុមការងារការចុះទប់ស្កាត់បង្ក្រាបសកម្មភាពចូលរុករានទន្រ្ទានឈូស ឆាយកាន់កាប់ អាស្រ័យផលនៅលើទីតាំងដីតំបន់៣ បឹងទន្លេសាបរបស់អន្តរក្រសួងបានរកឃើញថា, លោកឧត្តមសេនីយ៍ទោ ភ្លន់ តារា មេបញ្ជាការរង យោធ ភូមិភាគទី៥ បានរំលោភយកដីព្រៃលិចទឹកបឹងទន្លេសាប តំបន់៣ ដល់ទៅប្រមាណជា ៦០០ ហិកតា ចាំមើលស្ថាប័នតុលាការ អង្គភាពប្រឆាំងអំពើ ពុករលួយ ក្រុម ការងារអន្តរក្រសួងមានវិធាន ការបែបណាចំពោះបុគ្គលរូបនេះ ?
បើក្នុងរបាយការណ៍ស្តីពីការចុះទប់ស្កាត់ បង្ក្រាបសកម្មភាពចូលរុករានទន្រ្ទានឈូស ឆាយកាន់កាប់អាស្រ័យផល នៅលើទីតាំងដីតំបន់៣ ទន្លេសាប ក្នុងភូមិសាស្ត្រឃុំប្រាសាទ គឺមានប្រជាពលរដ្ឋ បានប្រគល់ដីជូនរដ្ឋវិញបានចំនួន ៥៥គ្រួសារ ដែលមានផ្ទៃដី ៤៦១,៥០ ហិកតា និងក្រុមកង កម្លាំង អាវុធហត្ថខេត្ត បានចុះស្រង់ ទិន្នន័យដីតំបន់៣ បានចំនួន៧ នាក់ ក្នុងនោះរួមមាន ៖
ទី1 /- ឈ្មោះ យិន ភួយ(X = 320686 Y= 1487452 មានចំនួន 23 ហិកតា)
ទី2/- ឈ្មោះ ភឹត្ត (X= 320682 Y= 1487408 578 18 U)
ទី3/- លោក តុង ហាន់ (X= 320640 Y=1487331 )មាន ចំនួន 30 ហិកតា
ទី4 /- ឈ្មោះ តារ៉ូ (X=320373 Y= 1486752) មានចំនួន 30 ហិកតា
ទី5/- លោក ភ្លន់ តារា (X= 318736 Y= 1484634) មានចំនួន 600 ហិកតា
ទី6/-ឈ្មោះ ខា (X= 318966 Y= 1485092= 106 un)
ទី7 /-ឈ្មោះ តាលៀង (X= 317021 Y= 1484232 =មានចំនួន 32 ហិកតា។
លោកឧត្តមសេនីយ៍ទោ ភ្លន់ តារា រំលោភយកដីព្រៃលិច ទឹកបឹងទន្លេសាប តំបន់៣ ដល់ប្រមាណ៦០០ហិកតា ទោះជាត្រូវបាន ប្រគល់ឲ្យរដ្ឋវិញក៏ដោយ ក៏តុលាការដំណើរការនីតិវិធីផងដែរ ខណៈសម្តេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្ញើសារជាសំលេងនៅថ្ងៃទី ២៨ ខែវិច្ឆិកា ឆ្នាំ២០២១ បានដាក់បទបញ្ជាដ៏ម៉ឺងម៉ាត់ បង្ក្រាបនិងដកហូតដីព្រៃលិចទឹក តំបន់ទន្លេសាប ដែលរដ្ឋបានកំណត់ ជា តំបន់១ តំបន់២ និងតំបន់៣ ដែលរដ្ឋកំណត់រក្សា និងការពារ ត្រូវយកមកវិញទាំងអស់ សម្តេចបានសង្កត់ធ្ងន់ ទៅលើខេត្តកំពង់ឆ្នាំង ដែលកំពុងរងការ កាប់បំផ្លាញយ៉ាងធ្ងន់ធ្ងរ ទន្រ្ទានយកធ្វើជាកម្មសិទ្ធិ។
អ្នកពាក់ព័ន្ធ ជាពិសេសមន្ត្រីដែល បានប្រព្រឹត្តអំពើខុសទៅនឹងច្បាប់ទាំងនោះ ត្រូតែចាប់ខ្លួន កសាងបញ្ជូនទៅតុលាការ។ សម្រាប់ពលរដ្ឋ ត្រូវដកខ្លួនជៀសឱ្យឆ្ងាយ បើនៅតែ តតាំង ក៏ត្រូវចាប់ខ្លួនដែរ ។ សម្តេចបានប្រកាសដល់មន្រ្តី ខិលខូចពាក់ព័ន្ធករណីខាងលើ បើចង់ឱ្យមានការបន្ទបន្ថយទោស ត្រូវចេញមុខសារភាពដោយ ខ្លួនឯង ជាបន្ទាន់ ប៉ុន្តែមិនមានន័យថា រួចផុតទាំងស្រុងនោះ ទេ អស់លោកនៅតែជាប់ពិរុទ្ធភាពដដែល ។
សម្រាប់ មន្ត្រីដែលមិនចូលសារភាព ត្រូវចាប់ខ្លួនកាត់ទោស តាមច្បាប់និងអង្គភាពប្រឆាំងអំពើពុករលួយ ត្រូវត្រួតពិនិត្យស្រាវជ្រាវទ្រព្យសម្បត្តិពួកគេទៀតទើបសាកសម ។ ដូច្នេះគេមានជំនឿថា, បើលោកឧត្តមសេនីយ៍ទោ ភ្លន់ តារា រំលោភយកដីព្រៃលិចទឹកបឹងងទន្លេសាប តំបន់៣ ដល់ប្រមាណ៦០០ហិកតា ត្រូវបានក្រុមការងាររកឃើញទោះប្រគល់ឲ្យរដ្ឋវិញ ក៏នៅតែមានពិរុទ្ធភាពនៃ បទ ល្មើសដដែល។ សូមបញ្ជាក់ថា ជនសង្ស័យប្រព្រឹត្តអំពើពុករលួយ រំលោភ យកដីព្រៃលិចទឹកបឹងទន្លេសាបរាប់រយហិកតា ។
ទីបំផុតអង្គភាព ACU ចេញ ប្រកាសផ្លូវការ៖ សម្រេចឃាត់ខ្លួនស្នងការរង និងនាយការិយាល័យ អន្ដរាគមន៍ ខេត្តកំពង់ឆ្នាំង ពាក់ព័ន្ធព្រៃលិចទឹក នៅតំបន់៣ ស្រុកកំពង់លែង ក្រោយបញ្ចប់ការសួរនាំតាមនីតិវិធី ។ ដោយឡែក ប្រភពគួរឲ្យទុកចិត្តបានបញ្ជាក់ថា៖លោកឧត្តមសេនីយ៍ទោ ភ្លន់ តារា រំលោភយកដីព្រៃលិចទឹកបឹងទន្លេសាប តំបន់៣ ដល់ប្រមាណ ៦០០ហិកតា ប៉ុន្តែបានប្រគល់រដ្ឋវិញប្រមាណ១០០ហិកតាប៉ុណ្ណោះ មានចេតនារក្សាទុករាប់រយហិកតាទៀត។
បញ្ហានេះក្រុម ការងារកំពុងបន្តធ្វើការស៊ើបអង្កេតស្រាវជ្រាវបន្ត រហូតដល់លោក ភ្លន់ តារា ហៅអាជ្ញាធរភូមិ-ឃុំ និងប្រជាពលរដ្ឋមួយចំនួនកុំឲ្យនិយាយថាពាក់ព័ន្ធក្នុងការជួលដីរបស់ខ្លួន ។ លោក ភ្លន់ តារា ដែលរំលោភ យកដីព្រៃលិចទឹកបឹងងទន្លេសាប តំបន់៣ ដល់ប្រមាណ ៦០០ ហិកតា នោះ សូម្បីតែការស្រាវជ្រាវរកឃើញក៏ដោយ ក៏គាត់ មានចរិកកិបកេងដីរបស់រដ្ឋទុក គ្មានញញើយនឹងច្បាប់សូម្បីបន្តិច។
ករណីនេះក្រុមមន្ត្រីការងារអាជ្ញាធរបឹងទន្លេសាប មិនអាចធ្វើការបកស្រាយរឿងនេះបានទេ ខណៈពួកគាត់មានតួនាទីចាំតែធ្វើការវាស់ វែង និងកំណត់ព្រំចំពោះដីព្រៃលិចទឹករបស់រដ្ឋនៅជុំវិញបឹងទន្លេសាបប៉ុណ្ណោះ ។ សង្ឃឹមថា អង្គភាពប្រឆាំងអំពើពុករលួយ នឹងបន្តធ្វើការស៊ើបអង្កេតស្រាវជ្រាវក្នុងរឿង នេះថាតើលោក ភ្លន់ តារា ថ្លើមធំយ៉ាងនេះ មែនឬមួយយ៉ាងណា ?
ចែករំលែកព័តមាននេះ