សភាទីប្រឹក្សាអិុស្លាម (CII) ជាផ្នែកមួយ ស្ថិតក្រោមរដ្ឋធម្មនុញ្ញប៉ាគីស្ថាន បានស្នើសេចក្តីព្រាងច្បាប់សម្រាប់ក្រុមគ្រួសារកាលពីពេល ថ្មីៗកន្លងមក ដោយអនុញ្ញាតឱ្យប្តីអាច «វាយប្រពន្ធជាការដាក់ទោស»
សភាទីប្រឹក្សាអិុស្លាម (CII) ជាផ្នែកមួយ ស្ថិតក្រោមរដ្ឋធម្មនុញ្ញប៉ាគីស្ថាន បានស្នើសេចក្តីព្រាងច្បាប់សម្រាប់ក្រុមគ្រួសារកាលពីពេល ថ្មីៗកន្លងមក ដោយអនុញ្ញាតឱ្យប្តីអាច «វាយប្រពន្ធជាការដាក់ទោស» ប្រសិនបើនាងបដិសេធមិនព្រមរួមរ័កតាមតម្រូវការរបស់ខ្លួន ។
NBC News កាលពីថ្ងៃទី២៩ ឧសភា ២០១៦ ផ្សាយថា សភាទីប្រឹក្សាអិុស្លាម (CII) របស់ប៉ាគីស្ថាន ទទួលស្គាល់ថា មានសេចក្តីព្រាងច្បាប់នោះមែន ហើយនឹងបញ្ជូនបន្តទៅរដ្ឋសភាដើម្បីសុំការអនុម័ត ។ ច្បាប់ថ្មីដែលគ្រោងចេញនេះដើម្បីទប់ទល់នឹងច្បាប់ការពារសិទ្ធិរបស់ស្ត្រី ដែលបានអនុម័តពីខេត្ត Punjab កាលពីខែកុម្ភៈ ។
Punjab ជាខេត្តមួយមានពលរដ្ឋរស់នៅច្រើនបំផុតក្នុងប៉ាគីស្ថាន ដោយច្បាប់ការពារសិទ្ធិស្ត្រីនៅក្នុងខេត្តនោះ បានអនុម័តដើម្បីការពារស្ត្រីពីការវាយធ្វើបាបក្នុងគ្រួសារ និងប្រើអំពើហិង្សាលើផ្លូវចិត្ត ។
សារព័ត៌មានអាមេរិកបានផ្សាយថា នៅក្នុងសេចក្តីព្រាងច្បាប់ថ្មីរបស់ CII ក្រៅពីកំណត់អនុញ្ញាតឱ្យប្តីអាចវាយប្រពន្ធបើសិនមិនព្រមរួមរ័កនោះ ក៏អនុញ្ញាតឱ្យប្តីអាចប្រើកម្លាំងបង្ខំ ទៅលើប្រពន្ធដែលមិនព្រមងូតទឹកក្រោយពេលរួមរ័ករួច ឬបដិសេធមិនងូតទឹកក្នុងពេលមានរដូវ ។
NBC News បន្តថា សភាទីប្រឹក្សាអិុស្លាមរបស់ប៉ាគីស្ថាន (CII) គ្មានអំណាចក្នុងការចេញច្បាប់ដោយខ្លួនឯងទេ ប៉ុន្តែអាចផ្តល់ការណែនាំដល់រដ្ឋាភិបាល និងសភាបា៉គីស្ថានបាន ។
លោក Maulana Muhammad Khan Sherani ប្រធាន CII បានថ្លែងកាលពីថ្ងៃទី២៦ ឧសភា ថា «ហាមប្រើស្បែកជើង ឬអំបោសវាយក្បាលប្រពន្ធ ឬវាយនៅបរិវេណចម្រុះ ឬភ្នែក ។ ហាមមិនឱ្យបាក់ឆ្អឹង ឬមានស្នាមរបួស និងហាមមិនឱ្យមានស្លាកស្នាមលើស្បែក» ៕
ចែករំលែកព័តមាននេះ