អាកាសយានដ្ឋាន​យក្ស​នឹង​លេច​រូបរាង​នៅ​ប្រទេស​ចិន – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

អាកាសយានដ្ឋាន​យក្ស​នឹង​លេច​រូបរាង​នៅ​ប្រទេស​ចិន

4 ឆ្នាំ មុន

ទីក្រុង Chengdu កាលពី​ថ្ងៃ​ទី​២៧ ឧសភា ២០១៦ ចាប់ផ្តើម​សាងសង់​អាកាសយានដ្ឋាន​ខ្នាត​យក្ស​មួយ គឺ​អាកាសយានដ្ឋាន​អន្តរជាតិ Chengdu Tianfu ។ នៅ​ពេល​ដែល​សំណង់​នោះ​បញ្ចប់ វា​នឹង​ក្លាយជា​អាកាសយានដ្ឋាន

ទីក្រុង Chengdu កាលពី​ថ្ងៃ​ទី​២៧ ឧសភា ២០១៦ ចាប់ផ្តើម​សាងសង់​អាកាសយានដ្ឋាន​ខ្នាត​យក្ស​មួយ គឺ​អាកាសយានដ្ឋាន​អន្តរជាតិ Chengdu Tianfu ។ នៅ​ពេល​ដែល​សំណង់​នោះ​បញ្ចប់ វា​នឹង​ក្លាយជា​អាកាសយានដ្ឋាន​ផ្ទុក​អ្នកដំណើរ​ដល់​ទៅ ៩០​លាន​នាក់​ក្នុង​១​ឆ្នាំ ។

យោង​តាម​គេហទំព័រ សៀង​ហៃ ដេ​លី ឱ្យ​ដឹង​ថា អាកាសយាន​ថ្មី​នោះ​ស្ថិត​ក្នុង​ចម្ងាយ​ប្រមាណ​៥០​គីឡូម៉ែត្រ​ភាគ​អាគ្នេយ៍​នៃ​ទីប្រជុំជន​ក្រុង Chengdu និង​ស្ថិត​ក្នុង​គម្រោង​ប្រាក់​១០,៧​ពាន់​លាន​ដុល្លារ ។ អាកាសយានដ្ឋាន​នោះ​នឹង​ធ្វើ​ឱ្យ Chengdu ក្លាយជា​ក្រុង​ធំ​ជាងគេ​ទី​៣ ដែល​មាន​អាកាសយានដ្ឋាន​២​បន្ទាប់​ពី​ក្រុង​ប៉េ​កាំ​ង និង​ក្រុង​សៀង​ហៃ។ គម្រោង​បង្ហាញ​ឱ្យ​ឃើញ​ជា​ផ្នែក​មួយ​នៃ​សេចក្តី​ប្រាថ្នា​របស់​ក្រុង Chengdu ដើម្បី​ក្លាយជា​កន្លែង​ដឹក​ជញ្ជូន​ដ៏​ចម្បង តាម​ផ្លូវអាកាស ។ នៅ​ពេល​សំណង់​បញ្ចប់​ទីតាំង​លើ​ទំហំ​ដី ១២៦​ហិ​កតា រួម​បញ្ចូល​ទាំង​កន្លែង​ហោះហើរ​៦​ស្ថានីយ​នោះ ត្រូវ​គេ​រំពឹង​ថា នឹង​ផ្ទុក​អ្នកដំណើរ​បាន ៩០​លាន​នាក់​ក្នុង​១​ឆ្នាំ ។

ការ​រចនា​អាកាសយានដ្ឋាន​បាន​ដាក់​ស្នើ​រួម​គ្នា​ដោយ​វិទ្យាស្ថាន​រចនា និង​ស្រាវជ្រាវ​ស្ថាបត្យកម្ម​ភាគ​និរតី​ប្រទេស​ចិន ក្រុមហ៊ុន​សាងសង់​អាកាសយានដ្ឋាន​ចិន និង​ក្រុមហ៊ុន​ស្ថាបត្យកម្ម​បារាំង ADP Ingenierie ការ​រចនា​រូបរាង​របស់​អាកាសយានដ្ឋាន តំណាង​ឱ្យ​ភាព​ច្នៃប្រឌិត និង​របកគំហើញ​របស់​ប្រជាជន​ខេត្ត​ស៊ី​ឈ័ន ។

លោក Chen Guilin អគ្គនាយក​ក្រុមហ៊ុន​សហគ្រាស Sichuan Huashi Enterprise Co និយាយ​ថា អាកាសយានដ្ឋាន​នោះ​នឹង​បម្រើ​ក្នុង​នាម​ជា​មជ្ឈមណ្ឌល​ចរាចរណ៍​លើ​ផ្លូវអាកាស​ក្នុង​តំបន់​ភាគ​និរតី ។ វា​នឹង​ចូលរួម​ចំណែក​ដល់​ការ​អភិវឌ្ឍ​សេដ្ឋកិច្ច និង​សង្គម​ក្នុង​ខេត្ត​ស៊ី​ឈ័ន និង​តំបន់​នៅ​ជុំវិញ ។ ដូច​បង្ហាញ​ក្នុង​រូប វា​ពិតជា​មានការ​រចនា​ប្រកបដោយ​គំនិត​ច្នៃប្រឌិត​ខ្ពស់ ៕